ខេត្តបាត់ដំបង៖ គ្រោះថ្នាក់ចរាចរណ៍រវាងឡានក្រឡុកស៊ីម៉ង់ត៍ របស់ក្រុមហ៊ុន ហុង ឆាយ និង ម៉ូតូ បណ្តាលអោយរងរបួសស្រាលម្នាក់ របួសធ្ងន់បាក់ម្នាក់ ដែលហេតុការណ៍នេះ បានកើតឡើងនៅថ្ងៃទី២៨ ខែតុលា ឆ្នាំ២០១៩ ស្ថិតនៅភូមិអូរខ្ជាយ សង្កាត់ព្រែកព្រះស្ដេច ក្រុងខេត្តបាត់ដំបង ត្រង់ចំនុចមុខសាកលវិទ្យាល័យបាត់ដំបង។ ប្រភពពីកន្លែងកើតហេតុបានអោយដឹងថា៖ នៅមុនពេលកើតហេតុ គេឃើញមាន ឡានក្រឡុកស៊ីម៉ង់ត៍ របស់ក្រុមហ៊ុន ហុង ឆាយដែលមានផ្លាកលេខ ភ្នំពេញ 5A.1179 បានបើកបរពីទិសខាងកើតទៅលិច ចំណែកម៉ូតូ ជិះគ្នា២នាក់ បើបរពីខាងទិសលិចទៅខាងកើត លុះដល់ចំនុចកើតហេតុទល់មុខសាលាសាកល និង សាលាពហុបច្ចេកទេសឡានក្រឡុកស៊ីម៉ងត៍ បត់ចូលសាលា ដើម្បីចាក់ស៊ីម៉ង់ត៍ បានបុកម៉ូតូ ពីខាងក្រោយតែម្តង បង្កអោយម៉ូតូរងការខូចខាតយ៉ាងដំណំ និងរងរបួសស្រាលម្នាក់ រងរបួសធ្ងន់បាក់ជើងម្នាក់។ ជនរងគ្រោះបាក់ជើងមានឈ្មោះ ថា សុខ លីហេង បាក់ជើងត្រង់ជង្គង់(ឆ្អឹងពីរ) និងរលាត់ដៃជើងថែមទៀត។ ប្រភពបន្តថា៖ ក្រោយពេលកើតហេតុ សមត្ថកិច្ចផ្នែកចរាចរណ៍បានជួយសម្រួលចរាចរណ៍ ធ្វើការវាស់វែង និងយកមធ្យោបាយទាំងពីរទៅស្នងការដ្ឋាននគរបាលខេត្តបាត់ដំបង ដើម្បីដោះស្រាយគ្នានៅពេលក្រោយ ចំណែកជនរងគ្រោះទាំងពីនាក់បានបញ្ជូនទៅសង្គ្រោះព្យាបាលនៅឯមន្ទីរពេទ្យ អ៊ីមីកចិនស៊ី (Emergency HANDA MEDICAL CENTER)។ ប្រភពពីជនរងគ្រោះបានអោយដឹងថា៖ ឡានក្រឡុកស៊ីម៉ង់ត៍ របស់ក្រុមហ៊ុន ហុង ឆាយ ដែលបង្កហេតុ បានកំពុងធ្វើការដោះស្រាយសងសំណងតាមរដ្ឋប្បវេណី នៅស្នងការនគរបាលខេត្តបាត់ដំបង ដោយបង់សំណងទៅជនរងគ្រោះបាក់ជើងត្រឹមតែ ២លានរៀល ប៉ុន្តែ នៅរសៀលថ្ងៃទី២៩ ខែឆ្នាំដ៏ដែលនេះ តែ ឪពុកម្តាយជនរងគ្រោះបានបដិសេធ មិនព្រមយកតាមសំណងរបស់ភាគីរថយន្តបង្កហេតុទេ ពីព្រោះថា៖ បើតាមចំនួនទឹកប្រាក់ដែលភាគីបង្កហេតុសងនោះមិនអាចធ្វើការមើលជំងឺជើង និង ជួសជុលម៉ូតូវិញ មិនគ្រប់គ្រាន់ទេ។ សូមប្រិយមិត្តទស្សនិកជន ដែលនិយមតាមរាល់ការផ្សាយ សារព័ត៌មាន គេហទំព័រ ប៉ោយប៉ែតប៉ុស្តិ៍ សូមរងចាំតាមដានការផ្សាយមួយលេខក្រោយបន្តទៀតថា៖ តើរឿងរ៉ាវខាងលើនេះជាលទ្ធផលដោះស្រាយយ៉ាងណាបន្ត ដើម្បីសមរម្យទៅលើជនរងគ្រោះដែលអាចទទួលយកសំណងពីរថយន្តបង្កបាន៕ ដោយៈ លោក សុខ បូរី និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com