រថយន្ត Hummer ០១គ្រឿង ឆ្លងចរន្តអគ្គិសនី បណ្តាលអោយឆេះ ស្ទើរទាំងស្រុង.!!!
ខេត្តបន្ទាយមានជ័យ៖ មានករណីឆេះរថយន្ត Hummer ០១គ្រឿង ពណ៌ខ្មៅ ពាក់ស្លាកលេខ (ភ្នំពេញ 2V-9599) ព្រោះឆ្លង ចរន្តអគ្គិសនី បណ្តាលឆេះខូចខាតស្ទើរទាំងស្រុង ដែលហេតុការណ៍នេះ បានកើតឡើង នៅចំណុចភូមិអូរអំបិលលើ សង្កាត់អូរអំបិល ក្រុងសិរីសោភ័ណ បង្កការភ្ញាក់ផ្អើលដល់ពលរដ្ឋនិងសមត្ថកិច្ច ចុះជួយអន្តរាគមន៍កាលពីវេលាម៉ោង ១១ និង ៤៥ នាទី ថ្ងៃទី១៤ ខែវិច្ឆិកា ឆ្នាំ២០១៩ នេះ។
ប្រភពពីសមត្ថកិច្ចនៅកន្លែងកើតហេតុបានអោយដឹងថា៖ ម្ចាស់រថយន្តឈ្មោះ ឯក សម្បត្តិ ភេទប្រុស អាយុ ៣១ឆ្នាំ រស់នៅភូមិនិមិត្ត១ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
បើយោងប្រភពពីសមត្ថកិច្ចបន្តថា៖ មូលហេតុ បណ្តាលអោយឆេះរថយន្ត Hummer ០១គ្រឿងនេះ មកពីឆ្លងចរន្តអគ្គិសនី (ព្រោះរថយន្តនេះទើបយកចេញពីយានដ្ឋានជួសជុលភ្លើងមួយកន្លែង) ក្នុងករណីនេះដែរម្ចាស់រថយន្តពុំមានរងរបួសទេ។
សូមបញ្ជាក់ផងដែរថា៖ ករណីរថយន្តឆេះខាងលើ សមត្ថកិច្ចក្រុងសិរីសោភ័ណ ប្រើប្រាស់រថយន្តពន្លត់អគ្គីភ័យចំនួន ០៣គ្រឿង រថយន្តក្រុងសិរីសោភ័ណ០១ គ្រឿង និង រថយន្តស្នងការខេត្តចំនួន០២ គ្រឿង ហើយប្រើប្រាស់ទឹកអស់ចំនួន០២ឡាន ទើបរលត់ជាស្ថាពរ៕
ដោយៈ លោក វ័ន ប៊ុនរើន អ្នកយកព័ត៌មាន
គេហទំព័រ ប៉ោយប៉ែតប៉ុស្តិ៍
www.poipetpostnews.com
