ក្រុងប៉ោយប៉ែត៖ ករណីដ៏រន្ធត់ ពលរដ្ឋនាំគ្នាភ្ញាក់ផ្អើលចោមមើលឈូរឆរ ដោយសារបុរសម្នាក់ យកកាំបិតចិតបន្លែ ធ្វើអត្តឃាតខ្លួនឯងទល់មុខ (ភែរើមែកស៍) តែមិនស្លាប់ គ្រាន់តែរបួសធ្ងន់ ត្រូវបានកងកម្លាំងសន្តិសុខ កម្លាំង អាវុធហត្ថ កម្លាំងអធិការដ្ឋាននគរបាល កម្លាំងវារៈសេនាតូចការពារព្រំដែនគោកលេខ៩១១ ចុះជួយសង្គ្រោះបន្ទាន់ និងត្រូវបានលោក នួន នីគីដា ផ្នែកមនុស្សធម៌ប្រចាំក្រុងប៉ោយប៉ែត បានយករថយន្តដឹកបុរសដែលធ្វើអត្តឃាតខ្លួនឯង ទៅសង្គ្រោះនៅមន្ទីរពេទ្យបង្អែកពីប៉ោយប៉ែត ដីថ្មី បន្ទាន់ផងដែល ដែលហេតុការណ៍ដ៏ស្រាវស្រើបឆ្អឹងខ្នងនេះ នៅវេលាម៉ោង១២និង១០នាទីថ្ងៃត្រង់ ថ្ងៃសៅរ៍ទី០២ ខែវិច្ឆិកា ឆ្នាំ២០១៩ ស្ថិតក្នុងបរិវេណកាស៊ីណូផ្សាយ៥ ទល់មុខ(ភែរើមែកស៍) ភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ កំលាំងនគរបាលវរៈសេនាតូចការពារព្រំដែនគោក លេខ៩១១ បានអោយសារព័ត៌មាន គេហទំព័រ ប៉ោយប៉ែតប៉ុស្តិ៍ ដឹងថា៖ នៅមុនពេលកើតហេតុ គេបានឃើញបុរសនោះយកកាំបិតចិតបន្លែចាក់ចំចុងដង្ហើមខ្លួន ដើម្បីធ្វើអត្តឃាតបញ្ចប់ជីវិត សំណាងដែរមិនស្លាប់គ្រាន់របួសធ្ងន់ ខណៈភ្លាមៗនោះ មានប្រជាពលរដ្ឋភ្ញាក់ផ្អើលចោមរោមមើលឈូរឆរ ហើយកំលាំងសមត្ថកិច្ចចម្រុះ និងកលាំងសន្តិសុខ កំលាំងប្រជាការពារភូមិ ក៏បានចុះជួយសង្គ្រោះអន្តរាគមន៍ភ្លាមៗ និង ធ្វើការបញ្ជូនទៅមន្ទីរពេទ្យសង្គ្រោះបន្ទាន់ផងដែរ ដោយរថយន្តផ្ទាល់របស់លោក នួន នីគីដា។ ជុំវិញប្រភពពីកន្លែងកើតហេតុបានអោយដឹងថា៖ បុរសខាងលើឈ្មោះ ហួត អាយុប្រហែល ៣៤ឆ្នាំ ហើយប្រែលជាអ្នកញៀនថ្នាំ ទើបគ្រប់គ្រោងអារម្មខ្លួនឯងមិនបាន សម្រេចធ្វើអត្តឃាតបែបនេះ។ សូមបញ្ជាក់ផងដែរថា៖ ហូតដល់ម៉ោងនេះ សារព័ត៌មានយើងខ្ញុំ នៅពុំដឹងថា ក្រុមគ្រូពេទ្យអាចជួយសង្គ្រោះជីវិតបុរសនេះអោយរួចផុតពីសេចក្តីស្លាប់បានឬយ៉ាងណានោះទេ ព្រោះកន្លែងដែលចាក់ចូលនោះចំកន្លែងសំខាន់ណាស់ត្រង់ចំណុចចុងដង្ហើម៕ (រាយការណ៍ បឋមៈ) ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com