ខេត្ត​កំពត ៖ នៅព្រឹកនេះផងដែល រដ្ឋបាល​ខេត្ត​កំពត បានបើកកិច្ចប្រជុំ មួយ ក្រោមអធិបតី លោក ជាវ តា​យ អភិបាលនៃ​គណៈអភិបាលខេត្ត បានអញ្ជើញ​ជា​គណៈអធិបតីភាព ក្នុងកិច្ចប្រជុំ ដោះស្រាយរឿង វិវាទដីធ្លី រវាងកងពលលេខ១១ និង​ ប្រជាពលរដ្ឋ ស្ថិតនៅ​ភូមិ​ព្រៃ​ខ្មៅ ឃុំ​ស្រែ​ក្នុង ស្រុក​ជុំ​គី​រី ខេត្ត​កំពត​ ថ្ងៃសុក្រ ៦កើត ខែបុស្ស ឆ្នាំច​ សំរឹទ្ធិស័ក ព.ស ២៥៦២ ត្រូវនឹងថ្ងៃទី១១ ខែ​មករា ឆ្នាំ​២០១៩។ ​ ដោយមានការចូលរួម មានវត្តមាន លោកអភិបាលរងខេត្ត មេការ​បញ្ជា​ការរង​ក​ង​ពល​លេខ ១១ កងកម្លាំង​ទាំង ៣ អង្គភាព សមាជិក​គណៈកម្មាធិកា​រ​ គ្រប់គ្រងដីរដ្ឋថ្នាក់ខេត្ត រដ្ឋបាល​ស្រុក​ជុំ​គី​រី និង ប្រជាពលរដ្ឋ មានទំនាស់ដីធ្លី សរុប ចំនួន៦១​នាក់​។ ជា​លទ្ធផល លោក​ ជាវ តា​យ មានប្រសាសន៍ថា៖ លោកនឹង​រៀបចំ​កិច្ចប្រជុំ​គណ​:​ក​ម្មការ ដើម្បីដោះស្រាយ​ជូន តាម​គោលការណ៍​ឈ្នះ ឈ្នះ ក្នុង​ពេល​ឆាប់ៗ​ខាងមុខនេះ​។​ ក្នុងរឿងករណី វិវាទដីធ្លី ដែលស្ថិតក្នុងភូមិ សាស្ត្រខាងលើ តាមសំដីប្រជាពលរដ្ឋទាំង៦១នាក់ បានបញ្ជាក់អះអាងថា៖ ដីដែលក្រុមទាហាមកឈូសឆាយ គឺជាដីដែល សម្តេច តេជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជា បានធ្វើចំណារ សម្រាប់ផ្តល់ជូនពួកគាត់តាំងពីឆ្នាំ២០០៦ មកម្លេះ ហើយបានមានកាតរាំុរ៉ៃ គឺឆ្លងកាត់ការគ្រប់គ្រងពីសំណាក់លោកអភិបាលខេត្ត ពីជំនាន់មកហើយ។ ដោយឡែកបើតាមការលើកឡើងរបស់កងពលលេខ ១១ បានអះអាងថា៖ ការឈូសឆាយដីនេះ ជាគោលការណ៍របស់រដ្ឋបាលខេត្តកំពត ទើបពួកគេ ហ៊ានឈូសឆាយ ដោយគ្មានខ្លាចក្រែងបែបនេះ។ ​ សូមបញ្ជាក់ផងដែលថា៖ បើយោងតាមប្រសាសន៍ របស់អាជ្ញាធរគ្រប់ស្រទាប់ គឺរដ្ឋបាលខេត្តកំពត ពុំ​បាន​បញ្ជា​អោយក្រុមហ៊ុន ឬបុគ្គល​ណា​ម្នាក់ ទៅ​ឈូសឆាយ​ដី​របស់​ប្រជាពលរដ្ឋ​ ដែលស្ថិតនៅតំបន់ខាងលើនេះឡើយ៕ ដោយៈ សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com