ខេត្តស្វាយរៀង៖ ក្រោយពីមានអំពើឃាត់កម្មគិតទុកជាមុន នគរបាលជំនាញនៃស្នងការដ្ឋានខេត្តស្វាយរៀង ចុះស្រាវជ្រាវរួច បានប្រាប់អោយដឹងថា៖ នៅល្ងាចថ្ងៃទី២២ ខែវិច្ឆិកា ២០១៩ បានកំណត់មុខសញ្ញាជនសង្ស័យដែលអារ.ក សម្លាប់កម្មការិនីនៅក្នុងរោងចក្រ កាលពីព្រឹកម្សិលមិញបានហេីយ ជនសង្ស័យដែលសម្លាប់គឺជាសង្សាររបស់ស្ត្រីជនរងគ្រោះ។ ក្នុងករណីអំពេីឃាតកម្មនេះ ដែលបានកេីតឡេីងក្នុងរោងចក្រ "ធីវ៉ាយ ស្ថិតក្នុងតំបន់សេដ្ឋកិច្ចពិសេស ស្វាយរៀង ហ្គី ហ្គារីសស៍" ក្នុងភូមិដើមពោធិ៍ ឃុំកណ្ដៀងរាយ ស្រុកស្វាយទាប ខេត្តស្វាយរៀង នៅវេលាម៉ោងជិត៦កន្លះព្រឹកថ្ងៃ២២ វិច្ឆិកា ឆ្នាំ២០១៩។ ជនសង្ស័យឈ្មោះ នាង ក្រឹម ភេទប្រុស អាយុ២៥ឆ្នាំ ត្រូវជាសង្សារបស់ជនរងគ្រោះឈ្មោះ ខឹម ពិសាល ភេទស្រី អាយុ២៤ឆ្នាំរស់នៅភូមិព្រៃរការ ឃុំឈើទាល ស្រុកស្វាយជ្រុំ ខេត្តស្វាយរៀង។ សមត្ថកិច្ចបន្តអោយដឹងទៀតថា៖ ការសន្និដ្ឋានជំហានដំបូងតាមការស្រាវជ្រាវថា៖អ្នកទាំងពីរត្រូវជាសង្សានឹងគ្នា ហេីយមូលហេតុដែលឈានដល់ការសម្លាប់យ៉ាងសាហាវនេះ គឺ ដោយក្រុមគ្រួសារខាងស្រីមិនអោយរៀបអាពាហ៍ពិពាហ៍ ដោយសារមូលហេតុបែបនេះហើយ ទើបជនសង្ស័យ មិនព្រមអោយសង្សារខ្លួនបានទៅអ្នកផ្សេងថែជំនួសខ្លួនឡើយ ទើបគិតក្លី ភ្លើងហឹង្សាប្រចណ្ឌ ក៏សម្លាប់សង្សារជាទីស្រឡាញ់របស់ខ្លួនទៅ។ បច្ចុប្បន្នៈ សមត្ថកិច្ចកំពុងស្រាវជ្រាវតាមចាប់ខ្លួនជនសង្ស័យមកផ្តន្ទាទោសតាមច្បាប់។ គ្រាន់រំលឹកផងដែលថា៖ សូមបងប្អូន យុវជន យុវនារី បើមានសង្សារស្រលាញ់ស្មោះស្ម័គ្រមិនអាចបំភ្លេចបាននោះ បើមានរឿងស្រឌៀងរឿងខាងលើ សូមមេត្តាដោះលែងដៃគូរស្នេហ៍យើងអោយគេទៅរកសុភមង្គលចុះ ធ្វើម្តេចបើយលងគ្មានវាសនា បានត្រឹបមាននិស្ស័យជួបគ្នាត្រឹមហ្នឹង! សូមអរគុណ៕ ដោយៈ លោក សេង រ័ត្ន និពន្ធនាយករង គេហទំព័រ ប៉ោយប៉ែត ប៉ុស្តិ៍ www.poipetposrnews.com