ខេត្តបន្ទាយមានជ័យ៖ យោងតាមសេចក្តីប្រកាសរបស់រដ្ឋបាលខេត្តបន្ទាយមានជ័យលេខ ៧៦១/១៩ ស.ជ.ណ ចុះថ្ងៃសុក្រ ១១ រោច ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២២ ខែវិច្ឆិកា ឆ្នាំ ២០១៩ នេះ បានចេញសេចក្តីប្រកាសជូន: -លោកឧត្តមសេនីយ៍ទោមេបញ្ជាការទិសទី ១ -លោកឧត្តមសេនីយ៍ទោស្នងការនគរបាលខេត្ត -លោកឧត្តមសេនីយ៍ត្រីមេបញ្ជាការកង រាជអាវុធហត្ថខេត្ត -លោកអភិបាលនៃគណៈអភិបាលក្រុងប៉ោយប៉ែត -លោកអភិបាលនៃគណៈអភិបាលស្រុកអូរជ្រៅ -លោកអភិបាលនៃគណៈអភិបាលស្រុកម៉ាឡៃ -លោកអភិបាលនៃគណៈអភិបាលស្រុកស្វាយចេក -លោកអភិបាលនៃគណៈអភិបាលស្រុកថ្មពួក ក្នុងសេចក្តីប្រកាសនេះអត្ថន័យមានដូចខាងក្រោម៖ កម្មវត្ថុ: ស្ដីពី វិធានការទប់ស្កាត់ជាបន្ទាន់ការនាំចូលមាន់រស់ដោយខុសច្បាប់ពីប្រទេសថៃ តាមច្រករបៀងក្នុងខេត្តបន្ទាយមានជ័យតបតាមកម្មវត្ថុខាងលើ រដ្ឋបាលខេត្តបានជម្រាបជូនដូចសព្វថ្ងៃនេះ រដ្ឋបាលខេត្តបានពិនិត្យឃើញថា នៅតាមច្រករបៀងមួយចំនួននៅតែបន្តអោយមានការនាំចូលមាន់រស់ដោយខុសច្បាប់ជាបន្តបន្ទាប់ និង មានការបង្ក្រាបពីមន្ត្រីជំនាញក្នុងខេត្ត នឹង មានការបង្ក្រាបពីក្រុមអន្តរាគមន៍របស់អគ្គនាយកដ្ឋានសុខភាពសត្វ និង ផលិតកម្មសត្វ នៃក្រសួងកសិកម្មរុក្ខាប្រមាញ់ និង នេសាទ ដែលត្រូវបានសារព័ត៌មានចុះផ្សាយនាពេលថ្មីៗ ដូចនេះរដ្ឋបាលខេត្ត ស្នើអស់លោកធ្វើការណែនាំជាវិធានការដល់អង្គភាព ស្ថាប័នមានសមត្ថកិច្ចពាក់ព័ន្ធ ដែលឈរជើងនៅតាមច្រករបៀងទាំងអស់ ត្រូវតែបញ្ឈប់ការនាំចូលមាន់រស់ដោយខុសច្បាប់ ដែលផ្ទុយពីគោលការណ៍ណែនាំរបស់ក្រសួងមហាផ្ទៃ ចាប់ពីថ្ងៃចុះហត្ថលេខានេះតទៅ។ អាស្រ័យហេតុនេះសូមអស់លោកជ្រាបនិងចាត់ចែងអនុវត្តអោយមានប្រសិទ្ធភាព៕ ដោយៈ ចាងហ្វាង ប៉ោយប៉ែត ប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា សង្ឃឹមយ៉ាងមុតមាំថា បទវិន័យនគរបាលជាតិកម្ពុជាថ្មីនេះ នឹងធ្វើឱ្យកងកម្លាំងនគរបាលជាតិ ប្រកាន់ខ្ជាប់នូវវិន័យ មានឥរិយាបថថ្លៃថ្នូរ មានក្រមសីលធម៌វិជ្ជាជីវៈ ស័ក្តិសមជាអ្នកបម្រើនិងការពារប្រជាពលរដ្ខ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា