ខឹងប្រពន្ធរត់ចោល! ប្តីខលហៅអោយមករួមរស់ជុំគ្នាវិញមិនមក ប្តីតូចចិត្តចង់.ក បញ្ចប់ជីវិតបានសម្រេច.!!!
ក្រុងប៉ោយប៉ែត៖ មានករណីភ្ញាក់ផ្អើលរំលងអាទ្រាធ បុរសម្នាក់តូចចិត្តនិងប្រពន្ធខ្លាំង ខលហៅអោយមករួមរស់ជុំគ្នាវិញមិនមក ប្តីតូចចិត្តចង់.ក បញ្ចប់ជីវិតខ្លួនបានសម្រេច
ដោយយកក្រមាពណ៌ ក្រហម ចង.ក ក្នុងបន្ទប់ទឹក ជាន់ទីមួយ ក្នុងអគារកំពស់៨ជាន់ទើបសាងសង់ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កាលពីវេលាម៉ោង០១យប់រំលងអាទ្រាធ ឈានចូលថ្ងៃទី២៥ ខែវិច្ឆិកា ឆ្នាំ២០១៩។
យោងតាមប្រភពបានអោយដឹងថា៖ ជនរងគ្រោះឈ្មោះ ពឿន ប៉ុន ភេទប្រុស អាយុ ៣២ ឆ្នាំ មានទីលំនៅភូមិក្រឹង សង្កាត់កូនក្រៀល ក្រុងសំរោង ខេត្តឧត្តរមានជ័យ ។
បើយោងតាមសមត្ថកិច្ចបានអោយដឹងថា៖ មូលហេតុជនរងគ្រោះសម្រេចចង.ក ដោយសារឈ្លោះគ្នាជាមួយប្រពន្ធ ហើយប្រពន្ធបានរត់ទៅស្រុកប្រហែល១អាទិត្យហើយ។ ប្រភពពីជាងសំណង់ធ្វើការជុំគ្នាបានអោយដឹងថា៖ មុនកើតហេតុជនរងគ្រោះ បានខលទូរស័ព្ទអោយប្រពន្ធត្រលប់មកវិញ តែប្រពន្ធជនរងគ្រោះ មិនយល់ព្រមត្រលប់មកទេ ទើបជនរងគ្រោះខឹងហើយបានផឹកស្រាជាមួយក្រុមការងារសំណង់ដូចគ្នា ស្រវឹងបន្ទាប់មកបានលួចទៅចង.ក ស្លាប់ទៅ ក៏មានការភ្ញាក់ផ្អើលនៅវេលាម៉ោង១យប់ ទើបរាយការណ៍ជូនសមត្ថកិច្ច។
សមត្ថកិច្ចជំនាញបានធ្វើកោសល្យវិច័យរួច
ក្រោយកើតហេតុរួច សមត្ថកិច្ចបានទំនាក់ ទំនងទៅគ្រួសាររបស់ជនរងគ្រោះ ហើយប្រពន្ធជនរងគ្រោះបានមកដល់កន្លែងកើតហេតុនៅព្រឹកថ្ងៃទី២៥ ខែវិច្ឆិកា ឆ្នាំ២០១៩ នេះ ដើម្បីផ្តល់ព័ត៌មានបន្ថែមជូនសមត្ថកិច្ច និងប្រគល់សពប្តីអោយប្រពន្ធយកទៅធ្វើបុណ្យតាមប្រពៃណី នៅក្នុងវត្តស្រះត្រាច ស្ថិតក្នុងភូមិក្បាលស្ពាន១ សង្កាត់ប៉ោយប៉ែត៕
ដោយៈ លោក ជួង វិសិដ្ឋ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com
