អធិការដ្ឋាននគរបាលខណ្ឌដូនពេញ ចុះប្រតិបត្តិការ ស្រាវជ្រាវ បង្ក្រាបករណីជួញដូរដោយខុសច្បាប់នូវសារធាតុញៀន បានចំនួន០៦កញ្ចប់ធំ..!!!
ភ្នំពេញ៖ នៅថ្ងៃទី១៤ ខែមករា ឆ្នាំ២០១៩ វេលាម៉ោង១០ និង៣០នាទីព្រឹក ដោយអនុវត្តន៍តាមគោលការដឹកនាំរបស់លោក សុខ ពេញវុធ អភិបាលនៃគណៈអភិបាលខណ្ឌដូនពេញ អធិការដ្ឋានប៉ុស្តិ៍ បានបើកការស្រាវជ្រាវបង្ក្ត្រាបករណីជួញដូរដោយខុសច្បាប់នូវសារធាតុញៀន ស្ថិតនៅចំណុចផ្លូវរថភ្លើងក្តាន់ពីរ ក្រុម៣៩ ភូមិ៣ សង្កាត់ស្រះចក រាជធានីភ្នំពេញ។
ជាលទ្ធផលនៃកិច្ចប្រតិបត្តិការណ៍នេះ កំលាំងសមត្ថកិច្ចយើងបានធ្វើការឃាត់ខ្លួនជនសង្ស័យចំនួន០១នាក់ រួមនិងវត្ថុតាង ជនសង្ស័យមានឈ្មោះ សៅ សុវណ្ណវិរៈ ភេទប្រុស អាយុ៣៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅទីតាំងខាងលើ (ជួញដូរគ្រឿងញៀន) វត្ថុតាងរួមមានៈ
១/ក្រាមពណ៌សរថ្លាសង្ស័យជាគ្រឿងញៀនចំនួន០៦កញ្ចប់ធំ។
២/ថង់សំរាប់ច្រកគ្រឿងញៀនមួយចំនួន។
៣/ឧបករណ៍ប្រើប្រាស់មួយចំនួន។
៤/ជញ្ជីងថ្លឹងគ្រឿងញៀនចំនួន០១។
៥/កាំបិតដែកឆ្នៃចំនួន០១។
៦/ប្រាក់រៀលចំនួនប្រាំពីរមុឺនប្រាំពាន់ប្រាំរយរៀល(៧៥៥០០)។
បច្ចុប្បន្នៈ កម្លាំងជំនាញខណ្ឌ ប៉ុសិ៍្ត កំពុងសាកសួរចម្លើយ និងបន្តស្រាវជ្រាវរកបក្ខពួក និង ក្រុមដ៏ទៃផ្សេងទៀត ព្រមទាំងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី។
សមត្ថកិច្ចបានបញ្ជាក់ប្រាប់ថា៖ ទិសដៅបន្ត អធិការដ្ឋាននគរបាលខណ្ឌដូនពេញ នឹងប៉ុស្តិ៍រដ្ឋបាលទាំង១១ នៅតែបន្តជំរុញការស្រាវជ្រាវដើម្បី បើកការបង្រ្កាបជាប់ជាប្រចាំបន្ថែមទៀត៕
ដោយៈ ជួង វិសិដ្ឋ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com
