ក្រុងប៉ោយប៉ែត៖ លោក សាន ស៊ានហូ បានរៀបចំពិធី ប្រារពខួបលើកទី ៤០ ឆ្នាំ នៃថ្ងៃជ័យជម្នះ៧ មករា ១៩៧៩ / ២០១៩ ក្នុងបរិវេណមន្ទីបក្សប្រជាជនក្រុងប៉ោយប៉ែត ក្រោមអធិបតីភាព ឯកឧត្តម សុខ ភាព អញ្ជើញជាគណៈអធិបតី អភិបាលរងក្រុង លោក ចៅសង្កាត់ ទាំង០៣ លោកឧកញ៉ា លោក លោកស្រី មន្ត្រីរាជការជាច្រើនស្ថាប័នប្រចាំក្រុងប៉ោយប៉ែត បានអញ្ជើញចូលរួមក្នុងអង្គពិធីនាពេលនេះ នៅវេលាម៉ោង០៥និង៣០នាទី ថ្ងៃទី១៥ ខែមករា ឆ្នាំ២០១៩ នេះ ។ ក្នុងកម្មវិធី ប្រារព្ធខួបលើកទី៤០ឆ្នាំ ជ័យជម្នះ ៧មករា នៅក្នុងមន្ទីរបក្សប្រជាជនកម្ពុជា នាពេលនេះផងដែល លោកឧកញ៉ា សាន ស៊ានហូ អភិបាល នៃគណៈអភិបាល ក្រុងប៉ោយប៉ែត បានឧបត្ថម្ភ មធ្យោបាយ ម៉ូតូកង់បី ចំនួន៤២ គ្រឿង ជូនដល់៣៦ភូមិ ចំនុះអោយ០៣សង្កាត់ នៃក្រុងប៉ោយប៉ែត ក្នុង០១ ភូមិទទួលបានមធ្យោបាយ ម៉ូតូកង់បី០១គ្រឿង ទុកសម្រាប់ជួយសង្គ្រោះ ប្រជាពលរដ្ឋក្នុងភូមិ។ ចំណែកប្រាំមួយគ្រឿងទៀត ផ្តល់ជូន អធិការរដ្ឋាននគរបាលក្រុងប៉ោយប៉ែត និង កម្លាំងមូលដ្ឋានកងរាជអាវុធហត្ថក្រុងប៉ោយប៉ែត រួមនិងសាលាសង្កាត់ទាំង០៣ ក្នុង០១សង្កាត់ ទទួលបាន ម៉ូតូកង់បី០១គ្រឿង សរុបជាទឹកប្រាក់ចំនួន ប្រាំបួនម៉ឺនប្រាំមួយពាន់ប្រាំមួយរយដុល្លា ( ៩៦,៦០០$ ដុល្លា ) ចំណែកក្រុហ៊ុនស្តាហ្គោល ឧបត្ថមរថយន្តស្ទួចរថយន្តចំនួន១គ្រឿង គិតជាទឹកប្រាក់ ប្រាំពីពាន់ដុល្លា (៧០០០$) ជូនដល់អធិការដ្ឋានក្រុងប៉ោយប៉ែត។ លោកអភិបាលក្រុងបន្តទៀតថា៖ ការចែកជូន ទាំងរថយន្តទាំងម៉ូតូកង់បី គឺជាមធ្យោបាយ ដែលមានសារសំខាន់ សម្រាប់ ភូមិ ឃុំ សង្កាត់ ដឹកអ្នកជំងឺ ស្ត្រីពោះធំទៅសម្រាលកូននៅមន្ទីរពេទ្យ នាពេលយប់ប្រលប់ និងដឹកកំលាំងសន្តិសុខ ទៅយាមការក្នុងភូមិ ឃុំ សង្កាត់និិមួយៗ ដើម្បីការពារ និងទប់ស្កាត់ រាលសដ្ឋានការ កុំអោយកើតមានអំពើ ចារកម្ម អំពើហិង្សា កើតឡើង ជូនប្រជាពលរដ្ឋរស់នៅក្រុងប៉ោយប៉ែត។ លោក សាន ស៊ានហូ ប្រធានគណៈបក្សក្រុងប៉ោយប៉ែត បានអានសន្ទរកថារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដោយមានខ្លឹមសារទាំងស្រុងថា៖ ៧មករា ឆ្នាំ១៩៧៩ គឺជាថ្ងៃជ័យជម្នះ ជាប្រវត្តិសាស្រ្តរបស់ប្រជាជនកម្ពុជា ដែលបានវាយផ្តួលរំលំរបបប្រល័យពូជសាសន៍ ប៉ុល ពត បញ្ចប់សម័យកាលដ៏ខ្មៅងងឹតបំផុតនៅកម្ពុជា ដែលបានកាប់ សម្លាប់ និងធ្វើទារុណកម្ម ដែលបានធ្វើឲ្យប្រជាពលរដ្ឋខ្មែរស្លាប់ជិត ៣លាននាក់។ ការរស់នៅក្នុងរបបប្រល័យពូជសាសន៍ដ៏អាក្រក់បំផុតដែលមានរយៈពេល៣ឆ្នាំ ៨ខែ និង២០ថ្ងៃនោះ គឺពលរដ្ឋគ្មានសិទ្ធិសេរីភាពទេ មានតែការបំបិទសិទ្ធិក្នុងការរស់នៅ និងការបង្ខិតបង្ខំឲ្យធ្វើការហួសកម្លាំង និងការធ្វើទារុណកម្ម និងកាប់សម្លាប់អាយុជីវិតពលរដ្ឋតែប៉ុណ្ណោះ។ ថ្ងៃ ៧ មករា ១៩៧៩ គឺជាការបើកឡើងវិញនូវទំព័រសករាជថ្មីនៃ ឯករាជ្យ សេរីភាព ប្រជាធិបតេយ្យ និងវឌ្ឍនភាពសង្គម។ យើងពិតជាចងចាំជានិច្ចនូវគុណូបការៈដ៏ឧត្តុង្គឧត្តមរបស់វីរកម្មាភិបាល យុទ្ធជន យុទ្ធនារីនៃរណសិរ្សសាមគ្គីសង្រ្គោះជាតិកម្ពុជា និងវីរកងទ័ពស្ម័គ្រចិត្តវៀតណាម ដែលបានធ្វើការលះបង់យ៉ាងធំធេងក្នុងការប្រយុទ្ធផ្តួលរំលំរបបប្រល័យពូជសាសន៍ ប៉ុល ពត និងការពារនៃការរស់ឡើងវិញរបស់ប្រជាជនកម្ពុជា។ ជាទីបញ្ចប់ លោកឧកញ៉ា សាន ស៊ានហូ សូមថ្លែងអំណរអរគុណ ចំពោះអាជីវករ និងក្រុមហ៊ុន នានា នៅក្រុងប៉ោយប៉ែត ដែលបានជួយឧបត្ថម្ភទឹកប្រាក់ទិញមធ្យោបាយម៉ូតូកង់បីចំនួន៤២គ្រឿង និងរថយន្តស្ទួច០១គ្រឿង ហើយក៏សូមអរគុណ បងប្អូនប្រជាពលរដ្ឋនៅក្រុងប៉ោយប៉ែត ដែលបានបោះឆ្នោតជូនគណៈបក្សប្រជាជន និងបានជាប់ឈ្នះសន្លឹកឆ្នោតភ្លូកទឹកភ្លូកដី ហើយក៏សូមជូនពរ ពុទ្ធពរ ទាំងបួនប្រការ គឺ អាយុ វណៈ សុខៈ ពលៈ កុំបីឃ្លៀងឃ្លាតឡើយ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com