ក្រុងប៉ោយប៉ែត៖ នៅព្រឹកថ្ងៃទី០៧ ខែ​វិច្ឆិកា​ ឆ្នាំ២០១៩​​ នេះ កំលាំងអធិការនគរបាលក្រុងប៉ោយប៉ែត រួមសង្កាត់ទាំង៣ នៃខេត្តបន្ទាយមានជ័យ នៅតែអនុវត្តពង្រឹងបង្កើនស្មារតីយ៉ាងម៉ឺងមាត់ និង ប្តេជ្ញាការពាររដ្ឋធម្មនុញ្ញ ការពារ ជាតិ សាសនា​ ព្រះមហាក្សត្រ តាមអនុសាសន៍ប្រមុខថ្នាក់ដឹកនាំ ដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា។ នៅព្រឹកនេះផងដែរ ក៏ឃើញមានវត្តមានឯកឧត្តម ង៉ោ ម៉េងជ្រួន អភិបាលរងខេត្តបន្ទាយមានជ័យ អភិបាលក្រុងសិរីសោភ័ណ លោក គាត់ ហ៊ុល អភិបាលក្រុងប៉ោយប៉ែត និង អមដំណើរគណៈបញ្ជាការឯកភាព សប្បុរសធម៌ តំណាងជុសមុខអោយ ឯកឧត្តម អ៊ុំ រាត្រី បានពាំនាំយកអំណោយ គ្រឿង ឧបភោគ បរិភោគ ជាច្រើនរួមនិងថវិកាមួយចំនួន ជូនដល់កងកំលាំងនគរបាលសង្កាត់ទាំង៣ ដើម្បីលើកទឹកចិត្ត និង បង្កើតស្មារតីដល់កងទ័ពនគរបាលជាតិ នៅអធិការដ្ឋាននគរបាលក្រុងប៉ោយប៉ែត ដើម្បីចែកគោលដៅត្រៀមកំលាំងតាមមូលដ្ឋាន ដែលជាបទបញ្ជាស្នងការខេត្ត ស្នងការរងខេត្តបន្ទាយមានជ័យ។ ជាមួយគ្នានេះដែរ លោក ង៉ោ ម៉េងជ្រួនអភិបាលរងខេត្ដបន្ទាយមានជ័យ បានមាន ប្រសាសន៍ផ្តាំផ្ញើដល់កងកំលាំងនគរបាលជាតិ ត្រូវអនុវត្តពង្រឹងបង្កើនស្មារតីអោយមុតមាំ និង ប្តេជ្ញាចិត្ត ទី១-ការពាររដ្ឋធម្មនុញ្ញ ទី២-ការពារ ជាតិសាសនា​ ទី៣-ការពារព្រះមហាក្សត្រ ដើម្បីប្រទេសជាតិ បានមកនូវសុខសន្តិភាព ស្ថេរភាព សណ្តាប់ធ្នាប់ សន្តិសុខសង្គម ជូនប្រជាជន ជនរួមជាតិិនៃកម្ពុជាយើងទាំងមូល អោយខានតែបាន ត្រូវរក្សាការពារទប់ស្កាត់ដាច់ខាត នៅក្រុងប៉ោយប៉ែត ព្រោះក្រុងប៉ោយប៉ែត ជាច្រកទ្វារអន្តរជាតិ ធំជាងគេងាយស្រួលពួកក្រុមជនអនាមិក គ្រោងប្រឆាំងរាជរដ្ឋាភិបាល ចូលមកធ្វើសកម្មភាព ទាំងនៅក្រៅស្រុក ក្នុងស្រុក លោកបន្តថា៖ ក្រុងប៉ោយប៉ែត សំបូរទៅដោយ ជនអនាមិកប្រមូលផ្តុំកំលាំងគ្នាផងដែរ៕ ដោយៈ គេហទំព័រ ប៉ោយប៉ែតប៉ុស្តី www.poipetpostnews.com