កម្លាំងកងរាជអាវុធហត្ថខេត្ត សហការណ៍ជាមួយកម្លាំងកងរាជអាវុធហត្ថលើផ្ទៃប្រទេសបង្ក្រាបបទល្មើសព្រៃឈើបានចំនួន២៣ដុំ.!!!
ខេត្តមណ្ឌលគិរី៖ កម្លាំងកងរាជអាវុធហត្ថខេត្ត សហការណ៍ជាមួយកម្លាំងកងរាជអាវុធហត្ថលើផ្ទៃប្រទេស បង្ក្រាបបទល្មើសព្រៃឈើ បានចំនួន២៣ដុំ នៅចំនុចភូមិសាស្ត្រ ឃុំប៊ូស្រា ស្រុកពេជ្រាដា ថ្ងៃទី១៩ ខែមករា ឆ្នាំ២០១៩ វេលាម៉ោង ០៣ និង ១០ នាទី ទាបភ្លឺ ។
លោកវរៈសេនីយ៍ឯក ភោគ ចន្ធី បានប្រាប់ថា៖ ករណីបង្ក្រាបខាងលើនេះ ដោយមានការរាយការណ៍ ពីក្រុមអ្នកសារព័ត៌មាន និង ដោយមានការចង្អុលបង្ហាញពី ឧត្តមសេនីយ៍ត្រី ហែម បូណារ៉ែល មេបញ្ជាការកងរាជអវុធហត្ថខេត្ត កម្លាំងយើងបានចុះដល់ចំនុចខាងលើ ធ្វើការបង្ក្រាបជាក់ស្តែងភ្លាមៗ និងបានកសាងសំណុំរឿងបញ្ជូនទៅខណ្ឌរដ្ឋបាលព្រៃឈើដើម្បីបន្តនីតិវិធី ហើយឈើខាងលើនេះជាអញ្ញត្តជន។
លោក សុខ សារួន នាយសង្កាត់រដ្ឋបាលព្រៃឈើសែនមនោរម្យបានអោយដឹងថា៖ នៅថ្ងៃទី១៩ ខែមករា ឆ្នាំ២០១៩ លោកបានទទួលឈើប្រភេទខាងលើពីកងរាជអាវុធហត្ថប្រគល់អោយចំនួន២៣ដុំ ដែលក្រុមឈ្មួញយកទៅលាក់ទុកក្នុងព្រៃមួយកន្លែង ត្រៀមយកទៅលក់អោយឈ្មួញ វាតណាម នាំចេញតាមច្រកណាំលៀ (ប៉ុស្តិ៍07) ។
បច្ចុប្បន្ននេះកំពុងកសាសំណុំរឿងបញ្ជូនទៅសាលាដំបូងខេត្តមណ្ឌលគិរី ដើម្បីចំណាត់ការតាមផ្លូវច្បាប់៕
ដោយៈ វុិត រិទ្ធ និពន្ធនាយករង
គេហទំព័រ ប៉ោយប៉ែតប៉ុស្តិ៍
www.poipetpostnews.com
