ជនសង្ស័យចំនួន០២នាក់ ជក់និងជួញដូរនូវសារធាតុគ្រឿងញៀន ត្រូវបានសមត្ថកិច្ចបង្ក្រាបបានរួមនិងវត្ថុតាង..!!!
ខេត្តបាត់ដំបង៖ ស្រុកកំរៀងថ្ងៃទី១៧ ខែមករា ឆ្នាំ២០១៩ វេលាម៉ោង ១២និង៣០នាទី យោងតាមរបាយការណ៍ពី លោកវរសេនីយ៍ឯក គឹម ពន្លក អធិការនគរបាលស្រុកកំរៀង បានបានអោយដឹងថា៖ ជនសង្ស័យទី១ឈ្មោះ ជ សុផា ភេទប្រុស អាយុ៤៤ឆ្នាំ មុខមិនពិតប្រាកដ មានទីលំនៅក្រុមទី១២ ភូមិដូង ឃុំបឹងរាំង ស្រុកកំរៀង។ សមត្ថកិច្ចបានធ្វើការដកហូត ថ្នាំញៀនប្រភេទមេតំហ្វេតាមីន (WY យ៉ាម៉ា) ចំនួន ៥០គ្រាប់ និងម៉ូតូ០១គ្រឿង ម៉ាកម៉ាកហុងដាឃ្លីគ ពណ៌ក្រហម។
ដោយយោងតាមចម្លើយពីជនសង្ស័យឈ្មោះ ជ សុផា និងដោយមានការអនុញ្ញាតពីលោក នួន សាន ព្រះជាអាជ្ញានៃអយ្យការអមសាលា ដំបូងខេត្តបាត់ដំបង សមត្ថកិច្ចបានបន្តធ្វើការឆែកឆេរលំដ្ឋានរបស់ជនសង្ស័យទី២ ឈ្មោះ ធូ រដ្ឋា ភេទប្រុស អាយុ ២៣ឆ្នាំ មុខរបររត់ម៉ូតូឌុប ស្ថិតក្នុងក្រុមទី១២ ភូមិដូង ឃុំបឹងរាំង ស្រុកកំរៀង។ នគរបាលស្រុកកំរៀងបានដកហូត ថ្នាំញៀនប្រភេទមេតំហ្វេតាមីន (WY យ៉ាម៉ា) ចំនួន ៦៨៨គ្រាប់ និង(ICE ម៉ាទឹកកក) ចំនួន ២ថង់។ ជាលទ្ធជាលទ្ធផលវត្ថុតាងដកហូតរួមមានៈ ថ្នាំញៀនប្រភេទមេតំហ្វេតាមីន (WY យ៉ាម៉ា) ចំនួន ៧៣៨ គ្រាប់ (ICE ម៉ាទឹកកក) ចំនួន ២ថង់ និងម៉ូតូ ១គ្រឿង។
បច្ចុប្បន្នៈ ជនសង្ស័យ រួមនិងវត្ថុតាងសមត្ថកិច្ចជំនាញ កសាងសំណុំរឿងបញ្ជូនទៅសាលា ដំបូងខេត្ត ដើម្បីចាត់ការបន្តតាមនីតិវិធី៕
ដោយៈ ជួង វិសិដ្ឋ និពន្ធនាយក
គេហទំព័រ ប៉ោយប៉ែតប៉ុស្តិ៍
www poipetpostnews.com
