ក្រុងប៉ោយប៉ែត៖ នៅព្រឹកថ្ងៃទី១២ ខែធ្នូ​ ឆ្នាំ២០១៩ នេះ អាជ្ញាធរខេត្ត សហការ នឹងអាជ្ញាធរសមត្ថកិច្ចចម្រុះខេត្ត/ក្រុង ចុះដោះស្រាយរឿងទំនាស់ដីធ្លី ដ៏រ៉ាំរ៉ៃយូឆ្នាំមកហើយ ត្រង់ចំណុច(អូរស្វាល្អិល)ស្ថិតក្នុងភូមិសូរិយា សង្កាត់និមិត្ត​ ក្រុងប៉ោយប៉ែត​ ខេត្តបន្ទាយមានជ័យ។ ជុំវិញនៃរឿងទំនាស់់ដីធ្លីខាងលើ លោ លី សារីអភិបាលរងខេត្តបន្ទាយមានជ័យ បានមានប្រសាន៍ថា៖ សូមអោយពុកម៉ែបងប្អូនប្រជាពលរដ្ឋដោះស្រាយគ្នាដោយសន្តិវិធី ដែលពុកម៉ែបងប្អូន បានរស់នៅនិងសង់លំនៅដ្ឋានលើដីលោក ទុយ វន្នី ដែលជាម្ចាស់ដីមានកម្មសិទ្ឋស្របច្បាប់ អោយព្រមទទួលយកការដោះដូរដីដែលមានក្បាលដី" ៦ ម៉ែត្រ គុណ នឹង ២០ ម៉ែត្រ" ហើយនិងធ្វើផ្លូវថ្នល់ តបណ្តាញទឹក ភ្លើង ធ្វើប្លង់រឹងកម្មសិទ្ធជូនពលរដ្ឋ ដើម្បីបញ្ចប់រឿង។ លោក លី សារី​ អភិបាលរងខេត្តបន្ទាយមានជ័យ​ បានប្រាប់ប្រជាពលរដ្ឋចំនួន៣០គ្រួសារបន្ថែមទៀត ដែលសង់លំនៅដ្ឋានលើដីកម្មសិទ្ឋស្របច្បាប់របស់លោក ទុយ​ វន្នី សូមរុះរើផ្ទះសម្បែងចេញដោយខ្លួនឯង ក្នុងការកំណត់ ទុករយពេលត្រឹម៣ថ្ងៃជាកំហិត បើមិនស្តាប់ក្នុងការណែនាំរបស់អាជ្ញាធរទេ រដ្ឋបាលសាលាខេត្ត និង ធ្វើការតាមផ្លូវច្បាប់។ សូមបញ្ជាក់ផងដែរថា៖ អាជ្ញាធរខេត្ត/ក្រុង កំពុងតែដោះស្រាយរឿងដីធ្លីដែលកំពុងមានទំនាស់រាប់ឆ្នាំមកហើយនោះ ជូនប្រជាពលរដ្ឋ ស្រាប់តែក្រុមលោក ទុយ​ វន្នី នឹង ក្រុមប្រជាពលរដ្ឋម្ខាងខាងទៀត មិនទាន់ក្តាប់អង្គហេតុសាច់រឿងច្បាស់ផង បានប្រើហឹង្សាប៉ះទង្គិចគ្នាមួយប៉្រាវ បណ្តាលរងរបួសធ្ងន់ម្នាក់ផងដែរ ទើបកំលាំងសមត្ថកិច្ចចម្រុះ ចេញជួយអន្តរាគមន៍ ធ្វើការសម្របសម្រួលភាគីទាំងសងខាង ទើបមានសភាពស្ងប់ស្ងាត់ទៅវិញ (រាយការណ៍បឋម)៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com