ខេត្តស្វាយរៀង ៖ លោក ប៉ក់ ណារ៉ូន សមាជិកក្រុមលេខាសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃព្រហស្បតិ៍ ១រោច ខែមិគសិរ ឆ្នាំករ ឯកស័ក ព.ស២៥៦៣ ត្រូវនឹងថ្ងៃទី១២ ខែធ្នូ ឆ្នាំ២០១៩ បាននាំយកអំណោយទៅចែកដល់លោកគ្រូ អ្នកគ្រូ សិស្សានុសិស្សជិត៤០០នាក់ នៅសាលាបឋមសិក្សាមង្គលរការាម ស្ថិតនៅភូមិឃួច ឃុំក្រោលគោ ស្រុកស្វាយជ្រំ ខេត្តស្វាយរៀង ព្រមទាំងនាំយកថវិការសប្បុរសជន ចូលរួមកសាងសមទ្ធិផលនានា នៅក្នុងសាលាផងដែរ។ នៅនៅក្នុងពិធីនេះផងដែរ ក៏មានការចូលរួមពីលោក ហែម សារិទ្ធ អភិបាល នៃគណៈអភិបាលស្រុកស្វាយជ្រំ, លោក ភោគ វ៉ាន់ថន មេឃុំក្រោលគោ និងបងប្អូនសប្បុរសជន រួមទាំងភ្ញៀវកិត្តិយសជាច្រើនរួបទៀត។ ថ្លែងក្នុងឱកាសនោះ លោក ប៉ក់ ណារ៉ូន បានមានប្រសាសន៍ថា៖ ដោយមើលឃើញពីភាពខ្វះខាត សម្ភារៈសិក្សារបស់សិស្សានុសិស្ស លោកគ្រូ អ្នកគ្រូ រួមនឹងហេដ្ឋារចនាសម្ព័ន្ធ នៅក្នុងសាលាបឋមសិក្សាមង្គលរការាមនេះ លោកបានខិតខំអំពាវនាវរកសប្បុរសជននានា ដើម្បីគៀងគរ រកសម្ភារៈ ថវិកា រួមនឹងថវិកាផ្ទាល់ខ្លួនខ្លះ ដើម្បីយកមកចែកជូន ក៏ដូចជាការចូលរួមកសាងទុកជាសមទ្ធិផល ក្នុងសាលានេះ ទៅថ្ងៃអនាគត សម្រាប់ផ្តល់ចំណេះដឹងដល់អ្នកជំនាន់ក្រោយៗទៀត។ លោក ប៉ក់ ណារ៉ូន បានបញ្ជាក់ថា៖ កាលពីនៅកុមារភាព លោកធ្លាប់សិក្សានៅសាលានេះ។ ហើយរហូតដល់ពេលនេះលោកគ្រូ អ្នកគ្រូ ដែលបង្ហាត់បង្រៀនលោកមានវ័យចំណាស់ៗ ហើយនៅតែមានវត្តមានបង្រៀនសិស្សនៅទីនេះ។ លោកបន្តថា៖ ទោះលោកបានចាកចេញឆ្ងាយពីសាលានេះមែន តែលោកមិនភ្លេចទីន្លែងផ្តល់ចំណេះដឹង ដល់រូបលោកឡើយ។ លោកក៏បានលើកឡើងទៀតថា៖ ប្រទេសជាតិយើង ចាំបាច់ត្រូវការធនធានមនុស្ស ក្នុងការកសាងជាតិ មាតុភូមិ ឱ្យកាន់តែរីកចម្រើនថែមទៀត។ ដូច្នេះប្រទេសជាតិ ត្រូវការក្មួយៗជំនាន់ក្រោយ ដែលជាទំពាំងស្នងឫស្សីនេះ បន្តវេន ។ អ៊ីចឹងក្មួយៗត្រូវខិតខំរៀនសូត្រ ពោលគឺរៀនហើយ រៀនទៀត រៀនមិនចេះចប់ ដើម្បីអភិវឌ្ឍខ្លួន និងប្រទេសជាតិយើង។ ជាមួយគ្នានេះ លោក ហែម សារិទ្ធ អភិបាល នៃគណៈអភិបាលស្រុកស្វាយជ្រំ ក៏មានប្រសាសន៍សំណេះសំណាល ទៅកាន់ក្មួយៗសិស្សានុសិស្ស ផងដែរថា សាលាបឋមសិក្សាមង្គលរការាមនេះ គឺជាថ្នាលបណ្តុះបណ្តាល ជាគ្រឹះចំណេះដឹងដំបូងបង្អស់ ដែលធ្វើឲ្យក្មួយៗចេះអាន ចេះសរសេរ ចេះគិតចេះគូរ ដែលបានពីការបង្ហាត់បង្រៀនពីលោកគ្រូអ្នកគ្រូ ដើម្បីជាស្ពាននៃចំណេះដឹង បន្តទៅអនាគតដ៏ភ្លឺស្វាងរបស់ក្មួយៗ។ ដូច្នេះក្មួយៗត្រូវខិតខំរៀនសូត្រ ត្រងត្រាប់ស្តាប់លោកគ្រូ អ្នកគ្រូ និងខិតខំរៀនបន្ថែមនៅផ្ទះឱ្យបានច្រើន ជៀសវៀងឱ្យឆ្ងាយពីគ្រឿងញៀន ព្រោះក្មួយៗជាទំពាំងស្នងឫស្សី ជាសរសរគ្រឹះរបស់ជាតិ។ ក្នុងឱកាសនោះដែរ លោក ប៉ក់ ណារ៉ូន រួមនឹងសប្បុរសជន បានចែកកាបូប សៀវភៅ ប៊ិច ខ្មៅដៃ ដល់សិស្សានុសិស្សសរុបចំនួន ៣៦៧នាក់ ស្រី១៦២នាក់ ក៏ដូចជាធ្វើពិធីប្រគល់ថវិកា សម្រាប់កសាងសមទ្ធិផលនានា ជូនតំណាងសាលាផងដែរ។ សូមបញ្ជាក់ថា៖ សប្បុរសជន ដែលបានជួយឧបត្ថម្ភនាឳកាសនោះរួមមាន ៖ លោក ប៉ក់ ណារ៉ូន សមាជិកក្រុមលេខា សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជាអ្នកគៀងគរសប្បុរសជនក្នុងការកសាងសាលា យ៉ាងយកចិត្តទុកដាក់ រួមនឹងថវិកាមួយចំនួន, លោក ភូមី មុន្នីរិទ្ធ អនុប្រធានយុវជន គណបក្សប្រជាជនស្រុកកំពង់សិលា ខេត្តព្រះសីហនុ ជួយកសាងសម្ភារៈក្មេងលេង មានទោង រួមនឹងសម្ភារៈសិក្សា សម្រាប់សិស្ស ៣៦៧នាក់, លោក គង់ សំអាត អនុប្រធាន ឧបត្ថម្ភថវិកាដល់សិស្សានុសិស្សម្នាក់ៗចំនួន ៥០០០រៀល ក្រុមប្រឹក្សាភិបាល ប្រជាការពារ លោកគ្រូអ្នកគ្រូ ក្នុងម្នាក់ៗ ចំនួន២០០០០រៀល, លោក ហុង រ៉ា ប្រធានយុវជនស្រលាញ់សន្តិភាព ស្រុកកំពង់សីលា ខេត្តព្រះសីហនុ ថវិកាចំនួន ២០០ដុល្លារ, ឧត្ដមសេនីយ៍ត្រី តេង ប៊ុនថុន អនុប្រធានលេខាធិការដ្ឋាន នៃគណៈកម្មាការប្រយុទ្ធប្រឆាំងផលិតផលក្លែងក្លាយ ថវិកា ១០០ដុល្លារ, លោក បូ ប្រាក់ ប្រធានក្រុមហ៊ុន ឌីភីសឺវេន ដីសាញ (DP7 Design) ថវិកាចំនួន ២០០ដុល្លារ, លោក ពុំ វ៉ាន់ថា ក្រុមហ៊ុន ខេ វី ភី (KVP) ថវិកាចំនួន ១៥០ដុល្លារ និងអ្នកនាង សាយ ស្រីអូន បម្រើការងារនៅប្រទេសជប៉ុន ថវិកាចំនួន ១០០ដុល្លារ ផងដែរ៕ ដោយៈ សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
ពិធីសំណេះសំណាលជាមួយមន្ត្រីនគរបាលជាតិ ប្រចាំប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត.!!! (ប៉ោយប៉ែតប៉ុស្តិ៍)
លោកឧត្តមសេនីយ៍ទោ សិទ្ធិ ឡោះអញ្ជើញចូលរួមកិច្ចប្រជុំការងារការពារសន្តិសុខ សណ្តាប់ធ្នាប់ ព្រះរាជពិធីបួងសួងសុំសេចក្តីសុខ ជូនដល់ព្រះរាជាណាចក្រកម្ពុជា នៅ ខេត្តសៀមរាប (ប៉ោយប៉ែតប៉ុស្តិ៍)
លោកវរសេនីយ៍ទោ ព្រហ្ម ពិសិដ្ឋ អធិការនៃអធិការដ្ឋាននគរបាលក្រុងប៉ោយប៉ែត បានដឹកនាំកម្លាំងនៃអធិការដ្ឋាននគរបាលក្រុង ប្រជុំដាក់ផែនការ ការពាររក្សា សន្តិសុខ សុវត្ថិភាព ជូនថ្នាក់ដឹកនាំ និងដាក់ទិសដៅបន្តរក្សាសន្តិសុខសណ្ដាប់ធ្នាប់ ជូនបងប្អូន ដែររស់នៅក្នុងក្រុងប៉ោយប៉ែត នាឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខនេះ.. (ប៉ោយប៉ែតប៉ុស្តិ៍)
ការរៀបចំសំណង់ និងការតុបតែងផ្សេងៗនៃព្រឹត្តិការណ៍អង្គរសង្ក្រាន្ត នៅបរិវេណមុខប្រាសាទអង្គរវត្តបានចាប់ផ្តើមបង្ហាញសម្រស់ហើយ (ប៉ោយប៉ែតប៉ុស្តិ៍)
លោកឪពុកអ្នកម្តាយ លោក សុខ វុទ្ធី និងភរិយា គឺ អ្នកស្រី តាំង សុខមុំ ព្រមទាំងក្រុមការងារបានបន្តនាំយក សម្ភារៈសិក្សា និងថវិកា ចែកជូនដល់សិស្សានុសិស្ស ៤៥៨ នាក់ (ប៉ោយប៉ែតប៉ុស្តិ៍)
វីដែអូ
ចំនួនអ្នកទស្សនា