ក្រុងប៉ោយប៉ែត៖ សមត្ថកិច្ចចម្រុះ ចុះបង្ក្រាប អនុវត្តតាមដីការរបស់ប៉ូលីសចិន ឃាត់ខ្លួនជនជាតិចិនប្រុសស្រី២៦នាក់ ដោយមានការសម្របសម្រួលពីលោក គង់ សំរ៉េតព្រះរាជអាជ្ញារង អមសាលាដំបូងខេត្តបន្ទាយមានជ័យ ដោយមានវត្តមានអាំងដឺប៉ូលីសចិន និងសមត្ថកិច្ចក្រសួងមហាផ្ទៃ ចុះបង្ក្រាបនៅផ្ទះជួលមួយកន្លែង ត្រង់ចំនុច (អាគារថ្មី) ស្ថិតក្នុងភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កាលពីរសៀលម៉ោង០១និង៤៥នាទី ថ្ងៃទី១៣ ខែធ្នូ ឆ្នាំ២០១៩។ ក្នុងករណីសមត្ថកិច្ចចម្រុះខេត្ត/ក្រុង/និងក្រសួងមហាផ្ទៃ ចុះអនុវត្តបង្ក្រាបតាមដីការរបស់ប៉ូលីដចិន នៅរសៀលថ្ងៃខែឆ្នាំដដែល សមត្ថកិច្ច ឃាត់ខ្លួនបានជនជាតិចិន ប្រុស២១នាក់ ស្រី៥នាក់ សរុប=២៦នាក់ ដែលស្នាក់នៅផ្ទះជួលខាងលើ បានបង្កការភ្ញាក់ផ្អើលដល់ប្រជាពលរដ្ឋផងដែរ ដោយពុំដឹងថា សមត្ថកិច្ចចម្រុះ ឃាត់ខ្លួនជនជាតិចិន២៦នាក់នេះ យកទៅក្នុងករណីអីនោះអោយពិតប្រាកដនោះទេ។ បើយោងប្រភពពីសមត្ថកិច្ចម្នាក់ដែលចុះបង្ក្រាបនៅទីនោះផ្ទាល់ បានបង្ហើបប្រាប់ ភ្នាក់ងារ សារព័ត៌មាន (គេហទំព័រ ប៉ោយប៉ែត) អោយដឹងថា ការចុះបង្រាបអនុវត្តតាមដីការរបស់ប៉ូលីសចិន និង ឃាត់ខ្លួនជនជាតិចិនប្រុស្រីបានចំនួន២៦នាក់នេះ ក្នុងករណី ជម្រឹតទាប្រាក់តាមប្រព័ន្ធអនឡាញ។ ហើយបើយោងពីលោក គង់ សំរ៉េត ព្រះរាជអាជ្ញារង អមសាលាដំបូងខេត្តបន្ទាយមានជ័យ បានប្រាប់ភ្នាក់ងារយើងអោយដឹងថា៖ ក្នុងការលោកចុះបង្ក្រាប និងឃាត់ខ្លួនជនជាតិចិន ប្រុសស្រីចំនួន២៦នាក់នេះ គឺលោកមកសហការ និងសម្របសម្រួល តាមដីការមកពីក្រសួងមហាផ្ទៃ អាំងដឺប៉ូលីសចិន ដែលសហការជាមួយខាងកម្ពុជា ដែលមានដីការកាន់នឹងដៃស្រាប់។ លោកបានអោយដឹងទៀតថា៖ ចំពោះជនបរទេសអន្តោប្រវេសន៍ ផ្សេង ដែលមកស្នាក់នៅស្របច្បាប់ និងអ្នកមិនពាក់ព័ន្ធ លោកធ្វើការដោះលែងវិញ ចំណែកឃាតខ្លួនជនជាតិចិន ប្រុសស្រី ២៦នាក់ខាងលើ ត្រូវបានបញ្ជូនតាមរថយន្តក្រុង ដើម្បីបន្តតាមនីតិវិធីដីការរបស់ប៉ូលីសចិន តែលោកមិនបានបញ្ជាក់ថាជារឿងករណីជម្រឹតទាប្រាក់តាមប្រព័ន្ធអនឡាញនោះទេ៕ ដោយៈ លោក ស៊ុយ វុទ្ធី ប្រធានគ្រប់គ្រងព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com