រាជធានីភ្នំពេញ៖ ដោយមានការចង្អៀតចង្អល់បង្ហាញបញ្ជារផ្ទាល់ពីលោកឯក ឃុន ដឿន អភិបាលខណ្ឌទួលគោក ដឹកនាំដោយលោក ទៀវ សំអឿន អភិបាលរងខណ្ឌ និង ក្រោមការដឹកនាំរបស់លោក សុខ ហេង អធិការនគរបាលខណ្ឌដោយមានកម្លាំងប៉ុស្តិ៍នគរបាលរដ្ឋបាលផ្សារដើមគរ នៃអធិការដ្ឋាននគរបាលខណ្ឌទួលគោក បានសហការជាមួយកម្លាំងគណ:បញ្ជាការឯកភាពខណ្ឌទួលគោកចុះ បង្ក្រាបករណីបើកបនល្បែងស៊ីសងខុសច្បាប់ ចាក់ភ្នាល់បាល់តាមអនឡាញ មួយកន្លែងដកហូតវត្ថុតាងល្មើសច្បាប់មួយចំនួនធំ។ ការចុះបង្ក្រាបនេះការវេលាម៉ោង ១០ និង ៣៥ នាទីថ្ងៃទី១៣ ខែធ្នូ ឆ្នាំ២០១៩ នៅចំណុចផ្ទះលេខ២៥B ផ្លូវលេខ២២៣ ក្រុមទី៤៦ ភូមិ១៣ សង្កាត់ផ្សារដើមគរ ខណ្ឌទួលគោក រាជធានីភ្នំពេញ ។ ប្រតិបត្តិការរបស់គណៈបញ្ជាការឯកភាពបានធ្វើការត្រួតពិនិត្យរកឃើញវត្ថុតាងពាក់ព័ន្ធនឹងល្បែងភ្នាល់បាល់អនឡាញ រួមមាន: ទូរទស្សន៍ ម៉ាក Samsung ចំនួន៣គ្រឿង , ម៉ាស៊ីនព្រីនបុងបាល់ចំនួន០៥គ្រឿង , ម៉ូនីទ័រចំនួន១១គ្រឿង , CPU ចំនួន៨គ្រឿង , ម៉ាស៊ីនព្រីនឯកសារ០១គ្រឿង , ឃីប៊ត ចំនួន០៦គ្រឿង , ម៉ៅចំនួន០៦គ្រឿង , ក្បាលម៉ាស៊ីនកាម៉េរ៉ាសុវត្ថិភាព ចំនួន០១គ្រឿង , ធុងបាស់០១គ្រឿង , ទូរស័ព្ទដៃមួយគ្រឿង ម៉ាក Iphone 5 ពណ៌ស , ប្រាក់រៀលចំនួន៥៦០០៛ (ប្រាំពាន់ប្រាំមួយរៀល) និងប្រាក់ដុល្លារចំនួន១២$ (ដប់ពីរដុល្លារសហរដ្ឋអាមេរិច) និងម៉ូតូចំនួន០២គ្រឿង ម៉ាក Today ពណ៍ស ពាក់ស្លាកលេខ ភ្នំពេញ 1HG-2836 និងម៉ូតូម៉ាក Honda MSX ពណ៌ក្រហម-ខ្មៅ ពាក់ស្លាកលេខ ភ្នំពេញ 1CB-8386 ។ ក្រោយពីត្រួតពិនិត្យរួចអាជ្ញាធរនិងសមត្ថកិច្ចសម្រេច ចាប់យកវត្ថុតាងពាក់ព័ន្ធនឹងល្បែងចាក់ភ្នាល់ខាងលើ យកទៅរក្សារទុកនៅសាលាខណ្ឌទួលគោក ជាបណ្ដោះអាសន្ន ដោយឡែកទីតាំងបើកលេងល្បែងចាក់ភ្នាល់អនឡាញបានសម្រេច បិទសៀលឃ្លុំបេរផ្ទះជាបណ្ដោះអាសន្ន។ សមត្ថកិច្ចបានបញ្ជាក់ថា ចំពោះម្ចាស់ទីតាំងមិនបានឃាត់ខ្លួននោះទេ ដោយរត់គេចខ្លួនបាត់ហាក់ដូចជាដឹងមុន៕ ដោយៈ លោក ព្រីង សំឡត អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com