ក្រុងប៉ោយប៉ែត៖ ថ្ងៃសុក្រ៩រោច ខែមិគសិរ ឆ្នាំកុុរឯកស៍ក ព.ស២៥៦៣ ត្រូវនិងថ្ងៃទី២០ ខែធ្នូ ឆ្នាំ២០១៩ នៅវេលាម៉ោង១៤និង០០នាទីរសៀល ពិធីប្រកាសផ្ទេរភារកិច្ច និង តែងតាំងមុខតំណែងនាយប៉ុស្តិ៍នគរបាលព្រំដែនច្រកទ្វារប៉ោយប៉ែត នាយកដ្ឋានច្រកទ្វារទី១ នៃអគ្គនាយកដ្ឋានអន្តោប្រវេសន៍ ក្រោមអធិបតីភាព ឯកឧត្តម នាយឧត្តមសេនីយ៍ ឃុន សំបូរ អគ្គនាយករង អគ្គនាយកដ្ឋានអន្តោប្រវេស៍ លោក ង៉ោ ម៉េងជ្រួញ អភិបាលរងខេត្តបន្ទាយមានជ័យ លោក មាស ចាន់ពិសិដ្ឋ ព្រះរាជអាជ្ញាអមសាលាដំបូងខេត្ត និងមានការចូលរួមពីអាជ្ញាធរខាងភាគីថៃ រួមមន្ត្រីពាក់ព័ន្ធគ្រប់សាន្ថប័នអញ្ជើញចូលយ៉ាងច្រើនកុះករផងដែរ ដោយយោងទៅតាមសេចក្ដីសម្រាចរបស់ឧបកនាយរដ្ឋមន្ត្រីក្រឡាហោម ស ខេង រដ្ឋមន្ត្រីក្រសួងមហាផ្ទៃ។ សូមបញ្ជាក់ផងដែរថា៖ លោកឧត្តមសេនីយ៍ត្រី អីុ ចំរើន នាយប៉ុស្តិ៍នគរបាលច្រកទ្វារព្រំដែនអន្តរជាតិអូរយាដាវ មកទទួលមុខតំណែងចំនួសលោក ខឹម ចិត្រា មកជានាយប៉ុស្តិ៍ច្រកទ្វារអន្តរជាតិប៉ោយប៉ែត។ ចំណែកលោកវរសេនីយ៍ឯក ខឹម ចិត្រា ត្រូវបានផ្លាស់ពីនាយប៉ុស្តិ៍នគរបាលច្រកទ្វារអន្តរជាតិប៉ោយប៉ែត ទៅចំនួសលោកឧត្តមសេនីយ៍ត្រី អីុ ចំរើន ជាមេប៉ុស្តិ៍នគរបាលច្រកទ្វារអន្តរជាតិអូយាដាវ វិញម្ដង។ ជាកិច្ចចាប់ផ្ដើម លោកឧត្តមសេនីយ៍ត្រី អីុ ចំរើន ឡើងប្តេជ្ញាចិត្ត បានមានប្រសាសន៍ក្នុងអង្គពិធីថា៖ លោកនិងខិតខំរៀបចំកែទម្រង់ និងដឹកនាំកូនចៅក្រោយឱវាទ ប្រតិបត្តិការអនុវត្តន៍តាមគោលការណ៍របស់រាជរដ្ឋាភិបាលកម្ពុជា ដែលមានសម្តេចតេជោហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា និងបង្កើនកិច្ច សហការរួមជាមួយអាជ្ញាធរមូលដ្ឋាន រួមមន្ត្រីពាក់ព័ន្ធគ្រប់សាន្ថប័ន អោយបានទាន់សភាពការណ៍ ក្នុង និង ក្រៅប្រទេស ភាពជាដៃគូជាមួយអាជ្ញាធរខាងភាគីថៃ អោយកាន់តែល្អប្រសើររវាងកម្ពុជា-ថៃ។ ជាមួយគ្នានោះដែរ ឯកឧត្តម នាយឧត្តមសេនីយ៍ ឃុន សំបូរ អគ្គនាយករង អគ្គនាយកដ្ឋានអន្តោប្រវេស៍ បានមានប្រសាសន៍ផ្តាំផ្ញើដល់លោក អីុ ចំរើន ដែលជានាយប៉ុស្តិ៍នគរបាលអន្តោប្រវេសន៍ ទើបតែងតាំងជំនួសលោក ខឹម ចិត្រា ថាធ្វើយ៉ាងណាត្រូវគ្រប់គ្រងស្ថានភាពទាំងនៅក្នុងនិងក្រៅប្រទេស នៃច្រកទ្វារចេញចូលអន្តរជាតិប៉ោយប៉ែត និង បង្កើនកិច្ចសហការរួមជាមួយអាជ្ញាធរមូលដ្ឋាន រួមមន្ត្រីពាក់ព័ន្ធគ្រប់សាន្ថប័ន ជាពិសេស ជាមួយអាជ្ញាធរខាងភាគីថៃ អោយកាន់តែល្អប្រសើររវាងប្រទេសទាំងពីរកម្ពុជា-ថៃ៕ ដោយៈ លោក ឡាយ សុជាតិ អ្នកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com