ខេត្តបន្ទាយមានជ័យ៖ បើយោងតាមសេចក្តីរាយការណ៍បានអោយដឹងថា៖ យុវជនបន្សាបគ្រឿងញៀន នៅខេត្តបន្ទាយមានជ័យ ត្រូវបានពុលអាហារជាង១៧០នាក់ បានស្លាប់១នាក់ នៅថ្ងៃទី១ ខែធ្នូ ឆ្នាំ២០១៩។ លោកឧត្តមសេនីយ៍ទោ អាត់ ខែម ស្នងការនគរបាល ខេត្តបន្ទាយមានជ័យ បានអោយអ្នកសារព័ត៌មានដឹងថា៖ យុវជន យុវនារី ដែលទៅទទួលការបន្សាបផ្តាច់សារធាតុញញៀននៅជិវិតថ្មី ភ្នំបាក់ ដែលពុលផ្លែត្រសក់ និងអាហារនោះមានចំនួន១៧០នាក់ ស្រី១៣នាក់កាលពីព្រឹកមិញនេះ។ តែនៅពេលល្ងាចក្នុងចំណោមអ្នកអប់រំបន្សាបជាង៨០០នាក់ត្រូវបានបញ្ជូនទៅពិនិត្យ សង្គ្រោះនៅមន្ទីរពេទ្យ​បង្អែក​ក្រុងសេរីសោភ័ណ​ និងមន្ទីរពេទ្យខេត្តមិត្តភាពកម្ពុជា ជប៉ុន មង្គលបូរីខេត្តបន្ទាយមានជ័យ​ និង មួយចំនួនទៀត រក្សាទុកពិនិត្យព្យាបាលនៅក្នុងមណ្ឌលតែម្តង។ បើយោងតាមមន្ត្រីប្រចាំការនៅមណ្ឌលបន្សាបគ្រឿងញៀន បានអោយដឹងថា៖ យុវជន យុវនារី ដែលទទួលបន្សាបសារធាតុញៀនបាននាំគ្នាយកផ្លែត្រសក់ខ្ចីពីថង់ប្លាស្ទិចមកហូបដូចសព្វមួយដង។ ស្រាប់តែនៅថ្ងៃកើតហេតុនេះ យុវជន យុវនារីទទួលបន្សាបសារធាតុញៀនបានយកត្រសក់នាំចូលពីប្រទេសវៀតណាម ដែលម៉ូយបោះដុំបានដឹកចែកចាយពីខេត្តបាត់ដំបង និង នៅផ្សារ ហ៊ុយ ឡេង ក្រុងសិរីសោភ័ណ ខេត្តបន្ទាយមានជ័យ ជាអំណោយរបស់សប្បុរសជន ហើយយកមកផ្គត់ផ្គង់ដល់មណ្ឌលជាប្រចាំ សម្រាប់ធ្វើម្ហូបអោយ យុវជន យុវនារី ហូបរាល់ថ្ងៃជាប្រចាំថ្ងៃ ប៉ុន្តែនៅថ្ងៃទី១ ខែវិច្ឆិកា នេះ យុវជន យុវនារីបានហូបត្រសក់បង្កទៅជាពុលទៅវិញ។ ក្នុងករណីខាងលើ ឯកឧត្តម អ៊ំុ រាត្រី អភិបាលនៃខណៈអភិបាលខេត្តបន្ទាយមានជ័យ និង មន្ត្រីពាក់ព័ន្ធបានចុះពិនិត្យ និង នៅជួយប្រចាំដើម្បីដោះស្រាយបញ្ហានេះ ហើយលោកមានប្រសាសន៍ថា៖ ស្ថានភាពជនរងគ្រោះពុលចំណីអាហារនេះអាចគ្រប់គ្រងបាន មកទល់យល្ងាចថ្ងៃទី១ ខែឆ្នាំដ៏ដែល បើតាមគ្រូពេទ្យ និង លោក ហេង គឹមស៊ត អនុប្រធានមន្ទីរសុខាភិបាលខេត្តបន្ទាយមានជ័យ បានអោយដឹងថា៖ យុវជនរងគ្រោះជាច្រើនអ្នកនោះ បានធូរស្រាលបណ្តើរហើយ ខណៈអ្នកជំងឺទាំងអស់ កំពុងយកចិត្តទុកខ្ពស់ពីក្រុមគ្រូពេទ្យ៕ ដោយៈ ឡាយ សុជាតិ អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com