ខេត្តបន្ទាយមានជ័យ​៖ លោក ទៀវ សំអុល ចាងហ្វាង គេហទំព័រ ថ្ងៃថ្មី និង ជាភ្នាក់ងារ ទូរទស្សន៍ MSJ.tv  ប្រចាំ​ខេត្តសៀមរាប និងខេត្តបន្ទាយមានជ័យ ត្រូវបានមន្ត្រីយុត្តិធម៌ នៅអធិការដ្ឋាននគរបាលក្រុងប៉ោយប៉ែត កោះហៅ អោយចូលទៅកាន់ផ្នែកនគរបាលយុត្តិធម៌ បំភ្លឺ នៅវេលាម៉ោង៣រសៀលថ្ងៃទី២៦ ខែធ្នូ ឆ្នាំ ២០១៩ នេះ ដើម្បីសាកសួរបំភ្លឺករណីរឿងហេតុផ្ទាល់ខ្លួន ដែលបានសម្ភាសន៍ពលរដ្ឋមួយចំនួន១គ្រសារកាលពីពេលថ្មីៗនេះ ពលរដ្ឋមួយគ្រួសារដែលបានចោតប្រកាន់ថា លោកឧកញ៉ា ឡាច ប៊ុនលីម សង់ផ្ទះផ្ទាល់ខ្លួនធ្វើចូលលើដីពលរដ្ឋខាងលើអស់ចំនួន២ម៉ែត្រ។ គួរបញ្ជាក់ផងដែរថា៖ ការកោះអញ្ជើញលោកក ទៀវ សំអុល ចាងហ្វាង ថ្ងៃថ្មី នេះ បានធ្វើឡើងបន្ទាប់ពីលោកត្រូវបានពលរដ្ឋម្នាក់ឈ្មោះ សឿម ​ផល្លី រស់នៅភូមិប៉ាលិ​លេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ អញ្ជើញមក​ធ្វើព័ត៌មាន ដើម្បីផ្សព្វផ្សាយជូនដល់ថ្នាក់ដឹកនាំបានជ្រាប អំពីរឿងដី២ម៉ែត្រ ដើម្បីរកយុត្តិធម៌ ដែលលោកឧកញ៉ាម្នាក់រំលោភយក ជាសម្បត្តិផ្ទាល់ខ្លួន។ បើតាមលោ​ក ទៀវ សំអុល បបានប្រាប់អង្គភាពគេហទំព័រ ប៉ោយប៉ែតប៉ុស្តិ៍ អោយដឹងតាមទូរស័ព្ទថា លោក​កំពុង​តែធ្វើដំណើរពី​ខេត្តសៀមរាប មកក្រុងប៉ោយប៉ែត ដើម្បីចូលបំភ្លឺតាមកា​រកោះហៅរប​ស់សមត្ថ​កិច្ច ជុំវិញរឿង​ដែលលោក​បានផ្សព្វផ្សាយព័ត៌មាន ពាក់ព័ន្ធការរំ​លោភដី២ម៉ែត្រ ដែលពលរដ្ឋ​ចោទប្រកាន់​ថា លោកឧកញ៉ា ឡាច ប៊ុនលីម យកដីរបស់គាត់ ដោយក​ន្លងមក​លោកឧកញ៉ារូប​នេះបានសុំម្ចាស់ដីធ្វើរបង​ ដើម្បីកុំអោយចោរចូលលួចដែក តែរហូតមកដល់ពេលនេះ បែរជា​លោក​ឧកញ៉ា យកដី​នោះធ្វើជាកម្មសិទ្ធិផ្ទាល់ខ្លួនទៅវិញ។ លោកចាងហ្វាងបញ្ជាក់ថា កន្លងមកលោកឧកញ៉ារូប​នេះធ្លាប់​អោយក្រុមការងាររបស់លោកធ្វើការចចារមិនអោយធ្វើការផ្សព្វផ្សាយ តែលោក ទៀវ សំអុល មិនព្រមទទួលយក ដោយលោកបញ្ជាក់ថា លោកធ្វើព័ត៌មា​នជូ​ន​ពលរដ្ឋប៉ុណ្ណោះ។ ហើយបើយោងតាមឃ្លីបវីដេអូ នូវបទសម្ភាសន៍របស់លោក ទៀវ សំអុល ជាមួយពលរដ្ឋ មិនមានអ្វីដែលខុសនូវវិជ្ជាជីវៈអ្នកសារព័ត៌មាននោះទេ ដោយលោកធ្វើបទសម្ភាសន៍ នឹងយកសម្ដីពលរដ្ឋសុទ្ធសាទ ដោយគ្មានការបញ្ចេញបញ្ជូលនោះឡើយ។ តែទោះយ៉ាងនេះក្តីអ្នកសារព័ត៌មានបានលើកឡើងថា លោកឧកញ៉ា គួរតែលើកយកនូវច្បាប់ស្តីអំពីរបបព័ត៌មានមក អនុវត្ត មុននឹងដាក់ពាក្យបណ្ដឹង។ ទន្ទឹមនេះដែរ ក្រុមអ្នកសារព័ត៌មាន សង្ឃឹមថាសមត្ថកិច្ច និង រកយុត្តិធម៌ ជូនដល់លោក ទៀវ សំអុល និងង នាំយកនូវច្បាប់ស្តីអំពីរបបព័ត៌មានមកអនុវត្ត៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com