សមត្ថកិច្ចជលផល ចុះបង្ក្រាបបទល្មើសនេសាទ ៣ករណី បំផ្លាញចោលនូវឧបករណ៍ខុសច្បាប់.!!!
ខេត្តកំពង់ចាម៖ សមត្ថកិច្ចខណ្ឌរដ្ឋបាលជលផលខេត្តកំពង់ចាម សហការជាមួយ អាជ្ញារធរស្រុកព្រៃឈរ កម្លាំងប៉ុស្តិ៍នគរបាលរដ្ឋបាលមៀន សហគមន៍នេសាទសាមគ្គីឃុំមៀន និងសហគមន៍នេសាទវិហារធំ នាព្រឹកថ្ងៃទី២៦ ខែធ្នូ ឆ្នាំ២០១៩ បាបានចុះបង្រ្កាបបទស្មេីលនេសាទ បានចំនួន០៣ករណី ព្រមទាំងបានបំផ្លាញចោលនូវឧបករណ៍ខុសច្បាប់ និង ពន្លែងកូនត្រីចូលទៅក្នុងបឹងធម្មជាតិវិញផងដែរ។
លោក អ៊ុក ណារិន នាយខណ្ឌរដ្ឋបាលជលផលខេត្តកំពង់ចាម បានអោយដឹងថា ការចុះបង្ក្រាបនេះ កម្លាំកម្លាំងសមត្ថកិច្ចចម្រុះបានធ្វើការលើ ករណីទី០១-លូស្បៃមុងចំនួន ១៥មាត់ របាំងស្បៃមុងប្រវែង៧៥០ម៉ែត្រ និងបង្គោលចម្រឹងឬស្សីចំនួន២២៥ដេីម ព្រមទាំងចាក់លែងត្រីចម្រុះទម្ងន់១០គីឡូក្រាម ចូលក្នុងបឹងធម្មជាតិវិញ នៅចំណុចជ្រោយអណ្តូង ឃុំមៀន ស្រុកព្រៃឈរ។
ករណីទី០២-លូស្បៃមុងចំនួន១២មាត់ របាំងស្បៃមុងប្រវែង៦០០ម៉ែត្រ និងបង្គោលចម្រឹងឬស្សីចំនួន១៨០ដេីម ព្រមទាំងចាក់លែងត្រីចម្រុះទម្ងន់០៨គីឡូក្រាមចូលក្នុងបឹងធម្មជាតិវិញ នៅចំណុចបាំងដៃ ឃុំមៀន ស្រុកព្រៃឈរ។
និងករណីទី០៣-លូស្បៃមុងចំនួន០៨មាត់ របាំងស្បៃមុងប្រវែង៤០០ម៉ែត្រ និងបង្គោលចម្រឹងឬស្សីចំនួន១២៥ដេីម ព្រមទាំងចាក់លែងត្រីចម្រុះទម្ងន់០៥គីឡូក្រាមចូលក្នុងបឹងធម្មជាតិវិញ នៅចំណុចខ្ទមលោកយាយ ឃុំមៀន ស្រុកព្រៃឈរ។
លោកនាយខណ្ឌជលផលបានបញ្ជាក់ថា៖ ដោយមានការអនុញ្ញាតពីលោក ហួត វុទ្ធី ព្រះរាជអាជ្ញាអមសាលាដំបូងខេត្តកំពង់ចាម ហើយឧបករណ៍ល្មើសច្បាប់ខាងលើត្រូវបានបង្កើតគណៈកម្មការដុតបំផ្លាញចោលនៅហ្នឹងកន្លែងផងដែរ ៕
ដោយៈ លោក ព្រីង សំឡត អ្នកយកព័ត៌មាន
គេហទំព័រ ប៉ោយប៉ែតប៉ុស្តិ៍
www.poipetpostnews.com
