ខេត្តបន្ទាយមានជ័យ ៖​ ជនសង្ស័យ០៤នាក់ ជាក្រុមកាច់-កម៉ូតូ ឆ្នាំ២០១៧ មកហើយ លុះឆ្នាំ២០១៩ ត្រូវបានកម្លាំអាវុធហត្ថធ្វើស្រាវជ្រាវរកឃើញ ឈានដល់ការបង្ក្រាប និងដកហូតបាន វត្ថុតាងមួយចំនួនធំ ដែល ប្រតិបត្តិការណ៍បង្ក្រាបនេះ នៅល្ងាចថ្ងៃទី២២ ខែមករា ឆ្នាំ២០១៩ នៅចំណុចភូមិគីឡូត៍ម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការអាវុធហត្ថក្រុង បានចុះប្រតិបត្តិការបង្រ្កាបករណី លួចមានស្ថានទម្ងន់ទោស (លួចម៉ូតូ) និងឃាត់ខ្លួនជនសង្ស័យបានច ៤ នាក់ ។ លោកវរសេនីយ៍ត្រី នួន នីណារ៉ូ បានប្រាប់អោយដឹងនៅថ្ងៃទី២៤ ខែមករា នេះថា៖ យោងតាមពាក្យបណ្តឹងរបស់ជនររងគ្រោះចំនួន០៤នាក់ និងដោយទទួលបានបទបញ្ជាយ៉ាងម៉ឺងម៉ាត់របស់លោកឧត្តមសេនីយ៍ត្រី បោន ប៊ិន មេបញ្ជាការអាវុធហត្ថខេត្ត ស្តីពីការពង្រឹងសន្តិសុខ សុវត្ថិភាព សណ្តាប់ធ្នាប់ និងបង្រ្កាបអោយបានទាន់ពេលវេលានោះ រាល់បទល្មើសដែលកើតមានឡើងក្នុងភូមិសាស្រ្ត និងដោយទទួលបានការសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តបន្ទាយមានជ័យ។ លោកក៏បានដឹកនាំកម្លាំង ចុះធ្វើការស្រាវជ្រាវរកមុខសញ្ញា ដែលបានប្រព្រឹត្បបទល្មើស   កាច់កម៉ូតូ យកទៅ កាលពីពេលថ្មីៗនេះ កំលាំងរបស់លោក បានចាត់កម្លាំងដាក់ការស្រាវជ្រាវឃើញ រហូតឈានដល់ការឃាត់ខ្លួនជនសង្ស័យបានចំនួន៤នាក់រួមមានៈ ទី១-វ៉ាង ហៅអាញ៉ាញ់ ភេទប្រុស អាយុ៣២ឆ្នាំ មានទីលំនៅមិនពិតប្រាកដ ក្នុងក្រុងប៉ោយប៉ែត ខេត្តបន្ទាយមានជ័យ។ ទី២-ឈ្មោះ ខៀវ សារិត ហៅ ង៉ា ភេទប្រុស អាយុ១៨ឆ្នាំ រស់នៅ ភូមិអូរជ្រៅ សង្កាត់/ក្រុងប៉ោយប៉ែត ខេត្តបន្ទាយមានជ័យ។ ទី៣-ឈ្មោះ ចាន់ ស្រីលាក់ ភេទស្រី អាយុ២៣ឆ្នាំ ស្នាក់នៅបណ្តោះ អាសន្នផ្ទះជួលផ្លូវចូលខារ៉ាអូខេឡាហ្វីរ៉ា ស្ថិតក្នុង ភូមិបាលិលេយ្យ១ សង្កាត់/ក្រុងប៉ោយប៉ែត ខេត្តបន្ទាយមានជ័យ។ ទី៤-ឈ្មោះ សន ធារិទ្ធ ហៅញ៉ាញ់ ភេទប្រុស អាយុ២៨ឆ្នាំ រស់នៅភូមិទំនប់ក៥ សង្កាត់/ក្រុងប៉ោយប៉ែត ខេត្តបន្ទាយជ័យ។ និងបានដកហូតវត្ថុតាងរួមមានៈ ១ -ម៉ូតូចំនួន ០៤គ្រឿង។ ១-ម៉ូតូម៉ាក MSX ពណ៌ខ្មៅ ចំនួន ០១គ្រឿង។ ២-ម៉ូតូម៉ាក HONDA DREAM ឆ្នាំ២០១៥ ពណ៌ខ្មៅ ចំនួន ០១គ្រឿង។៣-ម៉ូតូម៉ាក HONDA DREAM ឆ្នាំ២០១៨ ពណ៌ខ្មៅ ចំនួន០១គ្រឿង ។ ៤-ម៉ូតូម៉ាក HONDA DREAM ឆ្នាំ២០១១ ពណ៌ខ្មៅ ចំនួន០១គ្រឿង។  និងស្លាកលេខម៉ូតូចំនួន ០៥សន្លឹក  ព្រមទាំងសម្ភារៈកែឆ្នៃម៉ូតូ មួយចំនួន។    លោកឧត្តមសេនីយ៍ត្រី បោន ប៊ិន មេបញ្ជាការអាវុធហត្ថខេត្តបានបញ្ជាក់ឲ្យដឹងថា៖ ក្រោយពីធ្វើការសាកសួរ ជនសង្ស័យទាំង៤នាក់បានឆ្លើយសារភាពថា៖ ពួកគេពិតជាបានប្រព្រឹត្តបទលួច និងកាច់-ក ម៉ូតូ តាំងពីឆ្នាំ២០១៧ មកម្ល៉េះ និងបានធ្វើសកម្មភាពលួចម៉ូតូ បានជាច្រើនគ្រឿងមកហើយ ពេលលួចបានបក្ស យកម៉ូតូ មកកែឆ្នៃអោយប្លែក ពីសភាពដើម ហើយបានយកទៅលក់ និងដាក់បញ្ចាំដាច់នៅតាមកន្លែងផ្សេងៗ ។   លោកមេបញ្ជាការអាវុធហត្ថខេត្តបានបញ្ជាក់ទៀតថា ៖ ផ្អែកលើចម្លើយសារភាពរបស់ជនសង្ស័យ យោងតាមរបាយការណ៍របស់មូលដ្ឋានកងរាជអាវុធហត្ថក្រុង និងយោងតាមពាក្យបណ្តឹងរបស់ជនរងគ្រោះ ឃើញថា៖ មានតម្រុយពិរុទ្ធភាពនៃបទល្មើសជាក់លាក់ ជនសង្ស័យខាងលើ អាចត្រូវចោទពីបទ លួចមានស្ថានទម្ងន់ទោស។ បច្ចុប្បន្ន កម្លាំងជំនាញកងរាជអាវុធហត្ថខេត្ត បានកសាងសំណុំរឿងបញ្ជូនជនសង្ស័យ រួមជាមួយវត្ថុតាង ទៅតុលាការដើម្បីចាត់ការទៅតាមនីតិវិធី។ ចំណែកម៉ូតូចំនួន០៤គ្រឿង កម្លាំងជំនាញកងរាជអាវុធហត្ថ បានប្រគល់ជូនទៅម្ចាស់ដើមវិញហើយ៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com