ខេត្តកំពង់ស្ពឺ ៖ គ្រោះថ្នាក់ចរាចរណ៍ដ៏រន្ធត់មួយ បានបង្កឡើងដោយ រថយន្ត កុងតឺន័រ ០១គ្រឿង ដាច់ហ្វ្រាំង បុករះ រថយន្ដ តូចធំ ជិត៣០គ្រឿង បណ្តាលអោយរងរបួសស្រាលធ្ងន់ជាច្រើននាក់.! បង្កការភ្ញាក់ផ្អើលអស់មួយភូមិ ដែលហេតុការនេះ បានកើតឡើង នៅវេលាម៉ោង១២និង ២០នាទី ​ត្រូវនិងថ្ងៃទី០៣ ខែមករា ឆ្នាំ២០១៩ នេះ ។ បើតាមសាក្សី​ដែលស្ថិតនៅកន្លែងកើតហេតុ បានរៀបរាប់អោយថា៖ ហេតុការណ៍គ្រោះថ្នាក់ចរាចរណ៍ មួយនេះ គួរអោយរន្ធត់ ​បង្កឡើងដោយរថយន្ដ កុងតឺន័រ ដាច់ហ្វ្រាំង ពេលដែលរថយន្តកំពុងចុះចំណោត ហើយជ្រុលទៅ បុករះ និងរថយន្ដធុនតូចធំ ជិត៣០គ្រឿង នៅតាមបណ្ដោយផ្លូវជាតិលេខ៤ ជិតជ្រោះពេជ្រនិល ស្ថិតនៅក្នុង​ភូមិទី៦ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។ ហើយបើយោងតាម អ្នកឃើញហេតុការណ៍ បានបញ្ជាក់ពីដំបូងថា៖ ដំបូងឡើយរថយន្ដកុងតឺន័រ មួយគ្រឿង កំពុងចុះចំណោទ ក្នុងល្បឿនលឿន នៅម្ដុំយាយម៉ៅ​ ​ស្រាប់តែដាច់ហ្វ្រាំង ទើបបុករះ រថយន្ដតូចធំ ប្រមាណ ជិត ៣០គ្រឿង មានទាំងរថយន្ដធំ និងរថយន្ដតូច បណ្ដាលអោយ តៃកុងរថយន្ត និងអ្នករួមដំណើរ រងរបួស ស្រាលធ្ងន់ អ្នកខ្លះ គៀបជាប់នៅក្នុងរថយន្ដតែម្ដង ហើយរថយន្ដខ្លះធ្លាក់ជ្រោះទៅក្រោមផងដែល។ យ៉ាងណាមិញ ករណីគ្រោះថ្នាក់ចរាចរណ៍ដ៏រន្ធត់ ដ៏ព្រឺព្រួច ស្រាវស្រាញឆ្អឹងខ្នង មួយនេះ ខាងភ្នាក់ងារ សារព័ត៌មាន គេហទំព័រ ប៉ោយប៉ែតប៉ុស្តិ៍ យើងខ្ញុំ មិនទាន់បានទទួល ព័ត៌មានលម្អិត នៅឡើយទេ ថា៖ តើចំនួន អ្នកស្លាប់ ឬ អ្នករងរបួសប៉ុន្មាននាក់នោះទេ ដែលហេតុការនេះ ត្រូវបានសមត្ថកិច្ចមិនបានបញ្ជាក់អោយដឹងនៅឡើយទេ ដោយថា៖ ពេលនេះ​ កម្លាំងសមត្ថកិច្ចជាច្រើននាក់ កំពុង តែចុះជួយអន្ដរាគមន៍ ដើម្បីសង្គ្រោះជនរងគ្រោះ ខណៈដែលស្ថានភាព គ្រោះចរាចរណ៍ ខាងលើនេះ មានសភាពតានតឹង មានទាំងមនុស្សរងគ្រោះជាច្រើននាក់ និងរថយន្តខូចខាតជាច្រើនគ្រឿង សមត្ថកិច្ចបានប្រាប់ភ្ញាក់ងារយើងខ្ញុំថា៖ យ៉ាងណានោះ ខាងសមត្ថកិច្ចនិងផ្តល់ របាយការណ៍ជូននៅពេលក្រោយ៕ ដោយៈ វ៉ិត រិទ្ធ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com