ខេត្តត្បូងឃ្មុំ៖ សង្វៀនបញ្ជល់មាន់ អមដោយវង់ អាប៉ោង បានលេងចាក់ភ្នាល់លុយ បានយ៉ាងរលូន ដោយមិនឃើញសមត្ថកិច្ចណាធ្វើការបង្រ្កាបឡើយ មិនតែប៉ុណ្ណោះ អ្នកមើលការខុសត្រូវ ដែលគេហៅថា៖ អ្នកសម្របសម្រួល មានរឹកពារក្រអេឺតក្រទម ចេញមុខមក អួត ច្រង៉េងច្រង៉ាង មិនខ្លាចអ្វីឡើយ សង្វៀនបញ្ជល់មាន់ ខាងលើនេះ ស្ថិតនៅចំណុចដើមពោធិ៍ ភូមិអន្លង់ជ្រៃ ឃុំទន្លេបិត ស្រុកត្បូងឃ្នុំ ខេត្តត្បូងឃ្មុំ ដោយគេស្គាលច្បាស់ថា៖ អ្នកមើលការខុសត្រូវប្រចាំនៅកន្លែងនោះ ឈ្មោះ ណាន ភេទប្រុស អាយុប្រហែល៤០ឆ្នាំ មានទីលំនៅភូមិទន្លេបិត ឃុំទន្លេបិត ស្រុកត្បូងឃ្មុំ ខេត្តត្បូងឃ្មុំ។  ជាក់ស្តែងនៅរសៀលថ្ងៃទី០១ ខែមករាឆ្នាំ២០១៩ អ្នកយកសារព័ត៌មាន ក្នុងស្រុកជាច្រើនស្ថាប័ន បានចុះទៅយកព័ត៌មាន នៅចំណុចខាងលើ ឃើញមានការបញ្ជល់មាន់ និង លេង អាប៉ោង ដាក់លុយ ហើយបានរាយការណ៍តាមរយៈទូរសព្ទ័ ទៅលោក សួស ស៑ាងលី អធិការនគរបាល ស្រុកត្បូងឃ្មុំ ហើយ លោកអធិការទទួល និង ឆ្លើយតបវិញថា៖ ( ចាំលោកអោយកូនចៅទៅមើល ) តែបាត់មិនឃើញ មានសមត្ថកិច្ចណាម្នាក់មកសោះ។  ឃើញដូច្នោះ ខាងសារព័ត៌មានក៏បានទទូរសព្ទ័ទៅលោកអធិការ សួស ស៑ាងលី ម្តងទៀត ពេលទូរសព្ទ័ចូលហើយ មិនមានអ្នកទទួលឡើយ ឬមួយលោកអធិការ មានចេតនា មិនចង់បង្រ្កាបបទល្មើស ដែលស្ថិតក្នុងគោល នយោបាយ ភូមិ ឃុំ មានសុវត្តិភាពទាំង ៩ ចំណុច ហើយហ៊ានផ្គើនទៅងចំណុចទី ៥ របស់រាជរដ្ឋាភិបាល ដែលបានលើកឡើងថា៖ គ្មានបនល្បែងស៊ីសង ផ្ទុយទៅវិញ ការធ្វើ ព្រងើយកន្តើយបែបនេះ ត្រូវបានប្រជាពលរដ្ឋយល់ឃើញថា៖ លោកអធិការត្រូវ ដុល្លា របស់ជនល្មើស បិតភ្នែក បិតត្រជៀក ញុកមាត់អស់ហើយមើលទៅនោះ។  បើយោងពីសំណាក់មតិប្រជាពលរដ្ឋបន្តថា៖អស់ទំនុកចិត្ត លើលោកអធិការហើយ ហើយ ប្រជាពលរដ្ឋបានសំណូមពរ ដល់លោកឧត្តមសេនីយ៍ទោ បែន រត្ន័ ស្នងការនគរបាលខេត្តត្បូងឃ្មុំ និងលោក ជៀម សុភណ្ឌ័ អភិបាលខេត្តត្បូងឃ្មុំ ជួយអន្តរាគមន៍ និងមានចំណាត់ការក្នុងរឿងនេះផង៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com