ខេត្តកំពត៖ អាជ្ញាធរស្រុកកំពង់ត្រាច បានដឹក នាំកម្លាំងសមត្ថកិច្ចជំនាញចុះទៅទប់ស្កាត់គ្រឿងចក្រ ដែលធ្វើសកម្មភាពជីកកកាយដីភ្នំយកអាចម៍ដី ធ្វើអាជីវកម្មគ្មានច្បាប់ទម្លាប់។ ការចុះបង្អាកសកម្មភាពនេះស្ថិតនៅចំណុចភ្នំបរាសាទ ក្នុងភូមិឃ្លាំងខាងជើង ឃុំភ្នំប្រាសាទ ស្រុកកំពង់ត្រាច ខេត្តកំពត កាលពីព្រឹកថ្ងៃទី០៦ ខែមករា ឆ្នាំ២០១៩ ។ តាមប្រភពព័ត៌មានពីប្រជាពលរដ្ឋរស់នៅតំបន់ខាងលើ បានអោយដឹងថា៖ ករណីគ្រឿងចក្រមកជីកកាយដីភ្នំ ធ្វើអាជីវកម្ម បានប្រព្រឹត្តទៅពីរ បី ថ្ងៃ មកហើយ ដោយមានរថយន្តបែនដឹកដីជាច្រើនគ្រឿង បានសម្រុកដឹកដីចេញពីចំណុចភ្នំប្រាសាទ ទៅចាក់ផ្លូវក្នុងភូមិសាស្ត្រ ក្បែរៗនោះ។ ប្រភពដ៏ដែលបានបន្តថា៖ ទីតាំងភ្នំប្រាសាទកន្លងមកត្រូវម្ចាស់គ្រឿងចក្រជាច្រើនបានលួចជីកកកាយយកអាចម៍ដីលក់ដោយគ្មានច្បាប់ទម្លាប់ឡើយ។ ម្យ៉ាងទៀតចំណុចភ្នំប្រាសាទគឺជាទីតាំងមួយនៅឆ្ងាយពីដែនគ្រប់គ្រងរបស់អាជ្ញាធរ ទើបជាឱកាសមួយសម្រាប់ជនឆ្លៀតឱកាស លួចយកគ្រឿង ចក្រ មកកាយយកអាចម៍ដីតាមតែអំពើចិត្ត។ ទាក់ទិននឹងករណីខាងលើ អភិបាលស្រុកកំពង់ត្រាច លោក អូន​ បានប្រាប់ឱ្យដឹងថា៖ ភ្នំទាំងឡាយណាដែលជាសម្បតិ្តរបស់រដ្ឋ លោកដាច់ខាតការពារអោយបាន គឺមិនអនុញ្ញាតអោយក្រុមហ៊ុន ឬបុគ្គលណា រំលោភបំពានតាមតែអំពើចិត្តនោះឡើយ។ យ៉ាងណាមិញចំពោះ គ្រឿងចក្រដែលមកជីកកាយយកអាចម៍ដី នៅចំណុចភ្នំប្រាសាទ នេះ ថ្វីត្បិតជារបស់កងវិស្វកម្ម ហើយដឹកជញ្ជូនអាចម៍ដីមកចាក់ផ្លូវបែបណាក៏ដោយ ក៏មិនអាចងាយស្រួលនោះដែល ព្រោះថាម្ចាស់គ្រឿង ចក្រ មិនបានទៅសុំច្បាប់ពីអាជ្ញាធរជំនាញនៅឡើយ ទើបលោកចាត់កម្លាំងទៅផ្អាកសកម្មភាពតែម្តង។ ម្យ៉ាងទៀតគ្រឿងចក្រដែលមកជីកកកាយដីនៅចំណុចភ្នំប្រាសាទ គឺធ្វើសកម្មប្រហែល២ទៅ៣ថ្ងៃមកហើយ ដោយខណៈនោះមន្ត្រីសាលាស្រុកក៏បានចុះទៅហាមប្រាមផងដែល ប៉ុន្តែលុះពេលអាជ្ញាធរត្រឡប់មកវិញ គ្រឿងចក្រខាងលើនៅតែបន្តសកម្មដ៏ដែល ប្រៀបដូចជាចុះទៅវែកចកចឹងដែល។ ដូច្នេះក្នុងនាមជាអាជ្ញាធរ លោកមិនអនុញ្ញាតអោយមានការទន្ទ្រានលើដីភ្នំប្រាសាទ របេះទៀតឡើយ លើកលែងតែក្រុមហ៊ុននេះសុំច្បាប់អនុញ្ញាតជាមុនសិន ៕ ដោយៈ សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com