ក្រុងប៉ោយប៉ែត៖ នៅវេលាម៉ោង០៥និង ០០នាទី ថ្ងៃទី១០ ខែកុម្ភៈ ឆ្នាំ ២០១៩ នេះ បុគ្គលិកធ្វើការក្នុងកាស៊ីណូ ហ្គោលឌិនក្រោន បានប្រទះឃើញ គ្រាប់បែក គេបង្កៃនៅក្នុងបន្ទប់ទឹក ក៏បានរាយការណ៍ទៅផ្នែកសន្តិសុខ ហើយសន្តិសុខបានយកគ្រាប់បែកទៅបោះចោលនៅមុខកាស៊ីណូហ្គោលឌិនក្រោន ក្បែរផ្លូវរថភ្លើង ច្រកអន្តរជាតិប៉ោយប៉ែត ស្ថិតភូមិក្បាលស្ពាន១ សង្កាត់ និងក្រុងប៉ោយប៉ែត ហើយក៏បានរាយការណ៍ជូនសមត្ថកិច្ចកងរាជអាវុធហត្ថក្រុងភ្លាមៗ។ ក្រោយពីកងរាជអាវុធហត្ថក្រុងប៉ោយប៉ែត បានទទួលព័ត៌មាន ភ្លាម ក៏បានចុះមកដល់ទីតាំងកាស៊ីណូខាងលើ និងបានជួយធ្វើអន្តរាគមន៍ អោយបិតច្រកទ្វារអន្តរជាតិប៉ោយប៉ែត ជាបណ្តាអាសន្ន ដើម្បីងាយស្រួលកំលាំង សមត្ថកិច្ចចម្រុះធ្វើការ ក្រោយមកកងកំលាំងសមត្ថកិច្ចចម្រុះបានហៅខាងជំនាញ ស៊ីម៉ាក់ មកជួយធ្វើអន្តរាគមន៍ ថាតើដុំនិង ជាគ្រាប់បែក ពិត ឬជាគ្រាប់បែក ខ្លែងក្លាយ ក្នុងហេតុការនេះ ដែលមានជនមិនស្គាល់មុខ បានបង្កៃគ្រាប់បែក ក្នុងកាស៊ីណូហ្គោលឌិនក្រោន នោះ ករណីបង្កការភ្ញាក់ផ្អើកនេះផងដែល សារព័ត៌មាន គេហទំព័រ ប៉ោយប៉ែតប៉ុស្តិ៍យើងខ្ញុំ ក៏ឃើញមានវត្តមាន លោកឧត្តម សេនីយ៍ទោ អាត់ ខែម ស្នងការនគរបាលខេត្ត លោកឧត្តមសេនីយ៍ត្រី សិទ្ធ ឡោះ ស្នងការរងខេត្ត លោក សាន ស៊ានហូ អភិបាលក្រុង លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត លោកវរសេនីយ៍ឯក ប៉ុន ណាំអៀង មេបញ្ជាការរងកងរាជអាវុធ ហត្ថខេត្ត លោក វរសេនីយ៍ឯក ធិន ស៊ិនដេត អធិការក្រុង និងមន្ត្រីពាក់ព័ន្ធ គ្រប់ស្ថាប័ន បានដឹកនាំកំលាំងចុះជួយធ្វើអន្តរាគមន៍។ មួយសន្ទុះក្រោយមក ក្រោយពីពិនិត្យឃើញ ថា៖ ជាគ្រាប់បែក ឆ្នៃ កំណត់ម៉ោង អោយផ្ទុះ ពិតប្រាកដ កម្លាំងជំនាញ នៃមជ្ឈមណ្ឌលកម្ចាត់មីនកម្ពុជា (ស៊ីម៉ាក់) បានសម្រេចបំផ្ទុះគ្រាប់បែកបង្កៃ មុនម៉ោងកំណត់ ផ្ទុះ នៅមុខកាស៊ីណូហ្គោលឌិន ក្រុងប៉ោយប៉ែត តែម្តង ដើម្បីបញ្ចៀសនូវគ្រោះថ្នាក់ទាំងឡាយ ដល់ពលរដ្ឋ នៅវេលាម៉ោង ០៧និង៣០នាទី យប់ថ្ងៃខែឆ្នាំដ៏ដែលនេះ ។ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានបញ្ជាក់អោយដឹងថា៖ គ្រាប់បែកនេះ គឺជាគ្រាប់បែកកែឆ្នៃ ដើម្បីកំណត់ម៉ោងផ្ទុះ ប៉ុន្តែកម្លាំងជំនាញស៊ីម៉ាក់ បានសម្រេចចុចបំផ្ទុះនូវគ្រាប់បែក ដែលជនខិលខូចលួចដាក់នេះ មន្ដ្រីស៊ីម៉ាក់ បានបញ្ជាក់ថា៖ នេះគឺជាគ្រាប់បែកពិត ប្រាកដមែន ហើយជាគ្រាប់បែកកំណត់នាទីដើម្បីអោយផ្ទុះ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipettpostnews.com