ក្រុងប៉ោយប៉ែត៖ នៅព្រឹកថ្ងៃទី១៥ ខែកុម្ភៈ ឆ្នាំ២០១៩ នេះ មានករណីទំនាស់ដីធ្លី មួយកន្លែង ក្នុងភូមិសាមគ្គីមានជ័យ សង្កាត់ និងក្រុងប៉ោយប៉ែត ខេត្តបន្ទាយមានជ័យ។ ត្រូវបានប្រជាពលរដ្ឋជាង២០០គ្រួសារ បាននាំគ្នាឡើងទៅតវ៉ា នៅមុខសាលាក្រុងប៉ោយប៉ែត ទទូចសុំអោយខាងអាជ្ញាធរក្រុង លោក សាន ស៊ានហូ អភិបាលនៃគណៈអភិបាល ក្រុងប៉ោយប៉ែត ជួយដោះស្រាយរឿងទំនាស់ដីធ្លី ជូនដល់ពួកគាត់ បានរស់នៅសុខស្រួលវិញផង។ ដែលបុគ្គលពីរូប តែងខ្លួនជាអ្នធំ បានចេញមុខមកអះអាងថា៖ ដីដែលមានទំហំផ្ទៃក្រឡាចំនួន៩ហិចតា ស្មើ៩ម៉ឺនម៉ែត្រការ៉េ ថា៖ ជាដីរបស់ខ្លួន ថែមទាំងដាក់ពាក្យប្តឹងជំទាស់ទៅតុលាការ ចេញដីការរក្សាការពារថែមទៀតផង។ ពាក់ព័ន្ធទៅនិងរឿងករណីដីធ្លីខាងលើនេះ ពលរដ្ឋជាង ២០០ គ្រួសារ បានប្រាប់សារព័ត៌ មានជាច្រើនស្ថាប័នអោយដឹងថា៖ បុគ្គលទី១-ឈ្មោះ ឈឹម ជួន ដែលទើបតែដាក់ពាក្យបណ្តឹងជំទាស់ ជាមួយពលរដ្ឋជាង២០០ គ្រួសារ ដែលមានក្បាលដី១០០ម៉ែត្រ បណ្តោយ ៤៥០ម៉ែត្រ។ ពលរដ្ឋបន្តអោយដឹងទៀតថា៖ ថ្មីៗនេះ ត្រូវបានចេញមុខបុគ្គលទី២-ឈ្មោះ យឹម សំណាង បានដាក់ពាក្យបណ្តឹងជំទាស់ ជាមួយពលរដ្ឋចំនួន២០០គ្រួសារ ដែលមានក្បាល ដី១០០ម៉ែត្រ បណ្តោយ៤៥០ម៉ែត្រ ដូចគ្នាផងដែល។ លោក ម៉ៅ បូរ៉ា ដែលជាតំណាងប្រជាពលរដ្ឋ រស់នៅ ភូមិសាមគ្គីមានជ័យ បានប្រាប់សារព័ត៌មានជាច្រើនស្ថាប័នអោយដឹងថា៖ ដោយយោងតាម ស.ជ.ណ លេខ៦២ ទីស្តីការគណ:រដ្ឋមន្ត្រី និងជា ទេសរដ្ឋមន្ត្រី រដ្ឋមន្ត្រីទទួលបន្ទុកទីស្តីការគណ:រដ្ឋមន្ត្រី បាន ជម្រាបជូន ឯកឧត្តម រដ្ឋមន្រ្តី ក្រសួងរៀបចំដែនដី នគររូបនីយកម្ម និង សំណង់ និង ឯកឧត្តម អភិបាលខេត្តបន្ទាយមានជ័យ ។ លោក ម៉ៅ បូរា បានបន្តទៀតថា៖ ក្នុងករណី សំណើរបស់ប្រជាពលរដ្ឋចំនួន៥៨៩គ្រួសារ សុំគោលការណ៍អនុញ្ញាត ដើម្បីកាន់កាប់និង គ្រប់គ្រង ធ្វើកម្មសិទ្ធិលើដីលំនៅដ្ឋាន ដែលគាត់រស់នៅសព្វថ្ងៃ។ ដែលពីមុនស្ថិតក្នុងភូមិ ក្បាលស្ពាន ឃុំប៉ោយប៉ែត ស្រុកអូរជ្រៅ ខេត្តបន្ទាយមានជ័យ។ សព្វថ្ងៃហៅភូមិសាមគ្គី មានជ័យ ពីក្បាលដីលោក ថាច់ ថៃ រហូតដល់ដីលោក ម៉ាន់ ណូរី ។   លោកបានបញ្ជាក់បន្ថែមទៀតថា៖ ដោយយោងតាម លិខិតស្នើសុំរបស់ប្រជាពលរដ្ឋ ចំនួន៥៨៩គ្រួសារ ចុះថ្ងៃ ទី០៤ ខែមេសា ឆ្នាំ២០០៣ ចំណាររបស់សម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ចុះថ្ងៃទី១៤ ខែមករា ឆ្នាំ២០០៤ រាជរដ្ឋា ភិបាល បានសម្រេចឯកភាព ជាគោលការណ៍តាមសំណើ របស់ប្រជាពលរដ្ឋ ចំនួន៥៨៩ គ្រួសារហើយ។ ប៉ុន្តែប្រជាពលរដ្ឋទាំង ៥៨៩ គ្រួសារនេះ ត្រូវបំពេញបែបបទឯកសារ ជួបជាមួយអាជ្ញាធរ មានសមត្ថកិច្ច តាមនីតិវិធី នៃច្បាប់ភូមបាល ដែលបានវាយត្រា និង ជ.ទេសរដ្ឋមន្ត្រីទទួលបន្ទុក ទីស្តីការគណ: រដ្ឋមន្ត្រី អនុរដ្ឋលេខាធិការ ប៊ុន អ៊ុយ ។ មកទល់ពេលនេះ ពលរដ្ឋបានធ្វើប្លង់ដីនោះដែលទទួលស្គាល់ ដោយអាជ្ញាធរមូលដ្ឋាន ភូមិ ឃុំ សង្កាត់ ក្រុង និង ខេត្តបន្ទាយមានជ័យ ព្រមទទួលស្គាល់ផងដែល។ ក្នុងករណីពលរដ្ឋលើកគ្នាមកតវ៉ា នៅមុខសាលាក្រុងប៉ោយប៉ែត នៅព្រឹកថ្ងៃនេះដែល ជាលិតផលឃើញថា៖ ខាងរដ្ឋបាលក្រុង បានអោយតំណាងពលរដ្ឋជាង២០០គ្រួសារ តំណាង៥រូប ចូលទៅបកស្រាយព័ត៌មានលម្អិត ជូនដល់អាជ្ញាធរក្រុង ហើយខាងរដ្ឋភិបាលក្រុង ក៏បានជូនដំណឹង អោយពលរដ្ឋជាង២០០គ្រួសារ រៀបចំឯកសារគ្រប់គ្រាន់ មិនអោយហួសរយៈពេល២ថ្ងៃទៀតនោះទេ និងបើកអោយពលរដ្ឋដែលជាប់ពាក់ពន្ធ័ និងបុគ្គលពីរូប តាំងខ្លួនជាអ្នកធំ ចូលប្រជុំជា ជំនុំជំរះ ជាមួយអាជ្ញាធរក្រុងប៉ោយប៉ែត៕   ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com