ខេត្តសៀមរាប ៖ បើយោងតាមការចុះផ្សាយរបស់សារព័ត៌មានក្នុងស្រុក ជាច្រើនស្ថាប័ន បានចុះផ្សាយ ពីរឿង គ្រឿងចក្រចំនួន០២ គ្រឿង ដែលកំពុងជីកកាយ យកអាចម៍ដីលក់គ្មានច្បាប់អនុញាតិ ក្លាយជារណ្តៅដីយក្ស ផ្អើលដល់អស់ពួកប្រេត តែគ្មានមន្រ្តីជំនាញចុះមកទប់ស្កាត់នោះទេ នៅព្រឹកថ្ងៃទី១៥ ខែកុម្ភៈ ឆ្នាំ២០១៩ នេះ ។ គ្រឿងចក្រខាងលើនេះបានជីករណ្តៅដីអស់រយះពេលមួយឆ្នាំជាងមកហើយ ដែលស្ថិតនៅភូមិគោកដូង ឃុំគោកដូង ស្រុកពួកខេត្តសៀមរាប។ ហើយបើយោងតាមប្រភពពីប្រជាពលរដ្ធដែលរស់នៅក្នុងភូមិ ជាប់នឹងរណ្តៅដី មានការព្រួយបារម្ភៈ ពីសត្វគោក្របី ដែលនៅជិតស្រះនេះណាស់ ព្រោះវាមានជម្រៅជ្រៅហួសហេតុពេក ដែលមានជម្រៅប្រវែងដល់ទៅ១០ម៉ែត្រជាង ជិតដល់ក្បាលប្រេតហើយ។ ពលរដ្ឋបានលើកឡើងទៀតថា៖ មួយថ្ងៃៗមានរថយន្តដឹកដីចេញចូលរាប់រយគ្រឿង ដឹកហុយដីត្រលម មិនខ្វល់ពីសុខភាពប្រជាជន ដែលរស់នៅក្នុងភូមិនេះទេ ពួកគាត់បន្តទៀតថា៖ទោះបីក្រុមឈ្មួញលក់ដី ខំស្រោចទឹកយ៉ាង ណាក៏ដោយ ក៏នៅតែហុយចូលក្នុងផ្ទះប្រឡាក់ខោអាវ ដាក់ក្នុងទូរ ហើយហុយចូលឆ្នាំងបាយរបស់ពួកគាត់ រកតែហូបក៏ហូបមិនកើតដែល។ បើយោងតាមសារព័ត៌មានក្នុងស្រុក បានចុះផ្សាយ កាលពីល្ងាចថ្ងៃទី១៥ ខែឆ្នាំដ៏ដែល សាព័ត៌មាន បានខលទៅដើម្បីសុំការបក ស្រាយពីលោក (ជូ រ៉ាមី) ប្រធានមន្ទីររ៉ែ និងថាមពលខេត្តសៀមរាប នៅពេលនោះលោកបានប្រាប់តាមទូរស័ព្ឌមកវិញថា៖ រឿងគ្រឿង ចក្ររបស់ឈ្មួញឈ្មោះ (ចំរើន) ខាងលើនេះគាត់ពិតជាមិនបានដឹងទេ ចាំលោកអោយជំនាញខាងលោកចុះទៅពិនិត្យមើលសិន។ ហើយបើតាមសម្ដីលោក សុិន ចាន់ថុលអភិបាលរងស្រុកពួក លោកបានប្រាប់ថា៖គ្រឿងចក្រខាងលើនេះ បានដាក់សុំច្បាប់ទៅច្រកចេញចូលតែមួយរបស់សាលាខេត្តដែលតែមិនទាន់បានច្បាប់នៅឡើយនោះទេ។ ចំពោះការជីករណ្តៅដីរបស់ឈ្មួញ (ចំរើន) ខាងលើនេះផងដែល លោក(ជូ រ៉ាមី) បានប្រាប់អ្នកសារព័ត៌មានយើងបន្ថែមទៀតថា៖រឿងគ្រឿងចក្រជីកកាយយកអាចម៍ដីខាងលើនេះ គឺលោកមិនបណ្តោយអោយធ្វើអាជីវកម្មជាដាច់ខាត ថ្វីថ្បិតតែបានស្នើរទៅសុំច្បាប់អនុញាតិមែន តែលោក (ចំរើន) មិនទាន់មាន ច្បាប់អនុញាតិផង បែរជាហ៊ានធ្វើអាជីវកម្មជីករណ្តៅដី យកលក់ពេញក្រុងសៀមរាប ដែលមិនខ្លាចមន្ត្រីជំនាញ អីបន្តិចណាសោះ។ គួបញ្ជាក់ផងដែល រឿងរណ្ដៅដីមហាយក្សមួយនេះ ប្រជាពលរដ្ឋ និងរងចាំមើលថា៖ លោក សុិន ចាន់ថុលអភិបាលរងស្រុកពួក និងខាងថាមពលខេត្តសៀមរាប មានចំណាត់ ការទប់ស្កាត់ដែលរឺទេ រឺគ្រាន់តែនិយាយចោល រឺមួយយ៉ាងណា.?៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា