ខេត្តរតនគិរី៖ នៅរសៀលថ្ងៃទី១៨ ខែកុម្ភៈឆ្នាំ២០១៩ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលមេខរភូមិន្ទ និងជាមេបញ្ចាការកងរាជអាវុធហត្ថលើផ្ទៃប្រទេស បានអញ្ជើញជាអធិបតីដ៏ខ្ពង់ខ្ពស់ក្នុងពិធីប្រកាសតែងតាំងមេបញ្ជាការកងរាជអាវុធហត្ថខេត្តរតនគិរី។ ពិធីប្រកាសតែងតាំងមុខតំណែងមន្រ្តីអាវុធខាងលើនេះ ក៏មានការអញ្ជើញចូលរួមជាកិត្តិយសពីសំណាក់ ឯកឧត្តម ណាប់ ប៊ុនហេង ប្រធានក្រុមប្រឹក្សាខេត្ត ឯកឧត្តម ថង សាវុន អភិបាលខេត្តរតនគិរី ព្រមទាំងមានការអញ្ជើញចូលរួមពីសំណាក់លោកឧត្តមសេនីយ៍ទោ មេបញ្ជាការតំបន់ប្រតិបត្តិការសឹករងខេត្ត លោកស្នងការនគរបាលខេត្ត អស់លោក លោកស្រីប្រធាន អនុប្រធានមន្ទីរជំវិញខេត្ត នាយទាហាន នៃទីបញ្ជាការកងរាជអាវុធហត្ថ ខេត្តជាច្រើនរូបផងដែរ ។ ឯកឧត្តម ថង សាវុន អភិបាលខេត្តរតនគិរី បានមានប្រសាសន៍កោតសរសើរ និងវាយតម្លៃខ្ពស់ ចំពោះបញ្ជាការដ្ឋានកងរាជអាវុធខេត្ត ដែលបានចូលរួមយ៉ាងសកម្មក្នុងការថែរក្សាសន្តិសុខសណ្តាប់ធ្នាប់សង្គមជូនប្រជាពលរដ្ឋ។ ឯកឧត្តមបានដាស់តឿនក្រើនរំលឹកដល់នាយ នាយរង និងពលអាវុធហត្ថទាំងអស់ ជាពិសេស មេបញ្ជាការដែលទើបប្រកាសតំណែងថ្មី ត្រូវសាមគ្គីភាព ឯកភាពផ្ទៃក្នុងអង្គភាពអោយបានល្អ និងត្រូវបន្តសហប្រតិបត្តិការជាមួយអង្គភាពស្ថាប័នពាក់ព័ន្ធក្នុងការទប់ស្កាត់បង្រ្កាបបទល្មើលនានា ធ្វើយ៉ាងណាឲ្យស្របទៅនឹងគោលនយោ បាយ ភូមិឃុំមានសុវត្តិភាពទាំង៩ ចំណុច ដែលរាជរដ្ឋាភិបាលបានដាក់ចុះសំដៅថែរក្សាសេចក្តីសុខជូនប្រជាពលរដ្ឋ។ ក្នុងឱកាសនោះដែល ឯកឧត្តម នាយឧត្តមសេនីយ៍ សៅ សុខា បានដាក់ចេញនូវបទបញ្ជា ដល់មេបញ្ជាការ មេបញ្ចាការរង និងពលអាវុធហត្ថទាំងអស់ក្នុងខេត្តរតនគិរី ត្រូវចូលរួមថែរក្សាសន្តិសុខ សណ្ដាប់ធ្នាប់ ជូនប្រជាពលរដ្ឋ ពិសេសត្រូវជាសវាងអោយបានដាច់ខាតនូវទង្វើទាំងលាយណា ដែលនាំអោយប្រជាពលរដ្ឋក្តៅក្រហាយ ឬ ថ្នាំងថ្នាក់មកលើកងកម្លាំងយើង ពីព្រោះកងទ័ពកើតចេញពីប្រជាជន ជារបស់់ប្រជាជន ដូច្នេះត្រូវធ្វើអ្វីៗ គ្រប់បែបយ៉ាងដើម្បីសេចក្តីសុខរបស់ប្រជាជន ព្រមទាំងគោរពឲ្យបានមឺុងម៉ាត់ នូវរាល់បទបញ្ជាដែលថ្នាក់លើប្រគល់ជូន។ ឯកឧត្តម នាយឧត្តមសេនីយ៍ បានផ្តាំផ្ញើដល់លោកមេបញ្ជាការ កងរាជអាវុធខេត្ត ដែលទើបទទួលមុខតំណែងថ្មី បន្តយកចិត្តទុកដាក់កសាងអង្គភាព យកចុត្តទុកដាក់ចំពោះសុខទុក្ខមន្រ្តីក្រោមឱវាទ និងត្រូវអនុវត្តតួនាទីភារៈកិច្ចឲ្យបានល្អ រាល់ការដឹកនាំបញ្ជាកងកម្លាំង មិនត្រូវធ្វើឲ្យផ្ទុយនឹងច្បាប់របស់រដ្ឋ។ រាល់កិច្ចការទាំងអស់ត្រូវអនុវត្តតាមបែបប្រជាធិបតេយ្យបន្តគ្រប់គ្រងសម្ភារៈអង្គភាពឲ្យបានគត់មុត បន្តអប់រំចិត្តសាស្រ្តកងទ័ព និងក្តាប់ឲ្យបាននូវព័ត៌មានវាយប្រហាមិនសំស្រប និងបំផ្លើស មកលើរាជរដ្ឋាភិបាល ហើយមិនត្រូវឆ្លើយឆ្លង ជាមួយពួកប្រឆាំងអគតិ តែត្រូវតាមដាន រាល់ទង្វើនិងសកម្មភាពរបស់ក្រុមប្រឆាំងទាំងនោះ បើទង្វើទាំងឡាយ ណា ដែលផ្ទុយនឹងច្បាប់ត្រូវធ្វើការបង្រ្កាបភ្លាម។ នៅក្នុងឱកាសនេះឯកឧត្តមនាយឧត្តមសេនីយ៍ សៅ សុខា បានឧបត្ថម ថវិកាដល់អង្គភាពកងរាជអាវុធខេត្ត៥លានរៀល អង្គភាពតំបន់ប្រតិបត្តិការសឹករងខេត្ត៥លានរៀ អង្គភាពស្នងការដ្ឋាននគរបាលខេត្ត៥លានរៀលផងដែរ។ សូមបញ្ជាក់ថា៖ យោងតាមប្រកាសរបស់ក្រសួងការពារជាតិលេខ៤២៣.ត.ត០២១៩ ចុះថ្ងៃទី១៤ ខែកុម្ភៈ ឆ្នាំ២០១៩ ស្តីពីការតែងតាំងមុខតំណែងនាយទាហាន បានសម្រេចតែងមុខងារជូនឧត្តមសេនីយ៍ត្រី ថាវ យ៉េន មេបញ្ជាររង និងជានាយសេនាធិការបញ្ជាការដ្ឋានកងរាជអាវុធហត្ថខេត្តរតនគិរី បច្ចុប្បន្នជាមេបញ្ជាការរដ្ឋានកងរាជអាវុធខេត្តរតនគិរី៕ ដោយៈ សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com