ក្រុងប៉ោយប៉ែត៖ ជនសង្ស័យបានចំនួន ០៥នាក់ រួមនិងវត្ថុតាង ត្រូវបាន កំលាំងកងរាជអាវុធ ហត្ថក្រុងប៉ោយប៉ែត ឃាត់ខ្លួន នៅវេលាម៉ោង ២២ និង ០០នាទី ថ្ងៃទី២៥ ខែកុម្ភៈ ឆ្នាំ២០១៩ នៅចំណុចផ្សាររ៉ា ស្ថិតក្នុងភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ទោ អ៊ុំ សាខន នាយរងសេនាធិការ បានចុះប្រតិបត្តិការបង្រ្កាបករណីប្រើប្រាស់សារធាតុញៀន ក្រោយពីបានទទួលព័ត៌មានស្តីពីករណីប្រើប្រាស់សារធាតុញៀនដោយខុសច្បាប់ នៅចំណុចកើតហេតុខាងលើ និងដោយមានការសម្របសម្រួលពីលោកស្រី ឆេង ហាក់ងិង ព្រះរាជអាជ្ញាររង អមសាលដំបូងខេត្ត លោកបានដឹកនាំកម្លាំងចុះប្រតិបត្តិការបង្រ្កាបភ្លាមៗ ឈានដល់ការឃាត់ខ្លួនជនសង្ស័យបានចំនួន ០៥នាក់ រួមមានឈ្មោះដូចខាងក្រោម៖ ទី១-ឈ្មោះ ឡូន ឆៃលីម ភេទ ប្រុស អាយុ ៣២ឆ្នាំ ជនជាតិខ្មែរ បច្ចុប្បន្នស្នាក់នៅផ្ទះជួល ស្ថិតក្នុងភូមិ/សង្កាត់កើតហេតុខាងលើ។ ទី២-ឈ្មោះ ពេង សំ ភេទ ប្រុស អាយុ ១៦ឆ្នាំ ជនជាតិខ្មែរ បច្ចុប្បន្នស្នាក់នៅផ្ទះជួលស្ថិតក្នុងភូមិ/សង្កាត់កើតហេតុខាងលើ ។ ទី៣-ឈ្មោះ ឈឿន ប៊ុនតួ ភេទ ប្រុស អាយុ ២២ឆ្នាំ ជនជាតិខ្មែរ បច្ចុប្បន្នស្នាក់នៅផ្ទះជួលស្ថិតក្នុងភូមិ/សង្កាត់កើតហេតុខាងលើ។ ទី៤-ឈ្មោះ ស្មាញ់ ឈុន ភេទ ប្រុស អាយុ ២៤ឆ្នាំ ជនជាតិខ្មែរ បច្ចុប្បន្នស្នាក់នៅផ្ទះជួលស្ថិតក្នុងភូមិ/សង្កាត់កើតហេតុខាងលើ។ ទី៥-ឈ្មោះ ជឹម រ៉ា ភេទ ប្រុស អាយុ ៥៤ឆ្នាំ ជនជាតិខ្មែរ បច្ចុប្បន្នស្នាក់នៅផ្ទះជួលស្ថិតក្នុងភូមិ/សង្កាត់កើតហេតុខាងលើ។ ...................... វត្ថុតាងរួមមាន ៖ ១-គ្រឿងញៀនមេតំហ្វេតាមីន ទឹកកក ចំនួន ០១កូនថង់ ស្មើ ០.១១ក្រាម ។ ២-ទូរស័ព្ទដៃចំនួន ០៣គ្រឿង ។  ក្រោយទទួលបានចម្លើយសារភាព ពីជន សង្ស័យ លោកបានកសាងសំណុំរឿងបញ្ជូនជនសង្ស័យ ទៅទីបញ្ជាការដ្ឋានកងរាជអាវុធ ហត្ថខេត្ត ដើម្បីចាត់ការបន្តតាមនីតិវិធី ។ លោកវរសេនីយ៍ឯក ស ប៊ុនសឿង មេបញ្ជាការរង ទទួលការងារប្រឆាំងបទល្មើសគ្រឿង ញៀន បានបញ្ជាក់បន្ថែមថា ៖ ផ្អែកលើចម្លើយសារភាពរបស់ជនសង្ស័យទាំង០នាក់៥ និងយោងតាមរបាយការណ៍របស់មូលដ្ឋានកងរាជអាវុធហត្ថក្រុងប៉ោយប៉ែត ជនសង្ស័យខាងលើ អាចត្រូវចោទ ពីបទ ប្រើប្រាស់សារធាតុញៀនដោយខុសច្បាប់ កម្លាំងជំនាញបានកសាងសំណុំបញ្ជូនជនសង្ស័យ រួមជាមួយវត្ថុតាង ទៅតុលាការ ដើម្បីចាត់ការទៅតាមច្បាប់៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com