ខេត្តកំពត៖ គណៈកម្មាធិការគ្រប់គ្រងដីរដ្ឋថ្នាក់ខេត្ត សម្រេចតាមការស្នើសុំ របស់ប្រជាពលរដ្ឋ ៤៥គ្រួសារដែលបានអាស្រ័យផលជាក់ស្ដែងនៅក្នុងឃុំកោះតូច ស្រុកទឹកឈូ ខេត្តកំពត ក្នុងការវាស់វែងចេញប័ណ្ណកម្មសិទ្ធិលើផ្ទៃដី៣១៥ហិកតា។ ថ្លែងនៅក្នុងកិច្ចប្រជុំដោះស្រាយសំណើរសុំវាស់វែងដីធ្លីចេញប័ណ្ណកម្មសិទ្ធជូនប្រជា ពលរដ្ឋ ៤៥គ្រូសារ នៅភូមិព្រែកអំពិល ឃុំកោះតូចស្រុក ទឹកឈូកាលពីរសៀលថ្ងៃទី ២៧ ខែកុម្ភៈ ឆ្នាំ២០១៩ លោក ជាវ តាយ អភិបាលខេត្តកំពត និងជាប្រធានគណៈកម្មា ធិការគ្រប់គ្រងដីរដ្ឋថ្នាក់ខេត្ត បានមានប្រសាសន៍ថា៖ គោលនយោបាយរបស់រាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន នាយរដ្ឋមន្ត្រីនៃព្រះរាជាណាចក្រកម្ពុជា តែងតែមានការណែនាំ ដល់រដ្ឋបាលខេត្តនិមួយៗដើម្បីជំរុញការអនុវត្តនូវគោលនយោបាយដីធ្លីបែងចែកជូន ដល់ប្រជាពលរដ្ឋ ដែលបានអាស្រ័យផលជាក់ស្ដែង និងផ្តល់ប័ណ្ណកម្មសិទ្ធិត្រឹមត្រូវជូនពលរដ្ឋ។ រាល់សំណូមពរទាំងឡាយណារបស់ពលរដ្ឋ ដែលមានការលំបាក ហើយជាតម្រូវការចាំបាច់ រដ្ឋបាលខេត្តកំពតត្រូវតែដោះស្រាយជូនបន្ទាន់។ ដោយឡែក ក្នុងដំណាក់កាលនៃការចុះពិនិត្យរបស់ក្រុមការងារខេត្ត ដែលមានការពាក់ព័ន្ធសម្រាប់ធ្វើការដោះស្រាយតាមការស្នើសុំរបស់ប្រជាពលរដ្ឋទាំង៤៥គ្រួសារក្នុងកិច្ចប្រជុំនេះគឺមានដីទំហំ៣១៥ហិកតាដែលស្ថិតនៅភូមិ ព្រែកអំពិល ឃុំកោះតូច ស្រុកទឹកឈូ គឺក្រុមការងារខេត្តបានពិនិត្យឃើញថា៖១-ទីតាំងដីរបស់ប្រជាពលរដ្ឋស្ថិតនៅក្នុងគម្របព្រៃឈើឆ្នាំ២០០២ មិនមានការពាក់ព័ន្ធជាមួយដីឧទ្យាជាតិព្រះមន្នីវង្សបូកគោឡើយ។២-ដីដែលប្រជាពលរដ្ឋបានអះអាងថា បានកាន់កាប់អាស្រ័យផល គឺជាប្រភេទដីចម្ការ មានដើមអាកាស្សា ស្វាយចន្ទី លាយឡំជាមួយព្រៃបុស្ស និងព្រៃរបោះ ដែលមានរយៈកម្ពស់ពី២០ម៉ែត្រ ទៅ៨០ម៉ែត្រ ធៀបនឹងនីវ៉ូទឹកសមុទ្រ។លោកថា តាមរបាយការណ៍ក៏ដូចជាការបញ្ជាក់ពីមន្ត្រីជំនាញ គណៈកម្មាធិការគ្រប់គ្រងដីរដ្ឋថ្នាក់ខេត្ត បានសម្រេចឯកភាព នឹងរៀបចំឯកសារស្នើសុំទៅប្រមុខរាជរដ្ឋាភិបាលផ្ដល់ជាកម្មសិទ្ធិជូនប្រជាពលរដ្ឋទាំង៤៥គ្រួសារ ព្រោះរដ្ឋបាលខេត្តមិនអាចទុកបញ្ហានេះឲ្យមានភាពរ៉ាំរ៉ៃទៅមុខទៀតបានឡើយ ។ លោកអភិបាលខេត្តក៏បានបញ្ជាក់ទៀតថា រដ្ឋបាលខេត្ត មិនមានគំនិតអ្វីទុករាល់សំណើរសុំរបស់ពលរដ្ឋដើម្បីសន្សំបញ្ហា ឲ្យប្រជាពលរដ្ឋមានការលំបាកទេ ប៉ុន្តែនីតិវិធីបន្តគឺ ក្រុមការងារនឹងរៀបចំចុះទៅពិនិត្យឲ្យបានជាក់លាក់ម្តងទៀតថា តើនៅលើដីនោះមានបញ្ហាទំនាស់ ឬជាដីមានម្ចាស់ជាន់គ្នាដែរឬទេ។លោកអភិបាលខេត្តក៏បានសំណូមពរដល់ប្រធានមន្ទីរពាក់ព័ន្ធទាំងអស់ ដែលជាសមាជិក គណៈកម្មាធិការគ្រប់គ្រងដីរដ្ឋ ថ្នាក់ខេត្ត ពន្លឿន និងជំរុញធ្វើការងារនេះជូនពលរដ្ឋដែលជាម្ចាស់ដីគ្រប់គ្រងតាំងពីយូរណាស់មកហើយ ឲ្យបានឆាប់បំផុត៕ ដោយៈ សុខ បូរី និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
អុញនោះយាយម៉ានិងតាសុខ យឿន(ហៅតាជ័យសែន) ជួបរបស់ពិតហើយ កក្រើកស្ទឹងត្រែង កន្លែងកាប់ទន្ទ្រានព្រៃក្រឡាពស់ត្រូវបានបង្ក្រាបយ៉ាងក្តៅគគុក.!!! (គេហទំព័រ ប៉ោយប៉ែត ប៉ុស្តិ៍)
មានវីដេអូ! តើលោក សុខ ប៊ុន នីន និងលោក គីម ចិន រួមនិ តា ណន មានខ្សែបង្អែកធំជាងលោកអភិបាលស្រុកគូលែនមែនរឺទេ? ទើបហ៊ានទន្ទ្រានដីព្រៃរាប់រយហិកតាលក់អោយឈ្មួញគ្រាក់ៗដោយមិនញញើតនឹងផ្លូវច្បាប់.! (គេហទំព័រ ប៉ោយប៉ែត ប៉ុស្តិ៍)
អ្នកអង្គម្ចាស់ ស៊ីសុវត្ថិ សិទ្ធីដែន ឧត្ដមប្រឹក្សាផ្ទាល់ សម្តេចព្រះមហាសង្ឃរាជ នៃព្រះរាជាណាចក្រកម្ពុជាទាំងពីរគណៈយាងចុះសួរសុខទុក្ខប្រជាពលករនៅច្រកទ្វារព្រំដែនអន្តរជាតិដូង ក្នុងស្រុកកំរៀង ខេត្តបាត់ដំបង (គេហទំព័រ ប៉ោយប៉ែត ប៉ុស្តិ៍)
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា