ខេត្តរតនគិរី៖ បើយោងតាមគណនីface book របស់ឈ្មោះ(Leakkhena Hean) ដែលអះអាងថា៖ ជាប្រពន្ធស្របច្បាប់របស់លោក ជា ពេជ្រ ព្រះរាជអាជ្ញានៃអយ្យការអមសាលាដំបូងខេត្តរតនគិរី បានបង្ហោះសាររៀបរាប់ថា៖ ប្រសិនបើលោកព្រះរាជអាជ្ញា ជា ពេជ្រ នៅខេត្តរតនគិរី ត្រូវបានរួចខ្លួនពីសំណាញ់ច្បាប់ គឺជាអំពើ អយុត្តិធម៌ខ្លាំងណាស់ សម្រាប់សង្គមខ្មែរ ក្នុងវិស័យកំណែទម្រង់ច្បាប់ និងប្រព័ន្ធតុលាការ ។ លោក ជា ពេជ្រ ជាកាន់អ្នកច្បាប់ដែលមានកំហុសយ៉ាងធ្ងន់ធ្ងរគឺលួចមានប្រពន្ធចុង (ច្បាប់ឯកពន្ធភាព) មានផ្ទះវីឡាស្កឹមស្កៃជាច្រើនកន្លែង លាក់លុយមិនអោប្រពន្ធស្របច្បាប់ដឹង មានទ្រព្យសម្បត្តិប្រាក់កាសច្រើនក្នុងរយៈពេលដ៏ខ្លី ។ល។ គណនី fb(Leakkhena Hean) ដ៏ដែល បានអំពាវនាវដល់ថ្នាក់ដឹកនាំក្រសួងយុត្តិធម៌ ផងដែលថា៖ សូមគោរពអំពាវនាវ ដល់លោកអង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ សូមលោកមេត្តា ជួយមើលបុគ្គលលោកព្រះរាជអាជ្ញាឈ្មោះ ជា ពេជ្រ នៅខេត្តរតនគិរី ផង កុំអោយគាត់ប្រើអំណាច បុណ្យសក្តិ ទឹកប្រាក់ ដើរសម្លុតគម្រាមកំហែងប្រជាជនតូចតាចអញ្ចឹងទៀត ដោយសេចក្តីគោរពដ៏ខ្ពង់ខ្ពស់ ពីប្រជាជនស្លូតត្រង់ផង។ កាលពីថ្ងៃទី១៧ ខែកុម្ភៈ ឆ្នាំ២០១៩ អ្នកស្រី ហ៊ាន លក្ខិណា ដែលអះអាងថា៖ ជាភរិយាស្របច្បាប់របស់លោក ជា ពេជ្រ ព្រះរាជអាជ្ញា នៃអយ្យការ អមសាលាដំបូងខេត្តរតនគិរី បានបង្ហោះថា៖ “សូមអោយលោក ជា ពេជ្រ ព្រះរាជអាជ្ញា នៅខេត្តរតនគិរី អញ្ជើញមកដោះស្រាយបញ្ហាក្នុងគ្រួសារជាមួយខ្ញុំ ហ៊ាន លក្ខិណា ជាភរិយាស្របច្បាប់ ជាបន្ទាន់ “។ បើមិនចូលមកដោះស្រាយទេនោះ នាងខ្ញុំនឹងប្តឹងដល់៖ ទី១-លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌។ ទី២- ឧត្តមក្រុមប្រឹក្សាអង្គចៅក្រម។ ទី៣- អង្គភាពប្រឆាំងអំពើពុករលួយ។ ទី៤-ប្តឹងពីបទ ឯកពន្ធភាព។ សូមលោក ជា ពេជ្រ កុំបញ្ជាគេឱ្យមកគម្រាមកំហែងទៀត ខ្ញុំនឹងប្តឹងថា៖ បើមានគ្រោះថ្នាក់អ្វីកើតឡើង គឺលោក ជា ពេជ្រ ត្រូវទទួលខុស ត្រូវទាំងស្រុង។ បើបងប្អូនណាបានឃើញព័ត៌មាននេះហើយ សូមជួយជម្រាបជូន ដំណឹងទៅលោក ជា ពេជ្រ ផង សូមអរគុណ។ ពាក់ពន្ធ័ករណីខាងលើនេះ មិនដឹងថា៖ ជារឿងពិតឬយ៉ាងណានោះទេ សារព័ត៌មាន ( គេហទំព័រ ប៉ោយប៉ែតប៉ុស្តិ៍ ) រងចាំការបំភ្លឺពីលោក ជា ពេជ្រ ព្រះរាជអាជ្ញាខេត្តរតនគិរីរាល់ម៉ោងធ្វើការ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com