ខេត្តកំពត ៖ សាលាដំបូងខេត្តកំពតកាលពីព្រឹកថ្ងៃទី៧ ខែកុម្ភៈ ឆ្នាំ២០១៩ បានបង្គាប់អោយប្រធានមន្ទីរឃុំឃាំងខេត្តកំពត ឃុំខ្លួនបណ្តោះអាសន្ន ដល់មន្ត្រីនគរបាលស្រុកទឹកឈូម្នាក់ ក្នុងបទប៉ុនប៉ងឃាតកម្ម និងប្រើប្រាស់អាវុធខុសច្បាប់។ យោងដីកាលេខ៨១/១៩ចុះថ្ងៃទី០៧ ខែកុម្ភៈឆ្នាំ២០១៩ របស់លោក អាំង សុភា ចៅក្រមស៊ើបសួរ នៃសាលាដំបូងខេត្តកំពត មាមានខ្លឹមសារថា៖ ត្រូវបង្គាប់មកលោកប្រធានមន្ទីរឃុំឃាំងខេត្តកំពត ឱ្យឃុំខ្លួនបណ្តោះ អាសន្នចំពោះបុគ្គល ឈ្មោះ ហុកចេង ភេទប្រុស អាយុ៤៥ឆ្នាំ មុខងារជាមន្ត្រីនគរបាលស្រុកទឹកឈូ មានទីលំនៅភូមិមាត់ពាមឃុំមាក់ប្រាងស្រុកទឹកឈូ ខេត្តកំពត ពីបទប៉ុនប៉ងមនុស្សឃាត និងប្រើប្រាស់អាវុធខុសច្បាប់ ដោយបទល្មើសនេះប្រព្រឹត្តឡើងកាលពីថ្ងៃទី៤ខែកុម្ភៈឆ្នាំ២០១៩ស្ថិតនៅភូមិមាត់ពាមឃុំមាក់ប្រាងស្រុកទឹកឈូ ខេត្តកំពត។តាមប្រភពក្រៅផ្លូវការបានរៀបរាប់ថាកាលពីថ្ងៃទី៤ ខែកុម្ភៈ ឆ្នាំ២០១៩ ជនត្រូវចោទដែលជាមន្ត្រីនគរបាលស្រុកទឹកឈូរូបនោះបានបាញ់បណ្តាលឱ្យស្ត្រីម្នាក់រងរបួសកំភួនជើងផ្នែកខាងស្តាំ។ ប្រភពដដែលបានសម្តែងក្តីសង្ស័យថា៖ ករណី នេះអាចជនត្រូវចោទមានបំណងបាញ់សម្លាប់ប្តីរបស់ស្ត្រីរងគ្រោះក្នុងករណីផ្សេង តែចៃដន្យគ្រាប់កាំភ្លើងហើរខុសគន្លងគោលដៅ ទើបត្រូវកំភួនជើងស្ត្រីជាប្រពន្ធឱ្យរងរបួសតែម្តង៕ ដោយៈ សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
ពិធីសំណេះសំណាលជាមួយមន្ត្រីនគរបាលជាតិ ប្រចាំប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត.!!! (ប៉ោយប៉ែតប៉ុស្តិ៍)
លោកឧត្តមសេនីយ៍ទោ សិទ្ធិ ឡោះអញ្ជើញចូលរួមកិច្ចប្រជុំការងារការពារសន្តិសុខ សណ្តាប់ធ្នាប់ ព្រះរាជពិធីបួងសួងសុំសេចក្តីសុខ ជូនដល់ព្រះរាជាណាចក្រកម្ពុជា នៅ ខេត្តសៀមរាប (ប៉ោយប៉ែតប៉ុស្តិ៍)
លោកវរសេនីយ៍ទោ ព្រហ្ម ពិសិដ្ឋ អធិការនៃអធិការដ្ឋាននគរបាលក្រុងប៉ោយប៉ែត បានដឹកនាំកម្លាំងនៃអធិការដ្ឋាននគរបាលក្រុង ប្រជុំដាក់ផែនការ ការពាររក្សា សន្តិសុខ សុវត្ថិភាព ជូនថ្នាក់ដឹកនាំ និងដាក់ទិសដៅបន្តរក្សាសន្តិសុខសណ្ដាប់ធ្នាប់ ជូនបងប្អូន ដែររស់នៅក្នុងក្រុងប៉ោយប៉ែត នាឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខនេះ.. (ប៉ោយប៉ែតប៉ុស្តិ៍)
ការរៀបចំសំណង់ និងការតុបតែងផ្សេងៗនៃព្រឹត្តិការណ៍អង្គរសង្ក្រាន្ត នៅបរិវេណមុខប្រាសាទអង្គរវត្តបានចាប់ផ្តើមបង្ហាញសម្រស់ហើយ (ប៉ោយប៉ែតប៉ុស្តិ៍)
លោកឪពុកអ្នកម្តាយ លោក សុខ វុទ្ធី និងភរិយា គឺ អ្នកស្រី តាំង សុខមុំ ព្រមទាំងក្រុមការងារបានបន្តនាំយក សម្ភារៈសិក្សា និងថវិកា ចែកជូនដល់សិស្សានុសិស្ស ៤៥៨ នាក់ (ប៉ោយប៉ែតប៉ុស្តិ៍)
វីដែអូ
ចំនួនអ្នកទស្សនា