ខេត្តសៀមរាប៖ ជនជាតិជប៉ុន០២នាក់ បានចេញពីប្រទេសថៃ ចូលមកប្រទេសកម្ពុជា តាមច្រកអន្តរជាតិប៉ោយប៉ែត នៅថ្ងៃទី១៦ ខែមីនា ឆ្នាំ២០១៩ បានជិះតាក់ស៊ី មកដេក សម្រាកនៅខេត្តសៀមរាប ចំនួន ០១ យប់ ហើយក៏បានជួលរថយន្តត្រឡប់ទៅស្វាយស៊ីសុផុន វិញ លុះដល់ស្វាយស៊ីសុផុន ក៏ត្រឡប់បកទៅខេត្តសៀមរាប វិញ លុះមកដល់ពាក់កណ្ដាលផ្លូវ ជនជាតិជប៉ុន០២នាក់នោះបានគំរាម អ្នករត់តាក់ស៊ីឈ្មោះ ហ៊ឹម ចាន់ ភេទប្រុស អាយុ៤០ឆ្នាំ អោយប្រគល់រថយន្តអោយទៅពួកគេ តែអ្នករត់តាក់ស៊ី នោះមិន ព្រមប្រគល់អោយនោះទេ ។   បន្ទាប់មកជនជាតិជប៉ុន០២នាក់ ក៏បានចាប់អាករ តៃកុងតាក់ស៊ី ស្លាប់ទៅ ពេលស្លាប់ហើយ ជនជាតិជប៉ុនទាំង០២ នាក់ នោះ បានដឹកសាកសព មកទម្លាក់ចោលនៅចំណុច ជញ្ជីងថ្លឹងរថយន្ត ស្ថិតក្នុងភូមិគោកដូង ឃុំពួក ស្រុកពួក ខេត្តសៀមរាប លើកំណាត់ផ្លូវជាតិលេខ៦A បន្ទាប់មកបានបើករថយន្តទៅមុខបានចម្ងាយប្រហែល ៣/៤ រយម៉ែត្រ ក៏បានបុកជាមួយនិងគោយន្តកន្ត្រៃ ទើបធ្វើអោយរថយន្តបើកទៅមុខមិនរួច ក៏ស្ទុះបើកទ្វាររត់គេចខ្លួន ក៏ប៉ុន្តែ មិនអាចគេចខ្លួនរួចនោះទេ។ ខណៈពេលនោះដែល កំលាំហសមត្ថកិច្ចនៃអធិការដ្ឋាននគរបាលស្រុកពួក ក្រោមការដឹកនាំរបស់លោក វរសេនីយ៍ឯក ទេពពុំសែន បានដេញតាមចាប់បាន ជនសង្ស័យ ទាំង០២នាក់ ខាងលើ មកសួរនាំនៅអធិការដ្ឋាននគរបលស្រុកពួក បើយោងតាមការបកស្រាយពីលោកវរសេនីយ៍ឯក ទេព ពុំសែន អធិការដ្ឋានស្រុកពួក បានប្រាប់សារព័ត៌មាន គេហទំព័រ ប៉ោយប៉ែតប៉ុស្តិ៍ នៅរសៀលថ្ងៃនះថា៖ ជនជាតិប៉ុន ០២ នាក់ ដែលជាជនសង្ស័យ រួមនិងជនរងគ្រោះមានឈ្មោះដូចខាងក្រោមៈ ទី១-ឈ្មោះ ISHIDA REIMON ភេទប្រុស អាយុ២៤ឆ្នាំ ជាជនសង្ស័យ។ ទី២-ឈ្មោះ NAKA KUKI RYUJI ភេទប្រុស អាយុ២៤ឆ្នាំ ជាជនសង្ស័យ។ ចំណែកជនរងគ្រោះមានឈ្មោះ ហ៊ឹម ចាន់ ភេទប្រុស អាយុ៤០ឆ្នាំ មុខរបររត់តាក់ស៊ី។ ដែលមានប្រពន្ធឈ្មោះសុខ ចាន់ធឿន អាយុ៣៨ឆ្នាំ មានកូន៤នាក់ ប្រុស៣ ស្រី១ មានទីលំនៅភូមិជាន់ត្រាច ឃុំឈូកដាច់ ស្រុកបារាយណ៍ ខេត្តកំពង់ធំ បច្ចុប្បន្នស្នាក់នៅភូមិបឹងដូនប៉ា សង្កាត់ស្លរក្រាម ក្រុងសៀមរាប។ ចំណែករថយន្ដ០១គ្រឿងម៉ាក(ហាយឡែនឌឺ) ពណ៍ស្ករ ស្លាកលេខ ភ្នំពេញ ២AB 5218 និងសាកសព ជនរងគ្រោះ សមត្ថកិច្ច បានប្រគល់អោយទៅ ក្រុមគ្រួសារនៃសព យកទៅធ្វើបុណ្យតាមប្រពៃណី។ ក្នុងករណីឃាតកម្ម (អាករសម្លាប់)ខាងលើនេះ ជនសង្ស័យទាំង ០២នាក់សមត្ថកិច្ចជំនាញ អធិការដ្ឋននគរបាលស្រុក និងស្នងការខេត្ត កំពុងកសាងសុំនំរឿងដើម្បីចាត់កសរទៅតាមនីតិវិធី៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com