ក្រុងប៉ោយប៉ែត៖ បែកធាយរឿងមួយទៀតហើយ (មជ្ឈមណ្ឌលកំសាន្ត ឡាហ្វីរ៉ា) មានរឿងអាស្រូវ ពីករណី ត្រូវបានលោកឧត្តមសេនីយ៍ទោ អាត់ ខែម ស្នងការខេត្តបន្ទាយមានជ័យ ធ្វើការបង្ក្រាប និដោយមានការសម្របសម្រួល ពីព្រះរាជអាជ្ញាអមសាលាដំបូងខេត្ត ទើបឈានដល់់ធ្វើការបង្រ្កាបគ្រឿងញៀន រួចមកត្រូវបានបិទមួយរយ: ជិត៣ខែ ក្រោយមក (មជ្ឈមណ្ឌលកំសាន្ត ឡាហ្វីរ៉ា) បានបើកដំណើរការវិញដូចរឿងថ្លុកល្ខោនចឹង.!។ គួរបញ្ជាក់ផងដែលថា៖ (មជ្ឈមណ្ឌលកំសាន្ត ឡាហ្វីរ៉ា)ត្រូវបានព្រះរាជអាជ្ញាអមសាលាដំបូងខេត្តបន្ទាយមានជ័យ ចេញលិខិតអោយបិទ មិនអោយដំណើរអស់រយៈពេលជាង៣ខែ គឺដោយសារម្ចាស់ហាងនោះជាប់ពាក់ព័ន្ធ និងករណីផ្តលទីតាំង សេពគ្រឿងញៀន និងលក់ ចែកចាយគ្រឿងញៀន នៅក្នុងក្លិបខាងលើនេះ។ ក្រោយមក (មជ្ឈមណ្ឌលកំសាន្ត ឡាហ្វីរ៉ា) ត្រូវបានបើកដំណើរការវិញ បានមួយរយៈ ពេលដ៏ខ្លី ក៏មានរឿងអាស្រូវមួយករណីទៀត មានការផ្ទុះអាវុធ បណ្តាលអោយបុរសជនជាតិចិន រងរបួសបាក់ជើងម្នាក់ បង្កឡើងដោយមេការជនជាតិចិនដូចគ្នា ជាអ្នកបាញ់ បង្កការភ្ញាក់ផ្អើលទាំងយប់ នៅក្នុងក្លិបខាងលើនេះ នៅក្រុងប៉ោយប៉ែត។ ក្នុងរឿងករណីផ្ទុះអាវុធ ក្នុង(មជ្ឈមណ្ឌលកំសាន្ត ឡាហ្វីរ៉ា) កាលពីយប់ថ្ងៃទី១០ រំលងអធ្រាត្រ ឈានចូលថ្ងៃទី១១ ខែកុម្ភៈ ឆ្នាំ២០១៩ កន្លងទៅថ្មីៗនេះផងដែល គឺដោយសារតែភ្ញៀវ ចូលទៅផឹកស៊ី នៅក្នុងក្លិបនោះ ដល់ពេលគិតលុយ ក្នុងវិក័យប័ត្រ មានចំនួនទឹកលុយច្រើនពេក ក៏អោយគិតលុុយម្តងទៀត ទើបបានជាបង្កជំលោះ ដល់ដំណាក់កាលប្រើហឹង្សាផ្ទុះអាវុធ បង្កអោយរងរបួស និងបង្កការភ្ញាក់ផ្អើលទាំងយប់អធ្រាត្រនៅក្រុងប៉ោយប៉ែតតែម្តង។ លុះព្រឹកថ្ងៃទី១១ ខែកុម្ភៈ ឆ្នាំ២០១៩ ដោយមានការសម្របសម្រួលពីព្រះរាជអាជ្ញាអមសាលាដំបូងខេត្តបន្ទាយមានជ័យ ត្រូវបានលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត/ក្រុង សហការគ្នា ចុះប្រតិបត្តិការដល់កន្លែងកើតហេតុ និងឃាតខ្លួនជនជាតិចិន ដែលបង្កបាន ដែលគេចខ្លួនទៅដេកពួននៅក្នុងផ្ទះសំណាក់(សណ្ឋាគារ អូរមាស) ខាងលិច អេស៊ើលីដា ផ្លូវជាតិលេខ៥ ឃាតខ្លួនបានចំនួន ៣/៤ នាក់ រួចកំលាំងកងរាជអាវុធហត្ថខេត្តយកជនបង្ករួមនិងបក្សពួក កសាងសំុណុំរឿង បញ្ជូនជនសង្ស័យ ទៅតុលាការខេត្ត ចាត់ការទៅតាមនីតិវិធី។ លុះមកដល់ថ្ងៃទី១៨ ខែមីនា ឆ្នាំ២០១៩ ថ្មីៗនេះ បើយោងតាមប្រភព មហាជនរស់នៅក្រុងប៉ោយប៉ែត បានរិះគន់ ទៅលើព្រះរាជអាជ្ញាអមសាលាដំបូងខេត្តបន្ទាយមានជ័យ យ៉ាងចាស់ដៃថា៖ ប្រហែលជាលោកព្រះរាជអាជ្ញាខេត្ត បានសំណែន ពីម្ចាស់(មជ្ឈមណ្ឌលកំសាន្ត ឡាហ្វីរ៉ា) រឿងលុយលើតុកក្រោមតុក ហើយមើលទៅនោះ បានជា ម្ចាស់ (មជ្ឈមណ្ឌលកំសាន្ត ឡាហ្វីរ៉ា) ហ៊ានបើកដំណើរការឡើងវិញយ៉ាងរលឿន ដូច្នេះ.!។ សូមបញ្ចាក់ផងដែលថា៖ (មជ្ឈមណ្ឌលកំសាន្ត ឡាហ្វីរ៉ា) ស្ថិតក្នុងភូមិបាលិលេយ្យ១ សង្កាត់ និងក្រុងប៉ោយប៉ែត ខេត្តបន្ទាយមានជ័យ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com