ខេត្តឧត្ដរមានជ័យ៖ នៅថ្ងៃទី២៣ ខែមីនា ឆ្នាំ២០១៩ នេះ មានសេចក្ដីរាយការណ៍ពីសង្កាត់អូស្មាច់ ក្រុងសំរោង ខេត្តឧត្ដរមានជ័យមកថា៖ មេឈ្មូញឈើប្រណិត និងគៀរគរពលករឆ្លងដែន ផ្ដាច់មុខនៅតំបន់នគរបាលវរ:ការពារព្រំដែនគោកលេខ៧០២ ឈ្មោះឈឿង សក្ក័ នៅតែបន្តរធ្វើសកម្មភាពយ៉ាងអនាធិបតេយ្យ ធ្វើអោយពលរដ្ឋរងគ្រោះឥតល្ហែ។ គូសបញ្ជាក់ផងដែលថា៖ កាលពីខែកុម្ភ: កន្លងទៅថ្មីៗនេះ​ មានពលករប្រមាណជិត១០នាក់ ត្រូវបានសម្ត្ថកិច្ចថៃចាប់ឃាត់ខ្លួន យកទៅ​ផ្ដន្ទាទោស​តាមច្បាប់ប្រទេសថៃ។ ដែលពលករឆ្លងដែន ចូលទៅកាប់ឈើប្រណិតទាំងនោះ ត្រូវសមត្ថកិច្ចថៃ ចាប់ខ្លួនសុទ្ធសឹង តែជាប់ពាក់ពន្ធ័ និងសាធាតុញៀន ដែល បង្វក់ដោយមេឈ្មូញឈើទុច្ចរិតមួយចំនួន​ ដែលកំពុងតែរកស៊ី នៅតំបន់នគរបាលវរ:ការពារព្រំដែនគោក៧០២​ គ្រប់គ្រង​ដោយ​ លោក វរ:សេនីយ៍ឯក​ គង់​ សុខាន់។ ទោះជាមេឈ្មួញឈ្មោះ ឈឿង ស័ក្ក​ ជាដើមហេតុ និងជាមូលហេតុ នៃការចាប់ខ្លួនពលករឆ្លងដែន ពីសំណាក់អាជ្ញាធរថៃ យ៉ាងណាក៏ ដោយ ក៏កងកំលាំងនគរបាល វរ:ការពារព្រំដែនគោកលេខ៧០២​ លោកវរ​សេនីយ៍ឯកគង់ សុខាន់ នៅតែមិនអាចរារាំង ឫក៏បង្អាក់សកម្មភាពបទល្មើសឈើឆ្លងដែន ឈ្មោះឈឿង សក្ក័ មមិនបានដែល សង្ស័យត្រូវដងត្រូវផ្លែគ្នាហើយមើលទៅនោះ។ ដោយសារតែបទល្មើសកើតឡើងឥតឈប់ ឈរ និងពលរដ្ឋរងគ្រោះ ត្រូវបានយោធាថៃចាប់ខ្លួន និងទទួលរងគ្រោះដោយបង្វក់ប្រើប្រាស់គ្រឿងញៀនផងនោះ។ ពលរដ្ឋសូមអំពាវនាវ ទៅដល់ឧបនិយករដ្ឋមន្រ្ដី និងជារដ្ឋមន្រ្ដីក្រសួងមហាផ្ទៃសម្ដេចក្រឡាហោម​ សរខេង មេត្តាពិនិត្យមើល និងចាត់វិធានការផងបាទ? ព្រោះមន្រ្ដីថ្នាក់ក្រោមអសកម្មអស់ហើយ មិនបានការពារសន្តិសុខជូនប្រជាពលរដ្ឋទេ ការពារតែប្រយោជន៍ផ្ទាល់ខ្លួនតែប៉ុណ្ណោះ។ បើសម្ដេចមិនជួយលុបបំបាត់បទល្មើសព្រៃឈើ ឈ្មោះ ឈឿង សក្ក័ អោយបានទាន់ពេលវេលានោះទេ មិនដឹងថា និងមានពលរដ្ឋប៉ុន្មាននាក់ទៀត ដែលត្រូវរងគ្រោះនោះទេ បើពឹងផ្អែកលើមន្រ្ដីគ្រប់ល្ពៅស្ងោ ប្រជាពលរដ្ឋ និងទទួលរងគ្រោះជាបន្តរបន្ទាប់៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com