ខេត្តបន្ទាយមានជ័យ៖ ថ្ងៃទី ២៣ ខែមីនា ឆ្នាំ២០១៩ វេលាម៉ោង០៤និង១៥ នាទីរសៀលមានភ្លៀងធ្លាក់មួយមេយ៉ាងខ្លាំងលាយឡំទៅដោយខ្យល់កន្ត្រាក់យ៉ាងសាហាវ បណ្ដាលអោយប៉ះពាល់ផ្ទះប្រជាពលរដ្ឋ ២០ខ្នង រងនៅការខូចខាតយ៉ាងធ្ងន់ធ្ងរ នៅភូមិអូរអណ្តូងខាងកើត និងភូមិអូរអណ្ដូងកណ្ដាល ឃុំបន្ទាយនាង ស្រុកមង្គលបុរី ខេត្តបន្ទាយមាន ជ័យ។ លោក រ័ត្នដា សីុណង់ អភិបាលស្រុកមង្គលបូរី បានប្រាប់អ្នកយកព័ត៌មានយើងអោយដឹងថា៖ នៅយប់ថ្ងៃទី២៣ រសៀលម៉ោង០៤និង១៥ នាទីនោះ ស្រាប់តែមានភ្លៀងធ្លាក់មួយមេយ៉ាងខ្លាំងក្នុងភូមិ/ឃុំ កើតហេតុខាងលើ ដែលលាយឡំពោរពេញទៅដោយខ្យល់កន្ត្រាក់បានបោកបក់ប៉ះចំផ្ទះប្រជាពលរដ្ឋយ៉ាងច្រើន បង្កអោយផ្ទះ២០ខ្នងរងការខូចខាត ដោយខ្យល់កន្ត្រក់ មានផ្ទះខ្លះរលំរាបដល់ដី ផ្ទះខ្លះរបើកដំបូលស័ង្កសី មួយចំនួនផងដែល ។ ក្រោយពេលមេឃរាំងភ្លៀងឃើញថា៖ កម្លាំងអធិការដ្ឋាននគរបាលស្រុកមង្គលបូរី ដឹកនាំដោយលោក រ័ត្នដា សីុណង់ អភិបាលស្រុកក៏បានចុះទៅដល់កន្លែងកើតហេតុ ក្នុងនោះលោកឧត្តមសេនីយ៍ទោ អាត់ ខែម ស្នងការដ្ឋាននគរបាលខេត្ត បានអោយដឹងថា៖ ជាការឆ្លើយតប និងអន្តរាគមន៍ កម្លាំងនគរបាលខេត្ត និងកងរាជអាវុធហត្ថខេត្ត ស្រុក/ឃុំ រួមមន្ត្រីអាជ្ញាធរ យុវជន ពលរដ្ឋ បានចុះជួយរុះរើ រៀបចំ ជម្រកបណ្តោះអាសន្ន ជួយជួសជុល ផ្ទះទាំងនោះឡើងវិញជាបន្តបន្ទាប់។ គួរបញ្ជាក់ផងដែលថា៖ ក្នុងករណីគ្រោះថ្នាក់ធម្មជាតិនេះ មិនបណ្តាលអោយពលរដ្ឋណាម្នាក់ រងរបួសនោះទេ៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា