ខេត្តកំពត៖ នៅព្រឹកថ្ងៃទី០៤ ខែមីនា ឆ្នាំ២០១៩ នេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានចុះសាកសួរសុខទុក្ខកងទ័ព និងពិនិត្យការងារមួយចំនួនតាមបណ្តោយព្រំដែន នៃខេត្តកំពត។ ក្នុងដំណើរចុះសួរសុខទុក្ខកងទ័ពព្រឹកនេះ ក៏មានការអញ្ជើញចូលរួមអមដំណើរដោយ លោក ជាវ តាយ អភិបាលនៃគណៈអភិបាលខេត្តកំពត និងនាយទាហានជាន់ខ្ពស់ជាច្រើនរូប ព្រមទាំងថ្នាក់ដឹកនាំនៃជួរអង្គភាពកម្លាំងប្រដាប់អាវុធទាំងបីផងដែល។ ក្នុងឱកាសសាកសួរសុខទុក្ខនេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ក្រោយពីបានពិនិត្យបង្គោលព្រំដែនលេខ ៣០១ និងពិនិត្យមើលច្រកទ្វារទេ្វភាគីតន់ហន់ ស្តីពីការងារធ្វើផ្លូវរបស់កងវិស្វកម្ម តាមខ្សែក្រវាត់ព្រំដែននៃភូមិសាស្ត្រឃុំព្រែកក្រឹស រួចមក សម្តេចបានបន្តទៅពិនិត្យមើលភូមិសាស្ត្រច្រកទ្វារព្រំដែនអន្តរជាតិព្រែកចាក ត្រង់ចំណុចបង្គោល ៣១៤ ដែលជាបង្គោលព្រំដែនគោកជាមួយប្រទេសវៀតណាម ចុងក្រោយបង្អស់ និងជាចំណុចគោល នៃព្រំដែនសមុទ្រខ្សែប្រេវីយ៉េ និងខ្សែទឹកប្រវត្តិសាស្ត្រ ហើយបន្តជួបសំណេះសំណាលជាមួយយោធិន វរៈសេនាតូចលេខ០២ ខេត្តកំពត ចំនួន ៣៣៦នាក់ផងដែល៕ ដោយៈ សុខ បូរី និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
ពិធីសំណេះសំណាលជាមួយមន្ត្រីនគរបាលជាតិ ប្រចាំប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត.!!! (ប៉ោយប៉ែតប៉ុស្តិ៍)
លោកឧត្តមសេនីយ៍ទោ សិទ្ធិ ឡោះអញ្ជើញចូលរួមកិច្ចប្រជុំការងារការពារសន្តិសុខ សណ្តាប់ធ្នាប់ ព្រះរាជពិធីបួងសួងសុំសេចក្តីសុខ ជូនដល់ព្រះរាជាណាចក្រកម្ពុជា នៅ ខេត្តសៀមរាប (ប៉ោយប៉ែតប៉ុស្តិ៍)
លោកវរសេនីយ៍ទោ ព្រហ្ម ពិសិដ្ឋ អធិការនៃអធិការដ្ឋាននគរបាលក្រុងប៉ោយប៉ែត បានដឹកនាំកម្លាំងនៃអធិការដ្ឋាននគរបាលក្រុង ប្រជុំដាក់ផែនការ ការពាររក្សា សន្តិសុខ សុវត្ថិភាព ជូនថ្នាក់ដឹកនាំ និងដាក់ទិសដៅបន្តរក្សាសន្តិសុខសណ្ដាប់ធ្នាប់ ជូនបងប្អូន ដែររស់នៅក្នុងក្រុងប៉ោយប៉ែត នាឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខនេះ.. (ប៉ោយប៉ែតប៉ុស្តិ៍)
ការរៀបចំសំណង់ និងការតុបតែងផ្សេងៗនៃព្រឹត្តិការណ៍អង្គរសង្ក្រាន្ត នៅបរិវេណមុខប្រាសាទអង្គរវត្តបានចាប់ផ្តើមបង្ហាញសម្រស់ហើយ (ប៉ោយប៉ែតប៉ុស្តិ៍)
លោកឪពុកអ្នកម្តាយ លោក សុខ វុទ្ធី និងភរិយា គឺ អ្នកស្រី តាំង សុខមុំ ព្រមទាំងក្រុមការងារបានបន្តនាំយក សម្ភារៈសិក្សា និងថវិកា ចែកជូនដល់សិស្សានុសិស្ស ៤៥៨ នាក់ (ប៉ោយប៉ែតប៉ុស្តិ៍)
វីដែអូ
ចំនួនអ្នកទស្សនា