ក្រុងប៉ោយប៉ែត៖ ថ្ងៃអាទិត្យ ១១កើត ខែចែត្រ ឆ្នាំកុរ សំរិទ្ធិស័ក ពស២៥៦២ ត្រូវនិងថ្ងៃទី១៥ ខែ មេសា ឆ្នាំ២០១៩ វេលាម៉ោង០៩និង ៣០នាទី ក្រោយពីកំលាំងអធិការដ្ឋាននគរបាលក្រុងប៉ោយប៉ែត បានទទួលព័ត៌មានពីប្រជាពលថា៖ មានជនសង្ស័យម្នាក់ភេទ ប្រុស អាយុប្រហែលម្ភៃឆ្នាំជាង បានបណ្តើរម៉ូតូម៉ាកស៊ូម័រអិចពណ៌ ក្រហមខ្មៅ ហើយឃើញមានកូនសោ០២ តែកូនសោ០២ នោះចាក់មិនត្រូវទេ ហើយក៏រាយការណ៍ជូនសមត្ថកិច្ចក្រុង ភ្លាមៗនោះ ខាងកំលាំងអធិការដ្ឋាននគរបាលក្រុុងប៉ោយប៉ែត ចុះប្រតិបត្តិការភ្លាម ទើបឃាត់ខ្លួនមកធ្វើការសាកសួរ ហើយឃើញថា៖ ម៉ូតូនោះមិនមែនជារបស់ខ្លួន ទើបឃាត់ជនសង្ស័យយកមកអធិការក្រុងសួរចម្លើយ។ នៅម៉ោង៨និង៤០នាទីឈ្មោះ លីម តេកអ៊ុយ ភេទប្រុស អាយុ២២ឆ្នាំ ជនជាតិខ្មែរ មុខរបរបុគ្គលិកកាសុីណូឡាក់គី មានទីលំនៅភូមិបាលិលេយ្យ១ សង្កាត ក្រុងប៉ោយប៉ែត ។បានមកដាក់បណ្តឹងថា៖ ខ្លួន បាត់ម៉ូតី០១គ្រឿង ម៉ាកដូចខាងលើ ហើយក៏មកមើលម៉ូតូដែលសមត្ថកិច្ចឃាត់ទុក០១គ្រឿងនោះ រួចឃើញថា៖ ជា ម៉ូតូ របស់ខ្លួនពិតប្រាកដមែន ហើយក៏បានស្នើរសុំម៉ូតូខ្លួន យកមកប្រើប្រាស់វិញ។ រីឯជនសង្ស័យមានឈ្មោះ អ៊ួន វៀន ភេទប្រុស អាយុ២២ ឆ្នាំមុខរបរកម្មករ មានទីលំនៅភូមិគីឡូលេខ៤ សង្កាត់ និងក្រុងប៉ោយប៉ែត ។ ក្រោយពីបានសាកសួរជនសង្ស័យឆ្លើយថា៖ ខ្លួនឃើញម៉ូតូនៅមុខសណ្ឋាគារនាគមាសហើយទៅរកជងធ្វើសោរ ពេលនោះ ជាងបានលក់កូនសោរអោយពីរក្នុងតំលៃ១០០០០រៀល ពេលយកទៅចាក់តែមិនត្រូវ រួចក៏បណ្តើរឆ្ពោះទៅផ្ទះឈ្មោះ ល័ក្ខ ពេលបណ្តើរដល់សណ្ឋាគារលីហេងឆាយ ក៏ត្រូវខាងកំលាំងសមត្ថកិច្ចក្រុងប៉ោយប៉ែតឃាត់ខ្លួនបានតែម្តង ។ បច្ចុប្បន្នៈ ជនសង្ស័យខាងលើ សមត្ថកិច្ចកំពង់កសាងសំណុំរឿងបញ្ជូនតាមនីតិវិធី៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com