ក្រុងប៉ោយប៉ែត៖ ករណីឃាតកម្មសម្លាប់យកសាកសព មកកប់ផ្លុងចោលទៀតហើយ ក្នុងបរិវេណដី ស្រះទឹក កាសុីណូ រីសត ក្នុងភូមិអូរជ្រៅ ដែលហេតុការណ៍នេះ ធ្វើអោយមានការភ្ញាក់ផ្អើល ពីសំណាក បងប្អូនប្រជាពលរដ្ឋ រស់នៅក្នុងភូមិអូរជ្រៅ សង្កាត់និងក្រុងប៉ោយប៉ែត ខេត្តបន្ទាយមានជ័យ នៅវេលាម៉ោង ០៩ និង ៣០ នាទីព្រឹក ថ្ងៃទី១៤ ខែមេសា ឆ្នាំ២០១៩។ លោក វ៉ាត ចេង អនុភូមិអូរជ្រៅ បានឲ្យដឹងថា៖ ដោយមានសេចក្តីរាយការណ៍ ពីប៉ូលីស ការពារព្រំដែន វរ៨៩១ ទើបលោករាយការណ៍បន្តទៅកងរាជអាវុធហត្ថក្រុងប៉ោយប៉ែត ។ លោកបន្តអោយដឹងទៀតថា៖ ក្នុងករណីសម្លាប់រួច យកសាកសពមកកប់ចោល នៅក្នុងបរិវេណខាងលើនេះ លោកនៅមិនទាន់បានដឹងថា៖ ជាបុរស ឬ ស្ត្រី នៅឡើយទេ គឺដោយសាកសពមានសភាព ដេកផ្កាប់មុខ ទើបលោក ទុកតួនាទីនេះអោយសមត្ថកិច្ចធ្វើកោសល្យវិច្ច័យ ។ ពាក់ព័ន្ធទៅនិងរឿងករណីឃាតកម្ម សម្លាប់យកសាកសពមកកប់ផ្លុងចោលខាងលើនេះ ខាងសមត្ថកិច្ច ក៏ដូចជា ខាងកងរាជអាវុធហត្ថមូលដ្ឋាន ក្រុងប៉ោយប៉ែត បានអោយសារព័ត៌មានយើងខ្ញុំដឹងថា៖ លោកកំពុងរង់ចាំ គណកម្មការជំនាញខេត្ត មកធ្វើកោសល្យវិច្ច័យសិន ទើបដឹងថា៖ ជាបុរស ឬ ស្រ្តី ហើយក្នុងរឿងឃាតកម្មនេះ លោកកំពុង រកតម្រុយ និង អាចឈានដល់ការ វេកមុខសញ្ញាជនបង្ក យកមកទទួលខុសត្រូវ ចំពោះមុខច្បាប់៕ ព័ត៌មានបឋម និង លម្អិតនៅពេលក្រោយ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា