ភូមិសាលាខ្មែរ៖ មានករណីក្មេងស្ទាវមួយក្រុម បានជិះម៉ូតូ ដេញកាប់យុវជនជាច្រើននាក់ដោយពុំដឹងមូលហេតុ ដែលហេតុការណ៍នេះកើតឡើងកាលពីថ្ងៃ សុក្រ ទី២៦ ខែមេសា ឆ្នាំ២០១៩ វេលាម៉ោង០១និង៣០ នាទី រសៀល បានបង្កឲ្យយុវជនម្នាក់ឈ្មោះ ណា បូរ៉ា របួសធ្ងន់ ចំក្បាល ដេរ៨ថ្នេរ និងរបួសដៃឆ្វេង ២ថ្នេរ ផងដែរ រួមនិងម៉ូតូ MSX ១គ្រឿង ត្រូវបានរងការខូចខាតយ៉ាងដំណំ។ ចំណែកជនបង្កបានធ្វើសកម្មភាពរួច ព្រមទាំងបក្ខពួកបាននាំគ្នា បិតសាប៊ូយ៉ុង ចោលម៉ូតូ ១គ្រឿង ម៉ាក ស៊ូមមើ ពណ៌ក្រហមស គ្មានស្លាកលេខ។ ក្នុងហេតុការណ៍នេះដែរសមត្ថកិច្ចក៏បានចុះជួយធ្វើអន្តរាគមន៍ទាន់ពេលវេលា និងបាននាំជនរងគ្រោះទៅសង្គ្រោះនៅមន្ទីរពេទ្យបង្អែក នៅភូមិសាលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ ជនរងគ្រោះឈ្មោះ ណា បូរ៉ា ភេទប្រុសយុ២៣ បច្ចុប្បន្ន រស់នៅភូមិបាលិលេយ្យ២ សង្កាត់និងក្រុងប៉ោយប៉ែត ខេត្តបន្ទាយមានជ័យ មានស្រុកកំណើត ភូមិតាម៉ឺន ស្រុកថ្មគោល ខេត្តបាត់ដំបង។ ចំណែកម៉ូតូ ស៊ូមមើ ១គ្រឿងរបស់ជនបង្ក រួមនឹងវត្ថុតាងកាំបិតសាំម៉ូរ៉ៃ ១ដើម កាំបិតប៉័ងតោ១ដើម ត្រូវបានសមត្ថ កិច្ចប៉ុស្តិ៍អូរបីជាន់ យកទៅរក្សាទុក ដើម្បីស្រាវជ្រាវវែកមុខជនបង្ក និងបក្ខពួកជាច្រើនទៀត យកមកផ្ដន្ទាទោសតាមផ្លូវច្បាប់។ គួររំលឹកផងដែរថា៖ កាលពីសប្តាហ៍មុនក្រុមយុវជនក្មេងស្ទាវ បានជិះម៉ូតូដិញកាប់គ្នាថ្មីៗត្រង់ចំណុចភូមិសាលាខ្មែរ ដ៏ដែល ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ បង្កឲ្យសិស្សសាលាអង្គការម្នាក់ រងរបួសធ្ងន់ ទៅសម្រាកព្យាបាលនៅមន្ទីរពេទ្យបង្អែក សាសាខ្មែរ ផងដែរ។ រំលងមិនបាន១សប្តាហ៍ផង ថ្ងៃស្រុក ទី២៦ ខែមេសា ឆ្នាុះ២០១៩ ក្រុមក្មេងស្ទាវមួយក្រុមទៀត ជិះម៉ូតូដេញកាប់ក្រុមយុវជនជាច្រើននាក់ ដែលចេញមកពីដើរលេង (ផ្សារណាត់ ថៃ) ហើយនាំគ្នាជិះម៉ូតូចេញតាមច្រកអូរបីជាន់ បំណងវិល ត្រឡប់មកផ្ទះនៅឯប៉ោយប៉ែតវិញ លុះមកដល់ចំណុច (ត្រនប់ដាច់) ភូមិសាលាខ្មែរ ក៏ត្រូវក្រុមក្មេងស្ទាវទាំងនោះកាក់ឲ្យឈប់ រួចហើយក៏ព្រួតគ្នាកាប់ទៅលើជនរងគ្រោះ ចំណែកជនរងគ្រោះ រត់ចោលម៉ូតូ គេចខ្លួនចូលវាលស្រែ ក៏ត្រូវក្រុមជនបង្កកាប់ ម៉ូតូ MSX ០១៦ មួយគ្រឿង ខ្ទិចតែម្តង។ ក្នុងហេតុការណ៍នេះដែល បើកតាមការបក ស្រាយពីប្អូនប្រុសឈ្មោះ ណា បូរ៉ា ដែលជាជនរងគ្រោះ របួសធ្ងន់នោះ បានប្រាប់សារព័ត៌មាន គេហទំព័រ ប៉ោយប៉ែតប៉ុស្តិ៍ យើងខ្ញុំឲ្យដឹងថា៖ មិនដែលមានទំនាស់ពាក្យសំដី ឫស្គាល់ក្រុមក្មេងស្ទាវទាំងនោះទេ។ ហើយបើយោងតាមប្រភពពីអ្នកភូមិសាលាខ្មែរ បានឲ្យដឹងថា៖ ក្រុមក្មេងស្ទាវដែលតែងតែដេញកាប់គ្នានោះ ត្រូវបានគេស្គាល់ថា៖ រស់នៅក្នុងភូមិ/ឃុំអូរបីជាន់ តែម្តង ប្រភពបានបន្តអោយដឹងទៀតថា៖ រឿងក្មេងស្ទាវដេញកាប់គ្នាបង្ករងរបួសស្នាមផ្ទួនៗជាច្រើនលើក ប៉ុន្តែ សមត្ថកិច្ចនគរបាលប៉ុស្តិ៍ អូរបីជាន់ មិនអាចបង្ក្រាប ឬចាប់ក្រុមជនបង្ក អសន្តិសុខក្នុងសង្គមបានមួយនាក់សោះ ទាំងនេះហើយ ដែលធ្វើអោយពលរដ្ឋរស់នៅភូមិខាងលើមានការភ័យខ្លាច៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www poipetpostnews.com