សត្វព្រៃជាច្រើនប្រភេទ កំពុងពេញនិយមលក់នៅផ្សារ កូនដំរី និង ផ្សារត្រី ប៉ោយប៉ែត ដោយមិនរំខានដល់មេអភិរក្សសត្វព្រៃ បន្តិចសោះចឹង...!!!
ក្រុងប៉ោយប៉ែត៖ ជារៀងរាល់ថ្ងៃ នៅចំណុចផ្សារកូនដំរី គេសង្កេតឃើញថា៖ មានលក់សត្វព្រៃ ជាច្រើនប្រភេទ តែអ្នកលក់សត្វព្រៃដូចមិនខ្លាចញញើត និងសមត្ថកិច្ចបន្តិច សោះ.! លក់បានដោយរលូន មជ្ឈដ្ឋានទូទៅ ក៏ដូចជា ប្រជាពលរដ្ឋបានរិះគន់លើកឡើងថា៖ ប្រហែលជាត្រូវដងត្រូវផ្លែ ជាមួយអស់ លោកមេព្រៃអភិរក្សហើយមើលទៅនោះ ដែលមហាជនទូទៅក្នុងស្រុកអូរជ្រៅក្រុងប៉ោយប៉ែតស្គាល់មេព្រៃអភិរក្សសត្វព្រៃនោះហៅឈ្មោះថា (លោក និល)។
សព្វថ្ងៃនេះប្រជាពលរដ្ឋសង្កេតឃើញថា៖នៅក្នុងទីផ្សារជាច្រើនកន្លែង មានដូចជាផ្សារកូនដំរី ផ្សារត្រីប៉ោយប៉ែត ផ្សារកណ្តាល ផ្សារសមាគម៏ដីថ្មី គឺពេញនិយមលក់សត្វព្រៃ សត្វបក្សីស្លាបឈ្មោះថា ក្រៀលខ្យង អណ្តើក កន្ធាយ សត្វពស់ និងសត្វបក្សីជាច្រើនទៀត។ប្រជាពលរដ្ឋជាច្រើនបានរិះគន់ ថា៖ បើគ្មានការបង្ការ ទប់ស្កាត់ បង្ក្រាប ពីមន្ត្រីអភិរក្សសត្វព្រៃ នោះទេ នៅតែបើកដៃអោយអ្នកលក់សត្វព្រៃគ្រប់ប្រភេទនៅលើទីផ្សារជាច្រើនកន្លែងនៅក្រុងប៉ោយប៉ែត នេះទៀតនោះ ច្បាស់ជាសត្វព្រៃជាច្រើនប្រភេទនេះ រលាយរលត់ហិនហោច ដាច់ពូជអស់ហើយ។
ប្រជាពលរដ្ឋបានបន្តអោយដឹងទៀតថា៖ ឃើញមានលក់ជារៀងរាល់ថ្ងៃ សត្វព្រៃ ជាពិសេស សត្វបក្សី សត្វក្រៀលខ្យង មួយក្បាលលក់តម្លៃ ១៥០០០ ម៉ឺនរៀល សត្វអណ្ដើកលក់ក្នុងមួយគីឡូ ៦០០០០ ម៉ឺនរៀល សត្វពស់សាំងសឿ ១គីឡូ ៦០០០០ ម៉ឺនរៀល ហើយក្នុងមួយថ្ងៃមួយថ្ងៃ មានលក់ច្រើនក្បាលណាស់ ប្រជាពលរដ្ឋបាននិយាយតៗគ្នាថា៖ អ្នកលក់សត្វព្រៃ បានអីនិងខ្លាចមេព្រៃចាប់ បើបានយកលុយឲ្យទៅស្ថាប័នមេព្រៃអស់ហើយហ្នឹង គេអ្នកលក់មិនខ្លាចនោះទេ?៕ (នៅមានវគ្គបន្តទៀត)
ពីខ្ញុំ ជួង វណ្ណអាង ចាងហ្វាងការផ្សាយ
គេហទំព័រ ប៉ោយប៉ែតប៉ុស្តិ៍
www.poipetpostnews.com
