ខេត្តតាកែវ៖ ដោយយោងតាមបណ្តាញសារព័ត៌មានក្នុងស្រុកចុះផ្សាយថ្មីៗនេះ ធ្វើអោយប្រិយមិត្តអ្នកលេង Facebook មានការចាប់អារម្មណ៍ រឿងករណីរថយន្តយីឌុប ដឹកក្របី របស់លោកសក្តិ៥ ឈ្មោះ ឃុន ណាន មានងារជាមន្ត្រីកងរាជអាវុធហត្ថ តែមិនដែលចូលបម្រើការងារក្នុងអង្គភាពមន្ត្រីកងរាជអាវុធហត្ថនោះទេ បានបើកបរកៀរថយន្តលុចសុីស RX៣០០ បណ្តាលរងការខូចខាតធ្ងន់ នៅចំនុចផ្លូវ១៣២ ខេត្តតាកែវ ។ ដែលហេតុ ការណ៍នេះបានកើតឡើងកាលពីវេលាម៉ោង ០៩និង១៥នាទី ក្នុងថ្ងៃទី ០២ ខែមេសា ឆ្នាំ២០១៩ ស្ថិតក្នុងភូមិស្ទឹង ឃុំអូរសារ៉ាយ ស្រុកត្រាំកក់ ខេត្តតាកែវ។ បើតាមប្រជាពលរដ្ឋបានឃើញក្នុងហេតុ ការណ៍នេះ បានឱ្យដឹងថា៖ រថយន្តលុចសុីស RX៣០០ ពណ៌ស ដែលមានស្លាកលេខ 2AH.6550 បើកបរពីកើតទៅលិច ត្រូវបានរថយន្តយីឌុបដឹកក្របីកៀរ ដោយសារតែចាប់ហ្វាំងមិនជាប់ ទើបបណ្តាលឱ្យរថយន្តលុចសុីស រងការខូចខាត យ៉ាងធ្ងន់ធ្ងរ។ ពលរដ្ឋដ៏ដែលបានបន្តទៀតថា៖ មិនត្រឹមតែ ប៉ះកៀរ គេនោះទេ ថែមទាំងរករឿង និងប្រមាថចង់វាយទៅលើម្ចាស់រថយន្តលុចសុីស ថែមទៀតផង មើលទៅដូចជាអាងអំណាច យសក្តិ បានជាលោកធ្វើបំពានទាំងកម្រោលបែបនេះនោះ។ ក្រោយពេលកើតហេតុ រថយន្តទាំងពីរគ្រឿងខាងលើ ត្រូវបានសមត្ថកិច្ច ស្រុកត្រាំកក់ យកមករក្សាទុក នៅអធិការដ្ឋាននគរបាលស្រុកត្រាំកក់ រង់ចាំការដោះស្រាយគ្នា នៅពេលក្រោយ។ ប្រជាពលរដ្ឋរង់ចាំមើលនូវចំណាត់ ការ របស់លោកអធិការ និង សមត្ថកិច្ចជំនាញផ្នែកចរាចរណ៍ ស្រុកត្រាំកក់ មានចំណាត់ការ ទៅលើរថយន្តបង្កបានដែរឬយ៉ាងណា.? ដែលពលរដ្ឋស្គាល់ លោកថៅកែ ក្របី សក្តិ៥ ឈ្មោះ ឃុន ណាន ដែលមានងារជាមន្ត្រីកងរាជអាវុធហត្ថ តែមិនដែលចូលបម្រើការងារនៅអង្គភាពនោះទេ.!៕ ដោយៈ សុខ បូរី និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com