ខេត្តឧត្ដរមានជ័យ៖ នៅព្រឹកថ្ងៃទី០២ ខែឧសភា ឆ្នាំ២០១៩ នេះ លោកអនុសេនីយ៍ឯក ជ័យ វាស្នា មេប៉ុស្ដិ៍នគរបាលរដ្ឋបាលអូរស្មាច់ បានបកស្រាយតាមទូរសព្ទ័ប្រាប់សារព័ត៌មាន(គេហទំព័រ បោយប៉ែតប៉ុស្តិ៍) អោយដឹងថា៖ មិនមានការធ្វើទារុណកម្មទៅលើលោកតា ព្រុំ រស់ ដូចការចោទប្រកាន់នោះទេ ខាងកំលាំងសមត្ថកិច្ចរបស់លោក គឺបានចាប់លោកតា ព្រុំ រស់ អាយុ៦១ឆ្នាំ ពិតប្រាកដមេន ដោយយោងតាមទទួលពាក្យបណ្តឹង ពីពលរដ្ឋនៅភូមិខាងលើ។ តែដោយ ឡែក លោកតា ព្រុំ រស់ មិនព្រមប្រគល់ខ្លួនឲ្យសមត្ថកិច្ច និងយកព្រួញ និងចំពាម តដៃសមត្ថកិច្ច ទើបមានការផ្ទុះអាវធ ចំនួន២គ្រប់ បែបនេះមេន។ លោកអនុសេនីយ៍ឯក ជ័យ វាស្នា បានបន្តអោយដឹងថែម ទៀយថា៖ ដោយបានឃើញនិងបានចូលទស្សនាក្នុង (វេបសាយ) និងក្នុងបណ្តាញអ្នកលេងសង្គម Facebook មួយចំនួនបានបង្ហោះ និងចុះផ្សាយថា៖ ខាងសមត្ថកិច្ចនគរបាលប៉ុស្តិ៍អូរស្មាច់ បានធ្វើទារុណកម្ម វាយដំតាមតែអំពើចិត្ត ទៅលើលោកតា ព្រុំ រស់ និងបានបាញ់គំរាម២គ្រាប់ កាលពីវេលាម៉ោង០៣ រសៀលថ្ងៃទី២៧ ខែមេសា ឆ្នាំ២០១៩​ កន្លងទៅថ្មីៗនេះ ស្ថិត នៅភូមិ អភិវឌ្ឍន៍ សង្កាត់អូស្មាច់ ក្រុងសំរោង ខេត្តឧត្ដរមានជ័យ។ លោក ជ័យ វាស្នា លោកបានបញ្ជាក់ និងសំណូមពរដល់បងប្អូន សូមមើលរូប(វីឌីអូ) ខាងក្រោម ហើយវិភាគថា៖ តាមសម្តីនិងកាយវិការតា និងប៉ូលីសជាអ្នកថត ហើយប្រសិនបើបងប្អូនជាប៉ូលីស ក្នុងការចុះប្រតិបត្តិការនេះវិញ បងប្អូនត្រូវធ្វើយ៉ាងណា.? តាមវិភាគ បើបងប្អូនជាប៉ូលីស ហើយចាប់តាញៀនម៉ានេះ មិនបានទេ បងប្អូននឹងត្រូវអ្នកភូមិជេរ ថា៖ សមត្ថកិច្ច អសមត្ថភាព ឬបក្សពួកជាមិនខាននោះទេ..!។ លោកបានបន្តងថា៖ ខ្ញុំចង់ស្នើសុំអោយបងប្អូន សាកសួរ និងតាមដានពត៌មានមុនផ្សាយ និងសំុមេត្តាកុំទម្លាក់ទោសអោយអ្នកត្រូវអី ហើយនេះជាតួនាទីរបស់សមត្ថកិច្ច។ លោក ជ័យ វាស្នា បានបញ្ជាក់បន្ថែមថា៖ លោកមិនបានប្រើហឹង្សាដូចការចោទប្រកាន់ទេ ពេលដេញចាប់គាត់ គឺគាត់រត់កាត់ព្រៃដំឡូង ទើបវាកូតដាច់សាច់ដូចតែគ្នាហ្នឹង៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com