ក្រុងប៉ោយប៉ែត៖ នៅថ្ងៃច័ន្ទ ១០កើត ខែចេត្រ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី១៣ ខែឧសភា ឆ្នាំ២០១៩ វេលាម៉ោង១៥និង០០ នាទី មានសេចក្តីរាយការណ៍ពីប្រជាពលរដ្ឋ រស់ភូមិផ្សារកណ្តាលមកថា៖ មានករណីជួញដូរគ្រឿងញៀន នៅចំណុចភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ ក្រោយពីទទួលបានព័ត៌មាននេះ លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត បានចាតតាំងកំលាំងប៉ុស្តិ៍រដ្ឋបាលផ្សារកណ្តាល ចុះទៅកន្លែងកើតហេតុ បានជួបជនសង្ស័យ០២នាក់ ក៏ធ្វើការត្រួតពិនិត្យ បានរកឃើញ ថ្នាំក្រាម ពណ៍ស ថ្លា ចំនួន០២ថង់តូច រួមនិងដែកកេះ០២ ប្រដាប់ចូកថ្នាំ០១ ថង់សម្រាប់ច្រក០១ កែវជក់ថ្នាំ០១ នៅក្នុងកាបូបស្ពាយ ជនសង្ស័យទាំង០២នាក់មានឈ្មោះដូចខាងក្រោមៈ ទី១-ឈ្មោះ គ្រឿង សុជា ភេទប្រុស អាយុ២៣ឆ្នាំ រស់នៅភូមិផ្សារកណ្តាល សង្កាត់ផ្សារកណ្តាល។ ទី២-ឈ្មោះ ជី សីហា ភេទប្រុស អាយុ២៥ឆ្នាំ រស់នៅភូមិផ្សារកណ្តាល សង្កាត់ផ្សារកណ្តាល។ យោងតាមព័ត៌មានរបស់ប្រជាពលរដ្ឋក្នុងភូមិបានអោយដឹងថា៖ ក្រុមទាំងអស់នេះជាមុខសញ្ញាប្រើប្រាស់ និង ជួញដូរ ថែមតាំលួចយ៉ាងសកម្មនៅក្នុងភូមិខាងលើ ធ្វើអោយពលរដ្ឋរស់នៅក្នុងភូមិ មានព្រួយបារម្ភ និងភ័យខ្លាចទៀតផង។ បច្ចុប្បន្នៈ ជនសង្ស័យទាំង០២នាក់ ត្រូវបានកំលាំងប៉ុស្តិ៍ បាននាំខ្លួនមកធ្វើការសាកសួរ។យងតាមចម្លើយសារភាព ពីជនស័ង្សយទាំង០២នាក់ថា៖ ខ្លួនពិតជាបានប្រើប្រាស់ និងជួញដូរគ្រឿងញៀន និងដើរលួចទ្រព្យសម្បត្តិគេពិតប្រាកដមែន។ក្រោពីសាក់សួរចម្លើយរួច សមត្ថកិច្ចអធិការដ្ឋាននគរបាលក្រុងប៉ោយប៉ែត កសាងសំណុំរឿងតាមនីតិវិធី៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com