បែកធ្លាយរឿងលោក ជំ សំនិត ប្រធានសាខាពន្ធដាខេត្តឧត្ដរមានជ័យ ប្រើប្រាស់រថយន្ដអង្គភាពដឹកស្រាគេចពន្ធទៅលក់នៅភ្នំពេញ.!!!
ខេត្តឧត្ដរមានជ័យ៖ កាលពីថ្ងៃ១៤ ខែឧសភាឆ្នាំ២០១៩ មានសារបែកធ្លាយមួយថា៖ លោកជំ សំនិត ប្រធានសាខាពន្ធដាខេត្តឧត្ដរមានជ័យ បានប្រើប្រាស់រថយន្ដអង្គភាព ធ្វើអាជីវកម្ម ដឹកទំនិញគេចពន្ធពីច្រកទ្វារអន្តរជាតិអូស្មាច់ ខេត្តឧត្ដរមានជ័យ យកទៅលក់នៅទីក្រុងភ្នំពេញ។
ប្រភពបានបង្ហើបអោយដឹងថា៖ លោក ជំ សំនិត ប្រធានសាខាពន្ធដាខេត្តឧត្ដរមានជ័យ តែងតែយករថយន្ដអង្គភាព ដឹកទំនិញគេចពន្ធ ភាគច្រើគឺប្រភេទស្រាដបនិងស្រាបៀររបស់ថៃ ចេញតាមច្រកទ្វាអូស្មាច់ ទៅលក់នៅទីក្រុងភ្នំពេញ គឺរាងរាល់ថ្ងៃ សៅរ៍និ ងថ្ងៃអាទិត្យ និងគ្រឿងសង្ហារឹមផ្សេងទៀតផង។ ប្រភពបន្តរថា៖ លោក ជំ សំនិត ប្រើប្រាស់រថយន្ដអង្គភាពដូចរថឯកជនរបស់លោកអញ្ចឹង ពោលគឺ រថយន្ដរបស់អង្គភាពមិនអោយមន្រ្ដីណាម្នាក់ប៉ពល់ឡើយ តែបែជាលោកយកមកប្រើប្រាស់តែម្នាក់ឯងដូចជាកម្មសិទ្ធផ្ទាល់ខ្លួនទៅវិញ។
ប្រភពបន្ថែមទៀតថា៖ លោក ជំ សំនិត បានរកស៊ីដឹកទំនិញគេចពន្ធពីប្រទេសថៃ ច្រើនឆ្នាំមកហើយ ដោយមធ្យោបាយ ដឹកជញ្ជូន ជារថយន្ដរបស់អង្គភាពសាខាពន្ធដា ដោយផ្ទាល់ និងប្រើអំណាចរបស់លោកផង ទើបការប្រកបរបរ ដឹកទំនិញគេចពន្ធបានកាក់កបរហូតមក។
ជំុវិញករណីខាងលើ សារព័ត៌មាន (គេហទំព័រ ប៉ោយប៉ែតប៉ុស្តិ៍) មិនអាចសំការបំភ្លឺពីលោក ជំ សំនិត បានទេ អង្គភាពយើងខ្ញុំព្យាយាមខលទៅលេខទូរស័ព្ទលោក 0318578888 ជាច្រើនសារ តែបានត្រឹមសោកស្តាយតែប៉ុណ្ណោះ ព្រោះមិនអាចទំនាក់ទំនងគ្នាបាន។ ហើយអង្គភាពយើងខ្ញុំរងចាំការបកស្រាយបំភ្លឺពីលោក ជំ សំនិត រាល់ម៉ោងធ្វើការ៕
ដោយៈ ជួង វិសិដ្ឋ និពន្ធនាយក
គេហទំព័រ ប៉ោយប៉ែតប៉ុស្តិ៍
www. poipetposnews
