ខេត្តឧត្តរមានជ័យ៖ ប្រភពបែកធ្លាយទៀតហើយ.! មិននឹកស្មានដល់ថា៖ នៅពីក្រោយនៃការចាប់ខ្លួនពលករខ្មែរឆ្លងដែនស៊ីឈ្នួលកាប់ឈើក្រញូង ត្រូវបានសមត្ថកិច្ច​ថៃ ចាប់បានជាច្រើនលើក កន្លងទៅនេះ នៅតំបន់នគរបាល វរ:ការពារព្រំដែនគោកលេខ៧០២​ សង្កាត់អូស្មាច់​ ក្រុងសំរោង ខេត្តឧត្ដរមានជ័យ។ ដែលមានមេឈ្មូញធំៗចំនួនបីនាក់ ទី១-ជាមន្រ្ដីយោធា កងពលតូចលេខ៤២ ជាកូនចៅរបស់លោក ឧត្ដមសេនីយ៍ទោ​ ប៉ែន វយ ឈ្មោះ ឈឿង ស័ក្ក។ និងទី២-លោកអនុសេនីយ៍ត្រី ចាន់​ ប៊ុនថន ជាមន្រ្ដីនគរបាល វរ:ការពារព្រំដែនគោកលេខ៧០២​ ត្រូវជាកូនចៅរបស់លោក វរ:សេនីយ៍ឯក​ គង់​ សុខាន់។ ទី៣-ឈ្មោះ រៀប​ ជាឈ្មូញទទួលប្រម៉ូលទិញឈើក្រញូងនៅទូរទាំងសង្កាត់អូស្មាច់ទាំងម៉ូល។ ហើយបើយោងតាមប្រភពរាយការណ៍ពីសង្កាត់អូស្មាច់ កាលពីថ្ងៃទី១៥ ខែឧសភាឆ្នាំ២០១៩នេះបានអោយដឹងថា៖ លោកអនុសេនីយ៍ត្រី ចាន់​ ប៊ុនថន បានកៀងគរពលករឆ្លងដែន កាប់ឈើក្រញូង ប្រម៉ូលទិញនិងចារាចរណ៍ ឈើក្រញ៉ូងយ៉ាងសកម្ម សព្វថ្ងៃនេះ នៅត្រង់ចំណុចលេខ ២៧៨ អែបកាស៊ីណូ។ និងឈ្មោះ ឈឿង សក្ក័ បានធ្វើសកម្មភាពដូច និងលោក ចាន់ ប៊ុនថន ដែ ល នៅចំណុចភ្នំបាក់ នៅក្នុងសង្កាត់អូស្មាច់ រីឯមេឈ្មួញប្រម៉ូលទិញឈ្មោះ រៀប។ សកម្មភាពរបស់មេឈ្មូញឈើក្រញូងទាំងបីនាក់ខាងលើ​ គឺជាដើមហេតុនិងជាមូលហេតុ ទាំងអស់​ ដែលបណ្ដាលអោយអាជ្ញាធរថៃ ចាប់ខ្លួនពលករលួចឆ្លងដែនខុសច្បាប់កាប់ឈើក្រញូងបញ្ជូន​យកទៅ​ផ្ដន្ទាទោស​តាមច្បាប់ប្រទេសថៃ។ ដែលសកម្មភាពទាំងនេះបានកើតឡើងជាដ៍ដែលៗៗ ជាហូហែច្រើនឆ្នាំកន្លងទៅនេះ។ ដែលល្បីថា៖ អ្នកមានអំណាចនៅខេត្តឧត្ដរមានជ័យ មួយចំនួនកំពុងទទួលផល និងចូលដៃចូលជើងពីមេឈ្មូញទាំងបីខាងលើថែមទៀតផង។ ជុំវិញករណីខាងលើ ក្រុមការងារយើងខ្ញុំមិនអាចស្វែងរកការទំនាក់ទំនងសុំការបំភ្លឺពីលោ ចាន់ ប៊ុនថន និងលោក​ ឈឿង​ សក្ក័​ និងឈ្មោះ រៀប បាននោះទេនៅពេលនេះ ហើយអង្គភាពយើងខ្ញុំរងចាំការបកស្រាយបំភ្លឺពីលោក ចាន់ ប៊ុនថន រាល់ម៉ោងធ្វើការ៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com