ប្រទេសថៃ៖ បើតាមសេចក្តីរាយការណ៍ នាព្រឹកថ្ងៃទី១៥ ខែឧសភា ឆ្នាំ២០១៩នេះ កងកំលាំងទាហានទី១១ ​បន្ទាយសម្ដេចព្រះ​ណាំង ​ក្លៅ ប្រគល់ភារកិច្ចឲ្យ កងរក្សា​សន្តិសុខរបៀបរៀបរយ បើកប្រតិបត្តិ​ការត្រួតពិនិត្យ នឹងចា​ប់​ពលករខ្មែរចំនួន៨០នាក់ ដែល​លួចឆ្លងដែនចូលទៅប្រទេសថៃដោយខុសច្បាប់។ បន្ទាប់ពីមានសេចក្តីររាការណ៍ថា៖ មានក្រុមពលករខ្មែរចូលមកស្នាក់អាស្រ័យ នៅ​កណ្ដាលព្រៃល្បាស ខាងក្រោយបន្ទាប់ជួលលេខ៨ បន្ទប់របស់ស្រ្តីឈ្មោះ អារី ចាន់ថាវ៉ាន់ ផ្ទះ​លេខ27/1 ភូមិ៤ ឃុំស្មេតតាយ ស្រុកបាងក្លា ខេត្តឆាក់ឆើងសៅ ប្រទេសថៃ។ នេះបើយោងតាមការចុះផ្សាយរបស់គេហទំព័រក្នុងស្រុកថៃ។ ប្រភពដ៏ដែរបន្តថា៖ មុនពេលឃាត់ខ្លួនពលករខាងលើ កម្លាំងទាហានថៃ បាន​សហការ​ជាមួយ​កម្លាំងតម្រួតស្រុកបាងក្លា រួមនឹងអាជ្ញាធរមូលដ្ឋាន ចូល​ទៅត្រួត​ពិនិត្យឯ​កសារ​ធ្វើដំណើរ ខណៈទៅដល់​ក្រុមពលករខ្មែរដែលស្នាក់នៅកណ្ដាលព្រៃល្បាស ខាងក្រោយ​បន្ទប់​ជួលទាំងនោះ នាំគ្នារត់បែកខ្ញែក សមត្ថកិច្ចបំបែកកម្លាំងគ្នា តាមចាប់​បាន​មក​ទាំងអស់​ជិត​៨០នាក់​មានទាំងប្រុសនិ​ងស្រី រួមទាំងក្មេងផងដែល។ នៅចំពោះមុខសមត្ថកិច្ចថៃ​ ក្រុមពលករខ្មែរទាំងនោះបានសារភាពថា៖ ក្រុមខ្លួន​ចូលមកស្នាក់​នៅទី​នេះ ដោយធ្វើ​ដំណើរចូលមក​តាំងពីវេលា​ម៉ោង០៣ទៀបភ្លឺ រងចាំរថយន្តមកទទួល ដើម្បីបន្តដំណើ​រ​ទៅរ​ក​ការងារ​ធ្វើ​នៅខេត្តផ្សេងៗទៀត។ ដោយឡែកមេខ្យល់ ដែលដឹកនាំក្រុមនេះចូលមកគ្រាន់តែដឹង​ឈ្មោះថា តា អាត ដែល​ជាអ្នក​ជួលបន្ទប់លេខ៨ នៅជាប់កន្លែងស្នាក់​របស់ពួកខ្លួន ហើយតា អាត នេះជាអ្នក​ផ្ដល់បាយ ទឹក នឹងនំ អោយក្រុមពលករទាំងនេះហូប។ក្រៅពីនោះ បានតស៊ីយោទឹកស្អាតទុកឲ្យក្រុមពលករប្រើសម្រាប់ងូត​នឹង​ចូល​បង្គន់ទៀតផង តែបន្ទាប់ពីការត្រួតពិនិត្យ ដើម្បីតាមចាប់បុគ្គលឈ្មោះតា អាត នោះដឹងខ្លួនទាន់ រត់គេចខ្លួនចោលពួកគាត់បាត់ទៅ។ បច្ចុប្បន្ន ក្រុមពលករខ្មែរទាំងនេះសមត្ថកិច្ចថៃ កំពុងធ្វើការសាកសួរ និងកសាង​សំណុំរឿងដើម្បីចាត់ការ​តាមនិតិវិធីនៃច្បាប់ប្រទេសថៃ៕ ដោយៈ សុខ បូរី និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com