ខេត្តឧត្តរមានជ័យ៖ ដោយយោងតាមសេចក្តីរាយការណ៍ មកថា៖ ដីព្រៃខ្ទង់ពាន់ហិកតា នៅតាមជើងភ្នំដងរ៉ែក ដែលស្ថិតផ្លូវយុទ្ធសាស្ត្រសមរភូមិមុខ ទិសទី២ ក្នុងភូមិអូរស្វាយ និង ភូមិទំនប់អភិវឌ្ឍន៍ ឃុំអូរស្វាយ ស្រុកត្រពាំងប្រាសាទ ត្រូវបានក្រុមអ្នកមានអំណាច ឋានៈឧត្តមសេនីយ៍ យកគ្រឿងចក្រទៅឈូសឆាយព្រៃ ដើម្បីយកដីលក់អោយឈ្មួញ ដោយយកគំរោងអភិវឌ្ឍន៍គ្រួសារអតីតយុទ្ធជន ធ្វើជាខែល។ យោងតាមប្រភពបានបន្តថា៖ សកម្មភាពឈូសឆាយព្រៃយកដីរដ្ឋ មានចំនួនច្រើនរាប់រុហិកតា មកធ្វើជាកម្មសិទ្ធបុគ្គលទៅវិញ.! ត្រូវបានមហាជន ដាក់ការសង្ស័យថា៖ អាចមានការឃុបឃិតគ្នា ជាប្រពន្ធ័ននៅក្នុងខេត្តឧត្តរមានជ័យទាំងមូល ទើបគេអាចឈូសឆាយព្រៃយកដីរដ្ឋ បានយ៉ាងរលូន បែបនេះ ហើយបើគ្មានការបើកភ្លើងខៀវពីសំណាក់អាជ្ញាធរ ភូមិ/ឃុំ/ស្រុក/ខេត្ត/នោះទេ គឺមិនអាចទៅរួចនោះទេ។ ករណីខាងលើនេះដែល លោក នៅសំ ដារ៉ារិទ្ធ អភិបាលស្រុកត្រពាំងប្រាសាទ បានអោយដឹងថា៖ ដីព្រៃខាងលើនេះ អតីតយុទ្ធជននិវឌ្ឍន៍ស្នើសុំ ពីររយហិកតា (២០០ហិកតា) ដើម្បីអភិវឌ្ឍន៍។ តែយ៉ាងណា ក៏ដោយលោកឧត្តមសេនីយ៍ឯក ង៉ែត ចាន់ថុន (ហៅ៥១) បានបញ្ជាក់តាមទូរស័ព្ទ នៅថ្ងៃទី១៥ ខែឧសភា ឆ្នាំ២០១៩ ម្សិលមិញនេះថា៖ ដីខាងលើលោកបានស្នើសុំតាំងពីជំនាន់ឯកឧត្តម សរ ថាវី នៅជាអភិបាលខេត្តឧត្តមានជ័យមកម្លេះ ដែលមានចំនួនដី ប្រហែលមួយរយហិកតា (១០០ហិកតា) ដើម្បីរៀបចំភូមិ។ គួរបញ្ជាក់ថា៖ ទូរលេខចំនួនដី ដែលលោក នៅសំ ដារ៉ារិទ្ធ អភិបាលស្រុកត្រពាំងប្រាសាទ បានបញ្ជាក់ និង ទូរលេខចំនួនដី ដែលលោកឧត្តមសេនីយ៍ឯក ង៉ែត ចាន់ថុន (ហៅ៥១) បញ្ជាក់ខុសគ្នា រហូតដល់ទៅមួយរយហិកតា (១០០ហិចតា) ឯណោះ ដែលទូរលេខនេះ ឋិតក្នុងភាព អាថ៌កំបាំង រឺក៏ជាយុទ្ធសាស្រ្ត កន្ទេលធំបន្លំដេក ដើម្បីស្ពិនភ្នែកមហាជន.! សូមរង់ចាំតាមដាននៅវគ្គបន្តក្រោយទៀត៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com