ក្រុងប៉ោយប៉ែត៖ គ្រោះថ្នាក់ចរាចរណ៍មួយដ៏រន្ធត់ រវាងរថយន្តដឹកដី និងម៉ូតូ យ៉ាងពេញទំហឹង បណ្តាលអោយបែកក្បាលស្លាប់ទាំង៣នាក់ ភ្លាមៗក្នុងថ្លុកឈាម" ប្រុស២នាក់ ស្រីម្នាក់" នៅមុខខ្លោងទ្វារវត្តអណ្ដូងថ្មមាស ស្ថិតក្នុង ភូមិ​អណ្ដូង​ថ្មមាស សង្កាត់​ផ្សារកណ្តាល ក្រុង​ប៉ោយប៉ែត ខេត្តបន្ទាយមាន ជ័យ។ដែលហេតុការណ៍នេះ បានកើតឡើង នៅព្រឹកថ្ងៃទី១៧ ខែឧសភាឆ្នាំ​២០១៩​ វេលាម៉ោង១០និង៣០នាទីព្រឹក។ ហើយបើយោងតាមសម្តីពលរដ្ឋបានឃើញមុនពេលកើតហេតុថា៖ រថយន្តនិងម៉ូតូទាំងធ្វើដំណើរស្របទិសគ្នា មកដល់​ចំនុច​កើត​ហេតុ​ រថយន្តបែនដឹកដីបានបុកម៉ូតូពីក្រោយពេញទំហឹង អូសចម្ងាយ៤០ម៉ែត្រ កិនទាំងបីនាក់ស្លាប់ភ្លាមៗតែម្ដង ចំណែកជនរងគ្រោះ​ទាំង​បី​នាក់​ជិះម៉ូតូរួមដំណើរជាមួយគ្នា ក្នុងនោះមាន"ស្រី០១ម្នាកើប្រុស០២នាក់" ត្រូវ​ជាបងថ្លៃប្អូនថ្លៃ។​ (ម៉ូតូ)ជនរងគ្រោះមានស្លាកលេខ 1I.1948 បាត់​ដំបង ជនរងគ្រោះទាំង០៣នាក់មានឈ្មោះដូចខាងក្រោមៈ ទី១-ឈ្មោះ ផាត ភាព អាយុ៣៦ឆ្នាំភេទប្រុស។ ទី២-អ្នក​រួម​ដំណើរ​ជាប្អូន ឈ្មោះ ផាត ភានអាយុ២៣ឆ្នាំ ភេទប្រុស។ទី៣-ឈ្មោះ ស្រីតំ អាយុ​១៩ ឆ្នាំភេទស្រី ជាប្រពន្ធត្រូវស្លាប់ទាំង៣នាក់ អ្នកទាំងបីរស់នៅ ភូមិក្បាលថ្នល ឃុំព្រៃខ្ពស់ ស្រុក​បរវិល ខេត្ត​បាត់​ដំបង​។​ រីឯអ្នក​បើកបរ​រថយន្ត​បង្កមាន​ ឈ្មោះ ហេង វាសនា អាយុ​២៧ឆ្នាំ ភេទប្រុស រស់នៅ​​ភូមិចំបក់ ឃុំប្រាសាទ ស្រុក​កំពុង​ត្របែក ខេត្តកំពុងចាម។ រថយន្តបង្កមានស្លាកលេខ 3A.3754 ភ្នំពេញ ជារបស់​ក្រុម​ហ៊ុន តាំង តេងភៀវ។ ក្រោយពេលកើតហេតុភ្លាមៗនោះ សមត្ថកិច្ចបានធ្វើការឃាត់ខ្លួនអ្នកបើកបររថយន្តបង្កបានផងដែរ។ បច្ចុប្បន្នៈ សាកសពទាំង០៣នាក់ ត្រូវបានលោក នួន នីគីដា​ ផ្នែកមនុស្សធម៌ក្រុងប៉ោយប៉ែត ជួយក្តាម្ឈូស និង ដដឹកសាកសពដោយមិនគិតថ្លៃ យកទៅដល់គេហដ្ឋានសាច់ញាតិ ។​ ចំណែករថយន្ត ទាំងពីប្រភេទត្រូវបាន សមត្ថកិច្ច យកមករក្សាទុកនៅអធិការនគរបាលក្រុងប៉ោយប៉ែត ដើម្បី​រងចាំដោះស្រាយគ្នានៅពេលក្រោយ៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www poipetposnews.com