ក្រុងប៉ោយប៉ែត៖ កម្លាំងជំនាញនៃអធិការដ្ឋាននគរបាលក្រុងប៉ោយប៉ែត ចុះល្បាត បង្ការបង្ក្រាប និងឃាត់ខ្លួនយុវជនបានចំនួន០៥ នាក់ ពាក់ព័ន្ធនិងករណីរក្សាទុកនូវសារធាតុគ្រឿងញៀន បានពីកន្លែងនៅយប់តែមួយ។ កាលពីវេលាម៉ោង២៣និង៣០នាទី ថ្ងៃទី២០ ខែឧសភា ឆ្នាំ៣០២៩ នៅចំណុចមណ្ឌល៥ ស្ថិតក្នុងភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយ មានជ័យ។ កម្លាំងប៉ុស្តិ៍ផ្សារកណ្ដាល បានចុះល្បាតបង្ការបង្ក្រាប ទប់ស្កាត់ នៅពេលយប់ បានប្រទះឃើញ យុវជនមួយក្រុម មានការសង្ស័យក៏ធ្វើការត្រួតពិនិត្យ បានរកឃើញវត្ថុតាង ម្សៅក្រាមពណ៌ស ចំនួន០២ ថង់តូច,ប្រដាប់ច្រកថ្នាំ០១, បំពង់ជក់០១,ដាវសាំមូរ៉ៃ០៣ដើម ,ហើយបានធ្វើការឃាត់ខ្លួន យុវជនចំនួន០២ នាក់ ។ ទី-១ ឈ្មោះ ហែមណា ភេទប្រុស អាយុ២០ ឆ្នាំ។ ទី-២ ឈ្មោះឈឿន សារុំ ភេទប្រុស អាយុ២៥ឆ្នាំ ជនសង្ស័យទាំងពីនាក់ រស់នៅភូមិក្បាលស្ពាន ១ សង្កាត់ និងក្រុងប៉ោយប៉ែត។ សមត្ថកិច្ចបានបន្តឲ្យដឹងទេថា៖ លុះល្បាតមកដល់ចំណុចមុខសាលាសង្កាត់ផ្សារកណ្ដាល បានជួបយុវជនបីនាក់ទៀត នៅអង្គុយពិភាក្សាគ្នា ក៏មានការសង្ស័យ កម្លាំងយើង បានធ្វើការត្រួតពិនិត្យបានរកឃើញមានបំពង់កែវជក់មួយ ទុយូជ័រ០២ ហើយកម្លាំងសមត្ថកិច្ចប៉ុស្តិ៍ បានយកយុវជនទាំង០៣នាក់ មកធ្វើការសាកសួរ។ ទី១-ឈ្មោះ ឯក ចាន់រិទ្ធ ភេទប្រុស អាយុ ១៩ឆ្នាំ រស់នៅមណ្ឌល៥ ភូមិប្រជាធម្មលិច។ទី-២ ឈ្មោះ ហៀប សីហា ភេទប្រុស អាយុ ១៩ឆ្នាំ រស់នៅមណ្ឌល៣ ភូមិប្រជាធម្មលិច។ទី-៣ ឈ្មោះ ងិន ផល ភេទប្រុស អាយុ១៦ឆ្នាំ រស់នៅមណ្ឌល៥ ភូមិប្រជាធម្មលិច។ លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត បានឲ្យដឹងថា៖ តាមចម្លើយសារភាពរបស់ជនសង្ស័យទាំង០៥នាក់ និងធ្វើតេស្តស្វែងរកសារធាតុ ជាលទ្ធផល វិជ្ជមាន។ ហើយបានសារភាពថា៖ ពួកគេពិតជាបានជួញដូរនិងប្រើប្រាស់ដោយខុស ច្បាប់នូវសារធាតុគ្រឿងញៀន ពិតប្រាកដមែន។ លោកបានបន្តឲ្យដឹងទៀតថា៖ ក្នុងមូលដ្ឋានគ្មានការជួញដូរគ្មានអ្នកប្រើប្រាស់ហើយ អ្នកមិនអាចគេចផុតពីការប្រមាញ់ដោយកម្លាំងសមត្ថកិច្ចអធិការដ្ឋានក្រុងប៉ោយប៉ែន បាននោះទេ ដ៏រាបណា មិនចូលរួមជះឱ្យឆ្ងាយពីគ្រឿងញៀន ត្រូវនិយាយថាទេចំពោះគ្រឿងញៀន។ បច្ចុប្បន្នៈ ជនសង្ស័យទាំង០៥នាក់ ត្រូវបានកម្លាំងសមត្ថកិច្ច អធិការដ្ឋាននគរបាលក្រុងប៉ោយប៉ែត កសាងសំណុំរឿងចាត់ការបន្តតាមនីតិវិធី៕ ដោយៈ លោក ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com